* قصيدة السبع ســـاعات ** لاتفوتكم

[ورد الجــوري]

سبع ساعات 00أسولف وأتكلم واستخف دمـي
وهي تسمعني وتضحك ومبسوطة علـى الاخـر!!
سبع ساعات اعلمها عـن أحزانـي وعـن همـي
وأسولف عن حكايه طفل 00 كان وصار هالشاعر
سبع ساعات تتساقط حروف الصدق مـن فمـي
على صحرا مسامعهـا سحـاب العشـق متناثـر
سبع ساعات تحلف لـي بـراس العشـق وتسمـي
تقول انت الوحيد اللي ملكنـي حبـك الساحـر
سبـع ساعـات نادتنـي باسمـة ماهـو اسـمـي
تناديني (فهد ) !!!!واسمي انـا ياللاسـف (جابـر)
تشنـج كـل شـي حولـي ومسمعـي يدمـي
ركز خنجر (فهد ) في مسمعي من صوتـه الخـادر
تخددر ..فكري وجسمي وذاب ابداخلـي عظمـي
وصرت اسمع صدي صوت يردد غلطـه الشاطـر
يردد غلطـة الشاطـر بعشـرة واقعـي حلمـي
وترددهـا زوايـا غرفتـي والـواقـع الـغـادر
كثير اصوات شقت جلدي اللـي يحتضـن لحمـي
صراخ 00الباب والدولاب0 و الشباك 00و الساتر
وونـات القلـم و الدفتـر اللـي يلتفـت يمـي
وخايف و ش ابي اكتب بوسطة من هنا ألـى باكـر
وكانت ساكته وصوت النفس من خشمها وخشمي
ربع ساعه وبحت صوت وقالت خيـر وش صايـر
وطري في بالي عبـدالله وخالـد واحمـد ونشمـي
واخرهم (فهد ) تسعه وانـا مدموغهـا العاشـر
وقلت أبدن ماغير الخير ولكـن امسحـي رقمـي
أكيد انه فهد جالس سبع ساعـات وهـو ناطـر
وقالت لي أقول 00 وقلت انا بقـول وذا علمـي
عجب لناس وش هالناس تخطي وبالخطـا تكابـر !!
أنا ياابنـت بنثـر لـك حياتـي واجمعـي ولمـي
بعضها بنثر ه في مسمعـك هالحيـن ومـن خاطـر
تري عمري انا تسعه00 وعشرين وكـذا رسمـي
ولكـن عشـت ايامـي دبلهـا مقبـل وعابـر
أصيل وكل اصيـل مايبـي مدحـي و لا ذمـي
وسبع انعام في هالناس واخـص الحامـد الشاكـر
انا من نجد وربعـي هـم عتيبـه وخالـي الدحمـي
وبرقا لحمي ودمي وانـا مـن روق ومعـناصـر
انا جابر ولد هايف وسلم الطيـب هـو سلمـي
ابوي اللـي مربينـي علـى الجـزلات واتفاخـر
انـا راعـي مجاهيـم يشـع بفخذهـا وسـمـي
راعي خيل وراعـي بيـر وبيـت مبغضـه كافـر
على الرمضا حفت رجلي بـارض عاشقـة ضمـي
وشمس تشرق وتوقف على راسـي وانـا صابـر
عرق وجهي يصب وامسحـه بشماغـي وكمـي
والد عيونـي عـن نـاس سرقنـي يمهـا الناظـر
وانا شاعر ولو اكتب عجز كل فكـر فـي نظمـي
ولانـي بالغـرور احكـي ولكـن واثـق وقـادر
وانـا رجـال هـاوي القمـم ويقودنـي عزمـي
وأبي ارقا على راس الجبـل وانـتِ مـع الحـادر
عرفتـي ليـه انـا طاهـر لانـك همـي وغمـي
ولأن الدنيـا فـي عينـي جبـل نرقـاه ونغامـر
يابنت الناس شفتي كيـف بليـا اسـلاح مانرمـي
ولا نوقـف بوجـه البنـدق المليـان ونخـاطـر
خلقنا الله بشر بعقـول وذا واقـع وذا 00وهمـي
وكـل يتبـع مـراده وفينـا رابـح وخـاسـر
وقالت لي فامان الله شعلـت النـار فـي جسمـي
فمـان الله يالطاهـر ومثلـك قـلـه ونــادر
ورحت اخـذ كتـاب الله واحلـف ليـه ياأمـي
لو ان اسمي (فهد ) بالله ماكان أحلـي مـن جابـر

منقووله
بس مين قايلها :rolleyes:

[رشيد الكسر]

لاهنتي ياورد على نقل هذه الرائعه


ذووووق القصيده تسلم اناملك




وانا اعتقد ان اللي قالها جابر



تحيااااااااااااااااااااات ي

[ورد الجــوري]

الف الف شكر
اخوي رشيد الكســـــر
شكرا لمرورك
وعلى المعلومة
/
/
ورد

[ليــن القســا]

تري عمري انا تسعه00 وعشرين وكـذا رسمـي
ولكـن عشـت ايامـي دبلهـا مقبـل وعـابـر
أصيل وكل اصيـل مايبـي مدحـي و لا ذمـي
وسبع انعام في هالناس واخص الحامـد الشاكـر
انا من نجد وربعي هم عتيبـه وخالـي الدحمـي
وبرقا لحمي ودمي وانـا مـن روق ومعناصـر
انا جابر ولد هايف وسلـم الطيـب هـو سلمـي

رائعة بالفعل ...
سلمت أناملك لهذا النقل عزيزتي ..

[ورد الجــوري]

هلا غاليتي لين
مشكورة لمرورك
/
/
دام تواجدك
/
/
ورد

[هــم وغرابيــل]

صح لسان الشاعر جابر هايف العتيبي
ولاهنتي ياورد الجوري .

وأقدم لج القصيده بصوته http://www.mshaheer.com/dewan/jaber-haif/6.ram

[ورد الجــوري]

هم وغرابيل
مشكوووور على المرور
وعلى القصيدة بصوووت الشاعر
/
/
ورد

[حســـين]

رائـــــــــــعـــــــه فعلا
تسلمين ورد الجوري

[ورد الجــوري]

فارس الحسين
/
/
شكرا لمرورك
العطـــــر
/
الله يسلمك
/
ورد