سلام الله سلام ٍفيه نوع ونوع يالشعار [الأرشيف]

مشاهدة النسخة كاملة : سلام الله سلام ٍفيه نوع ونوع يالشعار

محمد السحيل

31-12-2005, 02:15 AM

°ˆ~*¤®§(*§*)§®¤*~ˆ°في البدايه السلام وعليكم ورحمة الله وبركاته اخواني واخواتي اعضاء منتدانا الفخري منتدى غرابيل واحب اعرف عن نفسي انا اخوكم العضو الجديد محمد العتيبي °ˆ~*¤®§(*§*)§®¤*~ˆ°

سلام الله سلام ٍ فيه نوع ونوع يالشعار = يلادي للحليب وياخذ من الوبل مطعومه
وألا يا سعود عبدالله تقدم ما نبى الاعذار = وكل ٍ قسمته من عند رب الكون مقسومه

منيرة البريكي

31-12-2005, 05:05 AM

سلام الله سلام ٍ فيه نوع ونوع يالشعار
يلادي للحليب وياخذ من الوبل مطعومه
وألا يا سعود عبدالله تقدم ما نبى الاعذار
وكل ٍ قسمته من عند رب الكون مقسومه

صح لسانك
وبأنتظار سعود
لاظهار محاوره جميله وممتعه

محمد الجبريني

31-12-2005, 08:21 AM

حياك الله يالشاعر
محمد العتيبي ونعم مليون وليكفون
ايه ايه هذي الرجال ولا بلاش الواثقه من انفسها
ماتدخل البيوت الا بعد تزهم المعازيب وتعرف على انفسها
اكرر الترحيب بك يا محمد العتيبتــــــــــــــــــ ي
اما المجانين الله يكفيني شرها
الواحد منهم يتدعس وهو ماعرف على نفسه على شان ان نجح مغط رقبته وقال انا فلان الفلاني ماتعرفوني
ههههههههههه هههههههههههههه

تصريح هاااااام جدآ
المتحدث باسم غرابيل يدلي بماهو اعلاه

محمد السحيل

31-12-2005, 10:33 AM

صحت ابدانكم جميعا

وابقاك الله يا محمد الجبريني وماعليك زود
والمجانين خلهم يفدونك ماهم بقد الكلام اللي يقولونه
لكن ما اوصيك خلك بصفي

سعودعبدالله

01-01-2006, 01:20 AM

منيره البريكي مرحبآ بهذا الحظور العطر

محمد الجبريني هلا وغلااا حظورك شرف

محمد العتيبي هلا وغلاااا واللعب معك شرف واستلم

عدد ماحاتم الطائي فرح من شوفة الخطار=هلا يامرحبآ باللي نظم للدر منظومه
انا في وسط سوق المعرفه وانته مع التجار=تقدم يامحمد كان تاجر وافرق السومه

عبدالله خاتم

01-01-2006, 01:35 AM

محمد العتيبي 000 سعود عبد الله 000 صحة قلوبكم

متابع بحراره

محمد السحيل

01-01-2006, 01:40 AM

صح لسانك يا أبو عبدالله والله يخارجنا

اسمع

يدوم ألك البقى وانا نشدت وقيل عنك اخبار=فقلت أبى ابنشده وأبى بقرصه وأبى اكشف اعلومه
يقولون العرب ياكثر ما فالسوق من زوار=حقيقه والحقيقه حطها فالراس معلومه

محمد السحيل

01-01-2006, 01:46 AM

أبو خاتم الله يسلم قلبك

وشكرا لك على اللفته الكريمه

ولا أوصيك خلك من صفي

سعودعبدالله

01-01-2006, 02:06 AM

الله الله

استلم لاهنت

عسى ماقيل عني خير ياللي تبدع الاشعار =ترى ماكل من فسّر حلومه تصدق حلومه

ليا جاك التقاطع خذ يمين ولا تروح يسار = دروب الغانمين ايمين و الثوب افهق كمومه

سعودعبدالله

01-01-2006, 02:08 AM

ارحب يابو خاتم

حضورك مكسب طال عمرك

محمد السحيل

01-01-2006, 02:17 AM

صح لسانك

واسمع

أنا بنشدك عن بنت ٍ سرت فالليل والاخطار=وتال العلم عنها وصلت الطايف وماسومه
تعاين فالبروق وتسمع الامطار فالاخبار=عساها عقب حالت بالضعون الدار مرحومه

عـويد العطاوي

01-01-2006, 02:36 AM

متابع

سعودعبدالله

01-01-2006, 11:52 PM

مرحبى بمن تابع

واستلم يامحمد

ترى بنت الزناتي عودت مابين نار وغار=لكنك علم الظالم ترى هالبنت مظلومه
بعدها غن بالمسحوب (قم ياكليب شب النار )= وجنحان النداوي يالنداوي تكسر الحومه

محمد السحيل

02-01-2006, 04:37 AM

صح لسانك
وأسمع

يبى يصرف لك المشرف زعم ذا اليل صك اعسار=على شانك تشوف بعينك الرمان وتسومه
تنشد عنها عويد ترى يشهد على اللي صار=ولنكانه جحد بالفعل انا يا سعود مالومه

سعودعبدالله

02-01-2006, 07:53 PM

الله الله

ياراع البندق احذر لاتثورها بدون عيار=وتصحي من رقد في تالي الايام من نومه
انا اعرف عملة الدرهم وانا اعرف عملة الدينار=خطاك السوّ يانفوسن من الايام مهمومه

محمد السحيل

02-01-2006, 10:40 PM

صح لسانك
وأسمـــــــــــــــــــــ ـــع

بعد ما صعبت البيعه عليكم من غلى الأسعار=ترى الدنيا دروس وكل رجال ٍومفهومه
نباها تنتهي في خير و إلا الطايلات أقصار=فمان الله نبيها تنتهي بالمسك مختومه

محمد السحيل

02-01-2006, 11:00 PM

صح لسانك
وأسمــــــــــــــــع

بعد ما صعبت البيعه عليكم من غلى الاسعار=ترى الدنيا دروس وكل رجال ومفهومه
نبيها تنتهي في خير وإلا الطايلات اقصار=فمان الله نبيها تنتهي بالمسك مختومه

خالد الشليخي

03-01-2006, 10:18 AM

صح لسانك يا خطل اليمنى

وصح لسان الاخ سعود عبدالله

محاوره ولا اروع.. كذا وإلا بلاش المحاورات

الله يعطيكم العافيه بيض الله وجيهكم وما قصرتوا

محمد السحيل

03-01-2006, 10:25 AM

صح بدنك أخوي خالد
ولاهنت على المرور

محمد السحيل

10-01-2006, 04:13 AM

محمد العتيبي
سلام الله سلام ٍ فيه نوع ونوع يالشعار
يلادي للحليب وياخذ من الوبل مطعومه
وألا يا سعود عبدالله تقدم ما نبى الاعذار
وكل ٍ قسمته من عند رب الكون مقسومه

سعود عبدالله

عدد ماحاتم الطائي فرح من شوفة الخطار
هلا يامرحبآ باللـي نظـم للـدر منظومـه
انا في وسط سوق المعرفه وانته مع التجار
تقدم يامحمد كان تاجـر وافـرق السومـه

محمد العتيبي

يدوم ألك البقى وانا نشدت وقيـل عنـك اخبـار
فقلت ابنشده وأبى بقرصه وأبى اكشف اعلومه
يقولون العرب ياكثـر مـا فالسـوق مـن زوار
حقيقـه والحقيقـه حطهـا فالـراس معلـومـه

سعود عبدالله

عسى ماقيل عني خير ياللي تبدع الاشعـار
ترى ماكل من فسّر حلومه تصدق حلومـه

ليا جاك التقاطع خذ يمين ولا تروح يسـار
دروب الغانمين ايمين و الثوب افهق كمومه

محمد العتيبي
أنا بنشدك عن بنت ٍ سرت فالليل والاخطار
وتال العلم عنها وصلت الطايف وماسومه
تعاين فالبروق وتسمع الامطار فالاخبـار
عساها عقب حالت بالضعون الدار مرحومه

سعود عبدالله

ترى بنت الزناتي عودت مابين نار وغـار
لكنك علم الظالـم تـرى هالبنـت مظلومـه
بعدها غن بالمسحوب (قم ياكليب شب النار )
وجنحان النداوي يالنداوي تكسـر الحومـه

محمد العتيبي

يبى يصرف لك المشرف زعم ذا اليل صك اعسار
على شانـك تشـوف بعينـك الرمـان وتسومـه
تنشد عنها عويد ترى يشهـد علـى اللـي صـار
ولنكانه جحـد بالفعـل انـا يـا سعـود مالومـه

سعود عبدالله

ياراع البندق احـذر لاتثورهـا بـدون عيـار
وتصحي من رقد في تالي الايـام مـن نومـه
انا اعرف عملة الدرهم وانا اعرف عملة الدينار
خطاك السوّ يانفوسـن مـن الايـام مهمومـه

محمد العتيبي

بعد ما صعبت البيعه عليكم من غلى الأسعار
ترى الدنيا دروس وكل رجـال ٍومفهومـه
نباها تنتهي في خير و إلا الطايلات أقصار
فمان الله نبيها تنتهـي بالمسـك مختومـه

دمعة غريب

10-01-2006, 08:00 PM

صح لسان كلا من خطل اليمنى وسعوووود عبدالله ومرحبا بالشاعر الرائع والذي لاتوفيه كلمات المدح حقه عبد الله خاااتم

محمد سالم الهاجري

17-01-2006, 02:51 PM

عزالله شعار اكبار ولافيكم اي قصور وكلكم شعار

وعتبرررو مروري مرور اخوي اخوكم برق الشمـــــــــــــــال