المساعد الشخصي الرقمي

مشاهدة النسخة كاملة : اقرب نبي نسولف معك يابو علي ****** عندي علومٍ مبطيه موحيتها


عبدالله خاتم
30-12-2005, 03:56 PM
اقرب نبي نسولف معك يابو علي = عندي علومٍ مبطيه موحيتها


منته بداري عن رضايه وزعلي = ويش السواه اللي معي سويتها
منور العوني
30-12-2005, 09:46 PM
الله
الله

ياعبدالله

على هالمبدا الرائع

وبانتظار الدكتور
أمل عبدالعزيز
30-12-2005, 10:09 PM
,
,
,
,
صح لسانك ياعبدالله

وبداية رائعة
والصف صفك اليوم ولايهون أبو علي:احم:

وينك يابوعلي؟
بعيد المراميس
30-12-2005, 10:15 PM
الله الله يابو خاتم من طول الغيبات جاب الغنايم


حظور يجبرنا على المتابعه ومحاوره من الوزن الثقيل


سجلني في صفك ولايهون ابو علي

عاد انا احب الاداره واجد ههههههههه الا مهوب سجلني بصفك الا امحط بي في صفك
محمد السليس
30-12-2005, 10:48 PM
نذبح على شوفتك حاشي مع طلي =وانا ليازليـــــت ما خبيتهــــــا
ترى الله الوالى ولاغيره ولى = مار احسن النيات لانويتهـــــــــا
محمد السليس
30-12-2005, 10:52 PM
منور العونى
يامرحبا تراحيب المطر ياخالى عسانى ماخلا

أمل عبدالعزيز
حيالله معزبتنا الحاضره الغائبه
ولانعدم هالطله
ابو جسار
يا خوى انت ماتحب الاداره وانت مشرف يعنى ماتحب نفسك ههههههههههه

لاخلا ولاعدم ياا استااذي

وحيااكم الله جميع
ورد الجــوري
30-12-2005, 11:07 PM
هلا والله
بعبدالله
صح لسانك

//
/
ورد
منور العوني
30-12-2005, 11:15 PM
ترى الله الوالى ولاغيره ولى
مار احسن النيات لانويتها

الله
الله

يالبناخي

شد حيلك وعساك على القوه

والصف ازهله
محمد السليس
30-12-2005, 11:16 PM
ورد الجورى

وانا مالى رب ؟؟؟؟ والا ما استاهل صح لسانك

على العموم مشكوره ولاهنتى
محمد السليس
30-12-2005, 11:18 PM
ازهل واعتمد يااخالى عساانى مااخلااااااااااااا يا ابو سعود

ماار لاوصيك بالصفوف واللى يفحم منهم خله يروح يتقهوى من التلاليج عند النار
الرويحـــي
30-12-2005, 11:21 PM
حياااااااااااك الله يابو خاتم
وصح السااانك وسلمت على هالمبدا

وصح السااانك بعد يابو علي على هالرد

بيض الله وجيهكم

متاااابع لكم والليل الليل
عبدالله خاتم
31-12-2005, 12:03 AM
منور العوني حياك الله واشكرك على مرورك الكريم
عبدالله خاتم
31-12-2005, 12:06 AM
امل عبدالعزيز صح بدنك وبارك الله فيك واشكرك على مرورك الكريم
عبدالله خاتم
31-12-2005, 12:10 AM
زعم الغنامي ابشر بالغنايم يالحصان واشكرك على مرورك الكريم
عبدالله خاتم
31-12-2005, 12:13 AM
ورد الجوري المهلي مايولي صح بدنك وبارك الله فيك واشكرك على مرورك الكريم
عبدالله خاتم
31-12-2005, 12:23 AM
خلوها
اسمع يابوعلي



انا على وضح النقا سقت اجملي = والشجره ام الداب مامريتها

الله ولي والعبد دايم مبتلي = احسن صلاة الفرض اذا صليتها
سيف العدالة
31-12-2005, 12:28 AM
صح لسانك

عبدالله خاتم : ما أجمل ما نطق به هذا القلم

لا غُبار على كلماتك تلك ...

لقد كُنت مُبدعاً !!


اشجان الفؤاد
منور العوني
31-12-2005, 12:28 AM
ابوعلي

الصفوف متقهوين قبل يجون !!

عندك الرجال وخل الباقي يالبناخي


عبدالله

يالله حيّه

من طول الغيبات جاب الغنايم
عبدالله خاتم
31-12-2005, 12:31 AM
الرويحي الله يبارك فيك وصح بدنك واشكرك على مرورك الكريم
عبدالله خاتم
31-12-2005, 12:37 AM
أشجان الفؤاد صح بدنك اشكرك على كلامك الرايع ومرورك الكريم
محمد السحيل
31-12-2005, 12:38 AM
°ˆ~*¤®§(*§*)§®¤*~ˆ°اللـــــــ ـــه الــــــــــــــــــــــل ه هذا الكلام اللي يصحي من النوم صح السانك يا أبو خاتم وكذلك ابو علي ومساكم الله بالخير جميعا واعذرونا تراي جديد ولا اعرف شي °ˆ~*¤®§(*§*)§®¤*~ˆ°
عبدالله خاتم
31-12-2005, 12:39 AM
الله يبارك فيك يامنور العوني ابشر بالغنايم والعلوم الطيبه
محمد السليس
31-12-2005, 12:40 AM
الله الله

استلم يا ابو خاتم



اترك كثير الهرج واسمع مايلي = اطريت طارى النار ماشبيتها
والله ملومك لو تلقيت الخلي = كم وقفتن في مامضي خليتها
عبدالله خاتم
31-12-2005, 12:42 AM
خطل اليمنى صح بدنك والله يحييك يالطيب ويمسيك بالنور والهدى
محمد السليس
31-12-2005, 12:43 AM
قهوتن عاامره ولاهنت ياخالى

ازهل ازهل اعتبر بناخيك نار وبارود في حضورك


وهلا وغلا يااخطل اليمنى
عبدالله خاتم
31-12-2005, 01:05 AM
خلوها


النار تشعم والمعاني تصتلي = وانته عيونك من يداك اعميتها

الله يجازيني على حسب اعملي = ام الكباير اومها ماجيتها
فيصل بن بدر العتيبي
31-12-2005, 01:05 AM
صحت السنتكم

واعذرونا عن التأخير

وتراني في صف ابو علي ولاهان اخوي عبدالله
نجاء بن محمد الجبيري
31-12-2005, 10:32 AM
السلام عليكم


عبدالله خاتم


اقرب نبي نسولف معك يابو علي = عندي علومٍ مبطيـه موحيتهـا


منته بداري عن رضايه وزعلـي = ويش السواه اللي معي سويتهـا


محمد السليس

نذبح على شوفتك حاشي مع طلي = وانا ليازليت ما خبيتها


ترى الله الوالى ولاغيره ولى = مار احسن النيات لانويتها


عبدالله خاتم


انا على وضح النقا سقت اجملي = والشجره ام الـداب مامريتهـا

الله ولي والعبـد دايـم مبتلـي = احسن صلاة الفرض اذا صليتها


محمد السليس


اترك كثير الهرج واسمع مايلي = اطريت طارى النار ماشبيتهـا

والله ملومك لو تلقيت الخلـي = كم وقفتن في مامضي خليتهـا


عبدالله خاتم

النار تشعم والمعاني تصتلـي = وانته عيونك من يداك اعميتها

الله يجازيني على حسب اعملي = ام الكبايـر اومهـا ماجيتهـا


الله يعطيكم العافيه يا شعار


متابعينكم بحراره


والله مدري اصفق اعبدالله خاتم ولا محمد السليس



لاكن شكلي بنظم لعبدالله عسا الوسايط تجيبه



اخيكم



الجبيري
محمد السليس
31-12-2005, 02:50 PM
العام خليناك نجم ٍ معتلى = عاهدت وعهود الوفا ماوفيتها
واليوم تشره ليه والمخرج ملى = مادام ماسريت ماضريتها
محمد السليس
31-12-2005, 02:54 PM
ابو بدر

هلا وغلا وجودك شرف ونوماس

لاخلا والله

نجا بن محمد

هلا وغلا يالقرم

متاابعتك مكسب ووجودك في اي صف نومااس يشهد الله

لاخلا والله ولاعدم
عبدالله خاتم
01-01-2006, 12:36 AM
خلوها
اسمع يالحصان



العام اقود الشافعي والحبلي = ليا ماتت اجروح القوب احييتها

هذا جوابٍ لسوال الاولي = خميتها يابو علي واخطيتها
سعودعبدالله
02-01-2006, 12:05 AM
صحت قلوبكم

محاوره من الوزن الثقيل

متابع بعنف

لاهنتووو
نجاء بن محمد الجبيري
02-01-2006, 12:15 AM
السلام عليكم


احبابي الافاضل




ابداع كبار



اجمل تحيه لكم جميعا




اخيكم



الجبيري
الراســـي
02-01-2006, 01:27 AM
صحت قلوبكم

متابع
وفي صفك يابو علي

ولاهنت يالبحر
بدر المعصيري
02-01-2006, 03:40 AM
صحت السنتكم

والعذر من الله ثم منكم على التأخير

قاف كايف وأبدعتم الله لايهينكم

وتراني في صف ابو علي من غير قاصر أبن خاتم


واصلووووووووو متابع لكم والليل الليل ياأبو علي
محمد السحيل
03-01-2006, 11:47 AM
صحت قلوبكم على الإبداع الجميل
ولا هنتوا

متابع بقوه



تحياتي
حسن القحطاني
04-01-2006, 03:42 PM
\

/

\

السلام عليكم ورحمة الله وبركاته ،

مساكم الله بالخير والعافية ،

وددت تدوين مشاعري وإعجابي الشديد بكلا الشاعرين ،

والحقيقة كلاهما مُبدعين وجديرين بالمتابعة ،

واصلوا الله لا هانكم ، بيض الله وجيهكم ،

لا خلا ولا عدم ،

أخوكم ،
حسن القحطاني ،
عبدالله خاتم
13-01-2006, 01:39 AM
حسن القحطاني ماعليك زود وشكراً على مرورك الكريم
محمد السليس
13-01-2006, 02:01 AM
ماعليك زود يابليهان

استلم


اتقود ماتمتاح وتميح الدلي = صحصح معى صيدتك وان اغديتها
انت تعرفنا نطلى الواحد طلي =اليا بدت جفواه وانت ابديتها
عبدالله خاتم
14-01-2006, 02:55 AM
صح لسانك يابو علي واستلم


انقود بالحد الرهيف الاخطـلي = وانته ذلولك بالطريق اصغيتها

من حط وسمك يالبعير الاشعلي =في نجد لينٍ الخفاف احفيتها
نايفة شمر
14-01-2006, 07:12 PM
انا هنا ومستمتعه معكم



نايفة
محمد سالم الهاجري
17-01-2006, 07:01 AM
عزالله ماقصرتوو ولعبتوووووو ابو خاتم استاذ في المحاوره الشعريه

وتقبل مروري اخوك برق الشمـــــــــــــــــــــ ـال
محمد السحيل
26-01-2006, 05:41 PM
الله الله


صح لسانك يا عبد الله خاتم



صح لسان يا محمد علي





ابداع في ابداع






متابع




الليل الليل
دمعة غريب
28-01-2006, 04:20 AM
يامرحبا بشاعرنا الرائع وبدايه جميله جدا انت كما عودتنا فحياك الله يا ابو خاتم وانورت بوجودك