المساعد الشخصي الرقمي

مشاهدة النسخة كاملة : طاروق للفاضي


بعيد المراميس
27-12-2005, 10:02 PM
السلام عليكم

طاروق من يوم صحيت من النوم وانا اغنيه قلت مافيها لازم ادحج به هنا :biggrin:


سلام تسليمه على اهل الشعر والمشاعر والكلام الرقيق=تسليمة المسلم على المسلمين الكرام الراكعين السجود
ياللي تمد الشوف عان البحر والبحر كم راح به من غريق=مايامنه من يامن من السنين وزمانه بين نقصٍ وزود
سعودعبدالله
27-12-2005, 10:24 PM
طاروق من يوم صحيت ههههه

الطاروق هذا ما يجيبه صاحي لاكن صح لساانك يابو جسار

وانا مالي نضر تخبر توي متعشي

تحياتي لك
همسة الطـيف
27-12-2005, 10:36 PM
صح لسانك ..يامشرفنا ...

كلمات لها معاني الراائعه ....


يسلم الله قلمك ..

دمت في بهاء ..
أبوعبدالرحمن
27-12-2005, 11:01 PM
ياسلااام

هذي يبي لها جلسة

صح لسانك يازعم
الرويحـــي
27-12-2005, 11:33 PM
يالليل البركه ياناه

هذا يباله واحدن مايتتن (:
نفسه طول الفيصليه

صح السانك وانا ابا امسك لك الصف
محمد الجبريني
27-12-2005, 11:39 PM
مسيتو بالخير يالربع جميع

يازعم واحد فاضي تقول

ماغيري احد فاضي الليله بس الله يعيني عليك اظاهر انها خطه مدرجه للي الليله تدري

اللوزن عييت والله اطببه وخاف اني اجي ماني حوله
مديك تسجله بالصوت ابلعب معك
بس الدخان مغلق لازم اروح وجيبلي كرز على شانك ههههههههههههههههههههههه
محمد الجبريني
28-12-2005, 12:14 AM
العلم وشو يا جمااااااااعة خير


ليلي اتحر وتنحنح ومح رد على والشاعر مدري وين غداء وماهو متصل مدري متصل خفيه الله اعلم

تدرون والله ابظربها واللي عندالله حيالله





يامرحبي ترحيبت اثقل من اجبال السراه ومن اطويق = ترحيبتا من شاعر السلمان عريب الجدود
الليله انا ماتراجع حالف اني لسوق الجمل سوق = ون شفته ايعنفص عليه خطمته وحطيت فى رجله القيود



والله ماني متاكد من الوزن ولحنك يافهم تشحط على كل جهه والحون كثيره
والقاف هذاه شبهه


هههههههههههههههههههههه
صتمان
28-12-2005, 12:53 AM
هي هي هي هي هي هي هي

لا اله الا الله لا اله الا الله

زعم زعم زعم انت مـــــــجنون

هذا اللي اقد ر اقوله بس

اما انت يالجبريني فصح لسانك وظاهر ٍ من الشرررر

والله يعينك على طرقتك في هالمربعانية

والسلام ختااااااااااام
بعيد المراميس
28-12-2005, 01:12 AM
انا توي اشوف ردودكم والله يسلمكم كلكم

وحياكم كلكم عندي هنيا ولا خلا ولاعدم

والجبريني صح لسانك وانا اخوك ومالك لوا الطرق ماصدته مرره مرره

حاول مره اخرى وان شاء الله يجي معك

وانا استاذنكم الحين وراي دوام وبكره لنا لقاء
محمد الجبريني
28-12-2005, 01:21 AM
صتمان ياصتمان الله يحيك الفزززززززززعه من المربعانيه

الفزعه الفزه يخوك ترك تعرفني بس ماهو بسمي الحقيقي
انت ما تعرف واحد اسمه ( حاكم الشعار ) تذكر علمن اني مالعبت معك بس قصيت جرتك هناااااااااااااااك فى ذاك المنتدى
والاانا لى ميت اسم مثل الشطاااان كل يوم ابغز فى ديره

هههههههههههههههههه
محمد الجبريني
28-12-2005, 01:29 AM
انا توي اشوف ردودكم والله يسلمكم كلكم

وحياكم كلكم عندي هنيا ولا خلا ولاعدم

والجبريني صح لسانك وانا اخوك ومالك لوا الطرق ماصدته مرره مرره

حاول مره اخرى وان شاء الله يجي معك

وانا استاذنكم الحين وراي دوام وبكره لنا لقاء





مرحبى اخوي والله يحيك ويعين عليك

لو تحاول تسجل الحن بالصوت افضل من اقعد احاول وماحاول
المحاوره وانت اعلم مني بالدرجه الاولى سمعيه طواريقها وجه لوجه .. وفى النت اهم شي تكون مباشره


تصبح على خير سراء لليلنا ما استفدنا شي الله يعين



تجياااااااتي لك
فيصل بن بدر العتيبي
28-12-2005, 01:50 AM
صح لسااااانك يابو جسااااااااار

ابك ابك ابك هذا الطاروووق تسيفه قايل

ياربي ياحبيبي :biggrin:

يالله لك الحمد مانيب بشارع والا تسان بلشت ابه :biggrin:
بعيد المراميس
30-12-2005, 10:46 PM
الجبريني حياك مره ثانيه وانا والله مالي قدره اسجله صوت ههههههههههه


لاكن الجايات اكثر


ابو بدر انت شاعر وشاعر صح وحظورك يكفي طال عمرك ولا خلا ولاعدم
محمد السليس
30-12-2005, 11:12 PM
زعم

الطاروق هذا والله يبيله واحد مليان

وانا لافاضي ولامليان دوب اسوى البيت مهب ابدع لحن جديد

وما اقول الا صح لسانك

وانا في صف اللى يبي يعرف اللحن ويجى ان شاء الله ههههههههههههههههه >>>>>> يجيب الله مطر

لاهنت ياا ابو جسار
غربول مغربل
30-12-2005, 11:33 PM
يبطوووووووووووون عظم ههههههههههههههههههههههههه






انشهد إنك داهية يازعم . . . والداهية بعد اللي يقدر يرد على هالطاروق


انا بتراكى في جنب ابو علي


وتسلم يمينك يابو جســـار
منصور بن علي بن حيان القحطاني
30-12-2005, 11:57 PM
يامرحبا ترحيبة اللي عبر البحور وعارفٍ الطريق = ياشاعر ٍ شعره معانا سمين البدو ماهي تحب اليهود
اللي ثمانه ما وفت للعشر يعيش الباديه في بقيق =ولا علينا من كثير الرطين اشرب الجاري وخل العدود


خذ رد بن حيان
بعيد المراميس
31-12-2005, 12:51 AM
يامرحبا ترحيبة اللي عبر البحور و(عارفٍ ) الطريـق ............ عارفٍ لو قلت عارفين طلع اللحن صح
2 اللي ثمانه ما وفت للعشر (يعيش) الباديـه فـي بقيـق ......يعيش لو قلت يايعيش طلع اللحن صح

على العموم صح لسانك يابن حيان وحاول مرة اخرى



تحياتي لكم جميعآ
فيصل بن بدر العتيبي
31-12-2005, 12:59 AM
صح لسااانك يابن حيان

وصح لسااااااااانك مليووون يابو جسار ولاهنتوا
محمد الجبريني
31-12-2005, 09:49 AM
وانا لساني ماهو صح غلط
انكرو عني الباطل وعطوني الحق والا هجوتكم هجو عظيم هههههههههههه تراي عاد فى الهجو
الله بس مقدر اكتب من هجوي شي هنا لان هذا المكان للمليح ليس للقبيح واخص من انتقص كلامي او ما شافه انكان ماشافه معذور يروح الفكاهاته ويضحك بكل سرور

هجوة واحد مره وشد ورحل خارج المملكه وقلعته ههههههههههه
والثاني هجوتة ونقل من منصب عالى وماكان مرموق الى مكان مايليق به واهانه كبري بقاءه فيه
الا يشاف اللي يعرفهم مايوريهم وجهه والثالث اعتصم وعتكف وغير سيارته وظللها كتم من بع بعد هجوي معاد يروح من منزله لحد وكسبت جميله
فى اهله واثنو على ثناء حسن لانه منول مسويله استراحه ومايعرف منزله الا بعض الايام من الاسبوع يمرعلى بيته وكانه ضيف الضعيف ؟؟

والرابع اضاهر اني ابحطه الفكاهي هذا ههههههههههههههههه
اما انت ياراعي البدعه

ابشر حتا ابن حيان غلطان عجب العجاب ازهل ازهل تجيك وانا اخوك هذي قصيده جني اظاهر
ازرينا تلحنها
بس انا ابرقد وانا ارددها ههههههههههه
وقوم ومعي الحن والوعد بعد مصحي بس عساني اصحي وفيه وقت ولا بكره صباحه اسرح عليك بردها

تحياتي للجميع حتي فيصل هههههههه ابو بندر
منصور بن علي بن حيان القحطاني
31-12-2005, 01:37 PM
انا تقرب يازعم ونتظر يوم بن حيان علمه وثيق = اهرج هروج الطّيب والظامنين بعدها يا مرحبا ياشرود
ما قدمك الاّموت موتٍ حمر جعل ربعك يازعم في حريق =حنّا عيال العود والكاسبين بالجنابي نحتمي والفرود

ولا معك غيرها يا زعم

بن حيان
منصور بن علي بن حيان القحطاني
31-12-2005, 01:43 PM
طيب استلم

انا تقرب يازعم ونتظر يوم بن حيان علمه وثيق = اهرج هروج الطّيب والظامنين بعدها يا مرحبا ياشرود
ما قدمك الاّموت موتٍ حمر جعل ربعك يازعم في حريق =حنّا عيال العود والكاسبين بالجنابي نحتمي والفرود

ولا معك غيرها يا زعم

بن حيان
منصور بن علي بن حيان القحطاني
31-12-2005, 01:47 PM
طيب استلم

انا تقرب يازعم ونتظر يوم بن حيان علمه وثيق = اهرج هروج الطّيب والظامنين بعدها يا مرحبا ياشرود
ما قدمك الاّموت موتٍ حمر جعل ربعك يازعم في حريق =حنّا عيال العود والكاسبين بالجنابي نحتمي والفرود

ولا معك غيرها يا زعم

بن حيان
منصور بن علي بن حيان القحطاني
31-12-2005, 01:48 PM
طيب استلم

انا تقرب يازعم ونتظر يوم بن حيان علمه وثيق = اهرج هروج الطّيب والظامنين بعدها يا مرحبا ياشرود
ما قدمك الاّموت موتٍ حمر جعل ربعك يازعم في حريق =حنّا عيال العود والكاسبين بالجنابي نحتمي والفرود

ولا معك غيرها يا زعم

بن حيان
نجاء بن محمد الجبيري
31-12-2005, 02:40 PM
السلام عليكم

طاروق من يوم صحيت من النوم وانا اغنيه قلت مافيها لازم ادحج به هنا :biggrin:


سلام تسليمه على اهل الشعر والمشاعر والكلام الرقيق=تسليمة المسلم على المسلمين الكرام الراكعين السجود
ياللي تمد الشوف عان البحر والبحر كم راح به من غريق=مايامنه من يامن من السنين وزمانه بين نقصٍ وزود



السلام عليكم

اخي زعم الغنامي


يا اخي الله لا يجهدنا

والله مدري انا حول العلم وإلا ضارب لي جاده

ولكن انا اعتقد انك ما تدخن وإلا ما جبت هذا اللحن


انا مانيب ادخن وانقطع حلقي ههههههههههههه



يا مرحبا ترحيبه من شاعرٍ ساق المشاعر و الكلام الرشيق= بشاشه المسلم على المسلمين الكرام العارفين الحدود

يا بحر شوف الغيم غطا موجكم واظلم سماكم ما لقيتوا به طريق= جتكم سيوله بين شعبان تهادر منذرٍ كل الرقود


الجبيري
غربول مغربل
31-12-2005, 06:59 PM
يالربع عيّنو خير شبيتو في انفسكم واشغلتونا معكم ههههههههههههههههه



أنتم لهالحين ماقدرتم تجيبون القافّيه وشلون البحر ؟؟



اللحن هذا مايجيبه إلا واحد توه صاحي من النوم مثل زعم يقول لكم صحيت من النوم واللحن هذا على لساني ههههههههههه




بصراحه ودّي محمد السليس هو اللي يرد ... من غير قصور في الباقين
بعيد المراميس
31-12-2005, 09:48 PM
ابن حيان مالك لوا وانا اخوك رايحتن حطب والله يكفينا شر الحريقه هههههه على العموم صح لسانك


نجاء بن محمد الجبيري حياك الله يالقرم واللحن ماجبته وانا اخوك يعني خطأ الله لايهينك وصح لسانك

محمد الجبريني هههههههههههههههههههه ابوك هاذي مقاله الله يكفينا شر هجاءك وحياك

ابو بدر صح بدنك ولاهنت وانا اخوك

غربول ههههههههههههههه انت تشوف سواة الله
منصور بن علي بن حيان القحطاني
31-12-2005, 11:24 PM
اللحن انا جايبه ومتأكد منه ميه بالميه

وانا اطلب من زعم انه ينزل اللحن ويغني ابياتي صح

اخاف انك يازعل لهجتك غير وهذا اللي مخوفني واجد

اللهجه لها دور ونا خوك

وانت تبي تشغلنا بطاروقك هذا الله يهديك

وهو ماهو بالحيل

تحياتي بن حيان
محمد الجبريني
02-01-2006, 12:58 AM
السلام عليكم

طاروق من يوم صحيت من النوم وانا اغنيه قلت مافيها لازم ادحج به هنا :biggrin:


سلام تسليمه على اهل الشعر والمشاعر والكلام الرقيق=تسليمة المسلم على المسلمين الكرام الراكعين السجود
ياللي تمد الشوف عان البحر والبحر كم راح به من غريق=مايامنه من يامن من السنين وزمانه بين نقصٍ وزود




زعم الغنامي

استلم وعطني خبر بسررررعه تري عندي خبر هااااااااااااااااام جدآ




يامرحبا والسعد مافيه ظيقه وبيبان السعه واسعه ماتظيق = ياعرب وش لونكم طيبين باب السعه يتسع للي يحفظ العهود
فيامنا ماعاد يلقي للصداقه من صديق = ياقابل التوبه من التايبين الريح والصيحه لعاد وثمود
بعيد المراميس
02-01-2006, 09:16 PM
محمد الجبريني ماش علم وانا اخوك مهوب حوله مرره مرره

حاول مره اخرى ههههه
الرويحـــي
03-01-2006, 01:40 AM
استلم لاهنت




يامرحبا ترحيبة ٍ وان حظر من حظر مافيه دربٍ يضيق=يجيب لك صرف الكلام الثمين المصفى مثل صرف النقود

ماغصت بحرٍ غير جبت الدرر والدرر لو ابعدت ماتعيق=مير احتزم والجنب خله متين السما فوقك بروق ورعود
بعيد المراميس
03-01-2006, 10:50 PM
الله الله يالرويحي وجعل عمرك طويل واللحن ميه الميه واستلم


دام البقى ياللي ترصّ الحجر بالحجر يابو حجاجٍ طليق=عان الليالي وانت قلبك فطين ادبحت ما بين بيضٍ وسود
والنعم لاكن من يدوس الجمر بالقدم مايامن من الحريق=وام الكباير بالولد تستعين و لو انه في بطون اللحود
الرويحـــي
04-01-2006, 02:08 AM
الليل يابو جسااااار وانتبه !


دوك دوك



يابعيد ماينقصك غير الصبر ثم يبين الباير من العريق=سر الليالي يازعم لو يبين ألك ماضاعت عليك الجهود

انا لك الله ماحتسب للخطر والقدم دايم تدل الطريق=ياعد لاتلحق عليك القطين او تعداك الظوامي الورود
خالد الشليخي
04-01-2006, 10:24 AM
طييب طيب يالرويحي عاشت ايامك والحاضرين !!!!!!!!!

صح لسانك يابوجسار على الطاروق الكايف والقافيه الرايقه
وصح لسان الرويحي .. وطبعا معرووف اني في صف الرويحي
من دون مقدمات ولايهون اخوي زعم لأني داخل مع الرويحي في حلف إستراتيجي بعيد المدى

كل عام وانتوا بخير مقدما ً واشوفكم على خير ان شاء الله
الرويحـــي
05-01-2006, 12:38 AM
يامرحبا ومسهلا يابو خلود

الله يطول عمرك ويخليك

تسلم تسلم
محمد السحيل
05-01-2006, 05:06 AM
صح لسانك يا ابو جسار
ويا الرويحي

طاروق من الوزن الثقيل

والله يعين حناجركم بس
متابع بقوه
الرويحـــي
05-01-2006, 09:31 PM
صحححح بدنك ياخطل اليمنى

انت تشوووف
ذبحنا ابو جسااار يمغطنا بطواريق ٍ تظيع مستقبل الواحد
مير الله يعينا عليه

<<<الظاهر يبا يترك التتن عقب هالطرق (:
فيصل بن بدر العتيبي
05-01-2006, 11:01 PM
صحت السنتكم

ابك انتم علامك على ابو جساااااار

كلبوكم عليه :biggrin:

انا بمسك صفك يابو جساااار ولايهمك بدعمك بالصف
بعيد المراميس
06-01-2006, 02:12 AM
خالد الشليخي تجي ان شاء الله سالم وغانم وهين هين يالضبان

خطل اليمين اررررحب ثم ارررحب

ابو بدر انت تشوف ؟ مار حياك الله

الرويحي استلم



البحر من طبه يعرف النهر وانت اعدك يالرويحي شقيق=والعقده اللي فوقها عقدتين الزمن حبله عليها معقود
نمسي ونصبح فوق كف القدر والفكر من حلم عيا يفيق=لاكن لك عندي ترا كلمتين انتبه حذرا تبيح السدود
الرويحـــي
06-01-2006, 10:42 PM
استلم



ماهيب عاده ياقوي البصر وانت بين الناس شوفك دقيق=قد قلت جنبك ياولد لايلين العرب قدمك حظور وشهود

خذها نصيحه يازعم واستخر خذ بيالة شاهي من البريق=روق واخذلك عقبها ركعتين استخاره ثم تحل القيود
بعيد المراميس
06-01-2006, 11:27 PM
الله الله الله كلااااااااااامك في محله مايحتاج يالرويحي

لاكن استلم يالذيب



انا من رجالن بعيدة نظر وانت حملتك بما لاتطيق=ماعندك الا طلقة المارتين وتبا تقطع علينا الحدود
نصيحتك وصلت وعندي خبرعن علومن بعضها مايليق=رد الامانه والامانات دين استخر عن عيشة ام الجلود
محمد السحيل
07-01-2006, 07:06 AM
الله الله
يا أبو جسار صح لسانك
وصح لسانك يا الرويحي
ما عليك منه تراه فحم عليك ابه

الضاهر زعم ساكن في جناح في المستشفى

مدري سارق حنجرة عبدالحليم حافظ من القبر ههههههههههههههههههههههههه ههه

الله لا يهينكم على الطاروووق الجميل
اللي يبي للواحد مشوار عشره
كيلو لين يقرى الشطر الواحد ههههههههههههههههههههههههه هههههه
الرويحـــي
17-01-2006, 10:12 PM
ابو جسااار صح السااانك
والمعذرة على الانقطاع بس انت تدري عن الوعكه الصحيه
وكان ودي نكمل لان اللعب معك في غاية الروعه بس وش نسوي
شي ٍ من الله (:
على العموم صح لسانك ولاهنت وانشالله نتقابل مره اخرى
تحياااتي لك ولكل من تابع وعلق على هالمحاوره
والله لايهينكم جميعا
تحياااااااااتي
نجاء بن محمد الجبيري
18-01-2006, 01:07 AM
السلام عليكم

زعم الغنامي تكفى لا عاد تعودهذا الطاروق وسبعه انعام واللهيا بو جسار صح لسانك والرويحي والله خطيييييييييييييير

اخي الرويحي الحمد لله على السلامه وطهور ان شاء الله وحقيقه رائع للغايه


الجبيري
القرم
18-01-2006, 04:05 AM
~~~~~~~~~ خلووووووووووووووووووووووو ووووووووووووووووووهاااا ~~~~~~~~ :bruce_h4h :11ight: :واو: :قوي:

زعم الغنامي كيف الحال

هذا ردي وعسا مايلحقه اللوم



يامرحبا تنصى شاعر(ن) مبدع يبدع في صعيبات الطواريق=ترحيبت(ن) تليق بمقامه وتليق بمقام أهل الكرم والجود
انا كما السفينه على الموج بالله يابو الشباب انتبه وفيق=وياهاجسي هات المعاني الجزله قبل مايلحق لوم(ن) ومنقود
رشيد العتيبي
05-02-2006, 04:55 PM
الى شاعرنا زعم مع التحية والتقدير



يا مرحبا بك ياعظيم القدر من هاجس في لازمه مايضيق = ترحيبة فيها الجزالة تبين وكل شاعر بالمعاني يجود
كل بها الدنيا يشوف العبر لين ان راسه من منامه يفيق = والله يعين اللي يدور معين او من بغا العليا عليه الصعود
رشيد العتيبي
05-02-2006, 10:20 PM
العذر للشاعرين الرويحي وزعم الغنامي لانني رديت قبل ان ارى رد الاخ الرويحي بسبب مشاكل في الجهاز وارجو عدم المؤاخذة وكملوا عساكم سالمين
بعيد المراميس
05-02-2006, 10:58 PM
جعلك سالم يارشيد العتيبي ويكفينا حظورك ومتابعتك يالقرم والمحاوره انتهت من تقريبآ اسبوعين

واهم شي انها اعجبتك وهو المهم عندنا

وصح لسان اخوي الرويحي

وسلم الله كل من حظر معناا


اخوكم

بعيد المراميس