جديدي / ما كل ما يطري علينا نقوله

[عبدالعزيز عبيد العدواني]

ما كل مايطري علينا نقوله

ولا كل قول (ن) نسمعه نقتنع فيه


يمنى الكلام من الغلاط مغسوله


ما دام ما تقوى على الحق تهديه


والعين لو ماهي خجوله خجوله


ماتلتفت للي كلامه ينافيه


دنياك لو هي بالمماشي عجوله


لا تاخذك في غيها للمشاريه


يشره عليك العاقل ابن الحموله


اللي من الموقف تغير هقاويه


الصمت مع بعض المواقف بطوله


والهرج عند اللي يعزك وتغليه


والفعل ما كله يصير بسهوله


يا صار يقفاه الندم ضاع طاريه


والطيبه بالعز دوم معقوله


يفكها اللي ما تعثره خطاويه


يفكها من شالها مع حموله


اللي اليا عجت يبين بعزاويه


العمر متجر والتجارب عموله


والخايب اللي ما ترده مباديه


بعض السوالف لو تجيك معسوله


يغديك راعيها عن اللي مخبيه


نفسه عليك من الزمان معلوله


وعينه على فعلك تميته وتحييه


كل النوايا بالصدور محموله


مفتاحها طيحة جمل في مفاليه


الشعر له باقصى المعاليق دوله


لولاه حاضر ما تنفس مخاويه


اخذت انا وياه جوله وجوله


مستانس(ن) به يا اظلم الليل اناجيه


هو راس مالي طلت به ما يطوله


من حقق آماله وحقق أمانيه


شعري اليا منه حضر صفقو له


بالوزن والفكره وقوة قوافيه


اهل المعرفه والنقا والرجوله


اللي تعرف الما هماجه وصافيه


اللي تفرق عاقله ومهبوله


يا صار بالمعنى مرامع وتنبيه


هذا كلامي والكلام بقبوله


ولاعاش حرف(ن) ماصدق فيه راعيه

[سامي العطاوي]

عبد العزيز العدواني

صح لسانك ملايين

ابدعت لاهنت

[ناصر صالح البلوي]

عبدالعزيز العدواني والله انك شااااااااعر زجل
والقصيد يفتخررررر فيك
الله لايضررررررك
تقبل تحياااااااتي ومروري

[أبوعبدالرحمن]

صح لسانك

وسلمت اناملك

تحيتي لك

[أنـ الذكريات ـين]

صح لسااانكـ يا عبدالعزيز

جميلة..

سلمتـ


تحيتيـ

[عبودى]

طرح بمنتهى الروعهـ
سلمت يدآكـ على هذآ الإبدآع
لاعدمنـآ هذا التميز
يعطيكـ ربي العآفيهـ
بـ نتضار كل جديدك
لبى قلوبكم على هالطله أنا أفداكم
موضوع في قمه .. آلروعه وآلجمآل
مشكوره ومآقصرتي .. آختي آلكريمه
عآلطرح آلرآئع وآلجميل
لكي خآلص .. آحترآمي .. وتقديري ..
منورة يافديت قلبك