المساعد الشخصي الرقمي

مشاهدة النسخة كاملة : صتمـــــان والبورصه !!


الرويحـــي
27-12-2005, 01:05 AM
مساك الله بالخير ياصتمان
دوك ان كانك فاضي




صتمان لاتكتتب فانساب=أسهمك محدٍ بشاريها

مير أستخر وانت توك شاب=ورد الدفاتر لراعيها
صتمان
27-12-2005, 01:28 AM
هلا والله بالرويحي مسيت بالنور

وحياك الله



منت بولي ٍ على الكتاب = ارزاق من عند واليها

بكرة ليافكت الابواب = ناخذ دراهم ونعطيها
عـويد العطاوي
27-12-2005, 01:35 AM
والله يالربع أنكم مبدعين انا متابع فقط

فائق تحياتي لكما
الرويحـــي
27-12-2005, 02:19 AM
يالله حيه يالله حيه


استلم



بكره ليا جاك كشف حساب=وخسرت الاسهم واساميها

ثم جتك فرقه تطق الباب=طلابتك كيف توفيها
الرويحـــي
27-12-2005, 02:20 AM
حياك الله ياعويد
يامرحباااا ألف

تحياااتي لك
صتمان
27-12-2005, 02:30 AM
حييت ياعويد ويامرحبا ويشرفنا حظورك


واستلمممممم يالرويحي



خسارة الروح والاصحاب = خسارتي يوم انا ابديها

والا الدراهم حياة ذباب = ولاخير في من طمع فيها
الرويحـــي
27-12-2005, 02:59 AM
ياسلام عليك

استلم استلم



شهادة الزهد مع خطاب=يومٍ يمناه مدميها

والا انت يالزاهد النصاب=أبنوك ديرتك مذيها
صتمان
27-12-2005, 03:03 AM
الله الله

استلممممممممم


من فضل ربي عزيز انساب = وصلاة ربي ماخليها

الله يبهتك يالكذاب = شهادتك من يزكيها
بدر المعصيري
27-12-2005, 03:25 AM
أسعد الله اوقاتكم

الرويحي وصتمان

لله دركم

قاف كايف

ومحراف طيب من وجيهٍ طيبه متابع لكم ولاهنتو
فيصل بن بدر العتيبي
27-12-2005, 05:20 AM
لله دركما

ابداع عز الله شعار بمعنى الكلمة

وقاف ولاأروع

صحت السنتكم

وأعذروني عن التأخير كنت نايم

وتراني اناقز في الصفين :11umbup:
أبوعبدالرحمن
27-12-2005, 09:37 AM
ههههههههههههههههههههههههه ههههه

والا انت يالزاهد النصاب
أبنـوك ديرتـك مذيهـا


الله يبهـتـك يالـكـذاب
شهادتـك مـن يزكيـهـا


صحت قلوبكم


متابع معكم
محمد السليس
27-12-2005, 01:35 PM
اشهدنكم تنقدون الذهب مااعلى من الحكي

سجلونى ( مثل الرفيل ولد عليثه) اللى اله صف ههههههههههههههههه


ولاهنتوووو
سعودعبدالله
27-12-2005, 09:41 PM
الله عليكم

صحت قلووبكم

وانا في صف صتمان وبقوه

تحياتي لكم واجد واجد
بعيد المراميس
27-12-2005, 09:58 PM
ياحبي لكم يالثنين انتم ولعبكم


سجلووووووووووووووووني متابع وبقوووووووووه وعنف

لله دركم يالثنين لله دركم
الرويحـــي
27-12-2005, 11:22 PM
اخوي بدر المعصيري
الله يسعد ايامك يالغالي
يشرفنا وجودك


فيصل
يامرحبااااااا يامرحبااااااا انا فاقدك اثرك راقد

يالله حيه اهم شي انك جيت


حياااك يابو عبدالرحمن حياااك
الله لايهينك على هالحظور والمتابعه اللي تشرف


ابوووووو علي يامرحبا ومسهلا

نبا نسجلك مثل الرفيل ولد عليثه ولوني مدري هو وشنهو (:


حيالله سعووود
يارجال انت وجودك يكفي
ان بغيت صفي والا صف صتمان
الله مير يحييك


هلااااااا وغلااااااااااااا بأبو جسااار
مرحبااا مرحبااااا
حتى حناااا نحبك بس نوب تروعنا (:
الرويحـــي
27-12-2005, 11:27 PM
طيب طيب

دوك دوك



المشكله في غبا الأعراب=عقولهم من يوعيها

تفاخرك بالنسب وش جاب=وجيوبك الجوع فاريها
صتمان
28-12-2005, 12:28 AM
بد المعصيري حياك الله والله لايهينك
وشاكرين جدا على المتابعة

فيصل العتيبي والله اخطيت علينا وين انت من بدري
ياراقدين النوم مافيه ثابه .....
وحياك الله يافيصل ولا وصيك

ابو عبدالرحمن يشرفنا حظورك طال عمرك وشاكرين لك

سعود عبدالله يامرحبا ويامسهلا الله الله بالصف وانا اخوك
اللياقه فل عقب الدوره مير لاتتعب الصفوف وانا اخوك اركد

محمد السليس استاذي الكبير هلا بك يابو علي ومخدوم العيال قايمين
بالواجب اهم شي حظورك طال عمرك

زعم الغنامي او وووه زعم الغنامي انت لحالك وحط تحتها خطين
والله يعيني انا بالذات ويكفيني شر النقد والا الرويحي مستويه عنده

وحياكممممممم الله جميعاااااااااااااااا
صتمان
28-12-2005, 12:46 AM
هاك هاك هاك


ماهو غباء ياطويل الناب = نعارة ٍ من يناحيها

الفقر ماعيب الاشناب = ياللي علومك تدربيها
فيصل بن بدر العتيبي
28-12-2005, 12:49 AM
المشكله في غبا الأعراب
عقولهـم مـن يوعيهـا

تفاخرك بالنسب وش جاب
وجيوبك الجـوع فاريهـا

صح لسااانك يالرويحي :11umbup:

وفي انتظار صتمان :11umbup:
فيصل بن بدر العتيبي
28-12-2005, 12:50 AM
ماهو غباء ياطويل الناب
نعـارة ٍ مـن يناحيهـا

الفقر ماعيب الاشنـاب
ياللي علومـك تدربيهـا


صح لسااانك ياصتمان

:11umbup: :11umbup: :11umbup:

:11ight_li واحد مبسوط من المحاورة وتمتع

يكفي والله انكم يالثنين طرف فيه
راحلة بسكـ ـ ـ ـ ـ ـات
28-12-2005, 03:40 AM
يالله ....ماشاء الله عليكـــــــــم

وصح لسانكم ... إبداع لامثيل له

الرويحي ...سلمت ...

الصمتان ...سجلني ..من ضمن صفوفكـ ولاهنت


ودمتم بخيــــــــــر

راحلة بسكــــــــــااات
الرويحـــي
29-12-2005, 12:06 AM
حياك الله يااخت راحلة

مشكووور على هالمتابعه


صتماااااااااااااااااااااا ااان يافم جدي انت

دوك دوك





تكفون يامجلس النواب=صتمان من عصر معميها

اخذوه وودوه للمرقاب=يمكن هل الشعر يفنيها
فيصل بن بدر العتيبي
29-12-2005, 03:54 AM
تكفون يامجلس النـواب
صتمان من عصر معميها

اخذوه وودوه للمرقـاب
يمكن هل الشعر يفنيهـا

صح لساااااااااااااااااانك يالروحي عدد بلامدد

وتراني في صفك ولاهان صتمان :11umbup:
الرويحـــي
31-12-2005, 12:41 AM
ياحبيبي يافيصل (:

ياخي وينك عن صفي من بدري
فاتك نص عمرك أربع كروز اللي عطيتها الصف لونك معهم كان فليتها(:

على العموم صح بدنك وشاااكر لك تواجدك معنا على طول
الله لايحرمنا منك
صتمان
01-01-2006, 05:01 PM
اخوي الرويحي

صح لسانك واااااااااااااااجد

واعذرني على تكملة المحاوره لظروف طارئه والجايات
اكثر وانا اخوك ولايصير في خاطرك شي

واشكر جميع من تابعنا واخص بالتحديد

قايد الصف المشهوررررر فيصل العتيبي

ولكم تحياتي
أبوعبدالرحمن
01-01-2006, 08:07 PM
والله من اجمل المحاورات اللي في غرابيل

معاني حلوة وروح رياضية اخوية

صحت قلووبكم
ولازم انتم الاثنين نشوفكم في محاورة مباشرة
الرويحـــي
01-01-2006, 09:36 PM
صح السانك بعد ياصتمان
وعادي وانا اخوك المهم اني استمتعت باللعب معك
والجايات اكثر على قولتك

وانت يافيصل من حبي لك مدري وش اقولك (:

ابو عبدالرحمن الله لايهينك
وشاكرين لك متابعتك
وانشالله نجيب الافضل والمناسب لهالمنتدى الرائع

تحياااتي لكم

ويالله عاد بروح اتتن (: