بديل الرشاش

[تاجر مواشي]

اغنام - ابل - دواجن - طيور

اسعد الله صباح الجميع
كما سبق وتكلمت في موضوع بديل الرشاش للاخ فهد فهد

اكيد الكثير منكم سافر وقعد يترزز من شباك الطياره يشوف وش حوله وحواليه في ارض الله الواسعه
في حدود مطار الملك خالد تشوف العديد من الدواوير الخضراء .. طبعا دواوير الرشاشات وما يجاوره من زوايا فارغه اي انها مناطق تسبب خساره لعدم استخدامها

اذا وصلت حول الدول الاوربيه وغيرها ،مثلا لندن او المانيا وكندا ..الخ تشوف مزارع على اشكال والوان منها المستطيل والمثلث والمربع والمعين ولكن عمرك ماتشوف الدواوير اللي عندنا
من باب الفضول اثناء سفره لي اليومين الي فاتت في كندا ، مسكت معي الا اشوف وشلون يسقون مزارعهم
لاحد يقول لي امطار وخلافه .. الناس تشتكي من قلة الامطار ايضا ..

الزبده
جميع المزراع تستخدام نظام التنقيط بالليات ولكن ماهو لياتنا جي ار ( gr ) حقت النصاب الراجحي وجماعته اللي غاليه وتخرب في اقل من سنه .. عندهم ليات تنقيط كل عشرين سم ( حسب المنتج تختار مسافةالنقاط ) ونوع الليات خفيفه جدا جبت لي عينه وجاري البحث عن مصدرها ( للاسف من امركيا ولكن بنجيبها باذن الله من الصين ).. المهم انهم يعملون مساطب مثل زراعتنا للخضار ولكن بالنسبه للشعير والقمح والذره تكون المسافه صغيره بين المساطب ( الممرات ) وتشوف حقيقة العجب كيف ان الارض منبسطه وكذلك المنحدرات والمرتفعات كلها بنفس المستوى في النمو ...

اذا حسبناها نجد ان تكلفت الرشاش اغلى واتعب ويطلع الروح من مشاكل الكفرات والتروس والمواطير ..الخ .. بينما موضوع الليات اللي نتكلم عنها بسيط جدا ويعمل له مساطب مرتفع وهذي بيني وبينكم تساعد حتى في موضوع الاستفاده الكامله من البذور .. فانا خلال الفتره السنتين الماضيه بحكم اني جديد في الزراعه لاحظة ان عامل البذاره يحط اكياس ويمشي بالبذاره ومواقع فيها بذور واجد ومواقع مافيها الا شوي وبذلك لايكون هنالك اي تجانس في النمو بينما عند جماعتنا الخواجات تجد ان النمو متساوي كالمسطره و بعضهم يعمل حركات داخل الحقل مثل يرسم سفينه والاخر يرسم بيت ، شي يبسط لما تشوفها من السماء ...

باحاول انزل صور للمزراع من الطياره وباذن الله احاول اجيب صورةاللي ، بس جالس ادور عليه افي اي كمراء صورتها وبانزلها لكم واذا حصلت مصدر الليات بابلغكم بس لاتنسونا من العموله ...الله يرزق الجميع ، نبغى فقط الدعوه الصالحه والنفع للجميع لان الرشاش الان اصبح مكلف ومتعب اضافة الى خسارت الزوايا وهي تعتبر مناطق كبيره المفروض بستفاد منها..

للعلم العام الماضي جربت زراعةالذره بالتنقيط وكان الانتاج ممتاز وريحني كثير ، للاسف لم يكن عندي صور ولكن باذن الله السنه القادمه سازرعه بشكل اكبر بعد ماشفت الخواجات وزراعتهم ..

ارجوا ان اكون قدمت مايفيد ...ولايكون حرقنا اختراع خوينا مع احترامي له ولكن الناس تبي شي عجل هاليومين ..

وتقبلوا خالص تحياتي