!! تهاويل _ يا محاورات _ غرابيل !!

[حمد الشدادي]

احبتي اعضاااء وزوار منتديات غرابيل

الغالين مرتادي قسم المحاورات

هنااا اقدم لكم موضوع الهدف منه جمع

المحاورات الجميلة وادراجها منسقة متكاملة

مع وضع رابط موضوعها الاصلي .

حتى لا تتوارى هذه الدرر في الصفحات

ويصعب البحث عنهاا .

اتمنى التفاعل من الجميع ..

[حمد الشدادي]

هذه من اروع محاورات غرابيل معنى وقافيه

لقطبي المحاورة زعم الغناامي وحسين الحارثي





حسين الحارثي
سلامي سلام امن الهجوس المعاطيش=لبـدع المثايـل والجزايـل مُنـايـه
ولايازعم؟ من قبـل كـل المطاريـش=تقدم ورحب وإذبـح إلنـا السمايـه

زعم الغنامي
ليا وردة هجوسك قراح ٍ نقاريـش=هلا مرحبآ ترحيب مطلـب وغايـه
على ويش ياراع النجيبه على ويش=ترى منته بقدمي ولا انتـه ورايـه

حسين الحارثي
يدوم البقا لك عد برق ورشاريش=يارا ع البيوت اللي دواك ودوايه
على وسمكم يوم اتضح يالحناتيش=بعد كان محـدٍ يعرفـه فالبدايـه

زعم الغنامي
تقلي راس الظبي مابه عراميش=وانا اقول وصّ اللي يبيلـه وصايـه
انا من عرب تعرف ولاعشت تهميش=لكن كيف حال اللي عطـاك الروايـه

حسين الحارثي
اقوله وانا للشوك عندي مناقيش=وربي رمابك يازعم فـي نحايـه
اعرف القبايل من قروم ودراويش=ماني في حرا منهو يقدي خِطايـه

زعم الغنامي
تقوله ولاتعرف هل الخيل والجيش؟=ولا تعرف اهل السيف واهل الرمايه!
اخيل البروق بعرض مزن ٍ مراهيش=وعيا سحاب الصيف يقطـع ظمايـه

حسين الحارثي
تراكم قـروم وفالملاقـا مداغيـش=لكن عزوتك ترجع لاشافت عزايـه
تخيل البروق اسوات حمر الطرابيش=ومن خوفها ماشفت فردت سرايـه

زعم الغنامي
لو انك طلبت اللو لو .. امن الطواويش=عطوكيه فزعت خيـر ماهـو دعايـه
سريتوا مسـار الذيـب والا مغابيـش=ياشيـخٍ تحفـظ ولاتعـرف القـرايـه

حسين الحارثي
ابشرك ماني ضاريٍ بالبخاشيـش=معي جاه فالدنيـا ومالـٍ كفايـه
مادامك سريت احذر نقاط التفاتيش=ترا الاسم ماهو معتمـد ياغنايـه

زعم الغنامي
علامك تفلت فاليدين اشقر الريـش=تقول الك مبدا علـم مالـه نهايـه
على ريح هيل وصوت دق المهابيش=مسا خير يسعدلي مسـاك ومسايـه


الحاورة جرت على هذا الرابط :


http://www.sfsaleh.com/vb/showthread.php?t=47286&page=1

[حمد الشدادي]

محاورة جيده بين النايفه وحسين الحارثي



نايفة شمر
من بعد ثارت في الخبا يا حسين=سني علامه يطعـن السنـي !؟
لطـامـة ذبـاحـة الأدنـيـن=لا شك ما جو لي علـى ظنـي

حسين الحارثي
مادام جيتيلي على النابيـن=فانتي طُعم للناب والسني!
ذباحة الحايل عمى الاقصين=لكن ودي هالخبـر عنـي

نايفة شمر
فاتك عشاهم ليلـة الاثنيـن=يوم الضباع تجيـب وتدنـي
باقي على الجمعة ترى يومين=لاتخاف من ذا الحين يا مغني

حسين الحارثي
ماني مكلف كل وقت وحين=بالذيب يوم يطارد الجنـي
الحبحبه ماتعسر السكيـن=وانا لها سكينـي تسنـي

نايفة شمر
غادي وتبغى فزعـة الغاديـن=مخنوق وانت تقـول متهنـي
مع راسك اكسر يدك والضلعين=وسكينـك لمخباتـك تحـنـي

حسين الحارثي
ماني بمن يشذب في المقفين=رجلٍ واقابل مـن يقابلنـي
يابعدها عن ناعس الطرفين=اللي لامنه اشتـاق يزبنـي

نايفة شمر
الحارثي عشره غدت ثنتين=يلوح برقـه والرعـد دنـي
يبغى معي يلعب على الحبلين=مايدري انه كـاري وفنـي

حسين الحارثي
الحارثي يعرف علومك زين=لكـن بيكـن الخبـر كَنـي
لا والله ماهو راعي الوجهين=وكاري وفني مالهـا قنـي


جرت على هذا الرابط :

http://www.sfsaleh.com/vb/showthread.php?t=49494&page=1&pp=15

[فواز الغنامي]

حسين الحارثي
مرحبا حيا الله اللي فرحنا من غلاه=يوم شرف منتدانا وشرفنـا معـه
ياعبيد الله بعد ماتعليـت السـراه=ليش تنظر للتهِم والسراه مربعـه

عبيدالله العرابي
والبقا مايكسي الضلع والوادي حياه=يا أهل ترحيبٍ قريناه كنـا نسمعـه
الدهر من فوق كل الديْر تدرج رحاه=وآنت وش في يدك تعطيه ولاّ تمنعه

حسين الحارثي
ماعليكم زود واشعيل ماينظر وراه=لو تحوفه يالعرابي سباع المسبعه
ليش قام الكل ينقل علاشانك حصاه=والبلا من حذفةٍ جات من رجل إمعه

عبيد الله العرابي
ياحسين السوق غالي وعالي مستواه=وآنت تاجر جيت في ضيق ولاّ في سعه
من رمى رمية خطا سرع ماترجع علاه=مثل مايقلون يعمي عيون بأصبعه

حسين الحارثي
آتوجد كل مـا اذكـرك ياقلـبٍ بـلاه=القهر والهم والحـق تحـت الاقنعـه
من عرف وجه الغدر قال يكفي عن قفاه=والوفا بين العرب قيل حصّل مصرعـه

عبيدالله العرابي
صاحبي مسلم ولا يعرف أركان الصلاه=وإن نشدته كم صلاة الفجر قال أربعه
أنت صاحب صاحبي وآنت ترجم لي لغاه=لاتفرّج فالسباع وعظام المسبعه

حسين الحارثي
الالم لا صار فالضرس ماهو فالجماه=مايفيد الكسربـه مالـه الا تقلعـه
انا لاقدمـه ولانـي يميـن ولاوراه=انته اللي مر قدمـه ومـره تتبعـه

عبيد الله العرابي
آنت من حبك لراع العصا يكسر عصاه=مره تطشـــش زهابك ومره تجمعه
ابك حنا لالقينا المرض نعرف داوه=أنت مالك في كثير الدعاوي منفعه

حسين الحارثي
لاتسمع يالعرابي بهرج اهل الوشاه=السم اللي ذايقـه يتفلـه او يبلعـه
من سمعك يقول دكتور ماشيٍ عصاه=وانته اللي تشتكي كل يومٍ موجعـه

عبيد الله العرابي
والله إنا مانوينا القدر نكشف غطاه=مير ودك ترخي الصوت ولاّ ترفعه
يامبشرني بما ياكله ذيب الفلاه=ماني اللي لأكثر الهرج لقّا مسمعه

حسين الحارثي
خطنا ماكل قـاري ذكـي والله قـراه=مير لاتشرح وحجرك لاتظهر مدمعـه
لاتبشر قول ماراح من حقـي فـداه=كم غدا من حرف عن كاتبه فالمطبعه

عبيدالله العرابي
ياحسين الحارثي لاتغطى بالعباه=آنت في ميسان والمشتبه في المجمعه
من يمد بنص كفه يبي ياخذ ملاه=وآهل الطمعات مامن وراهم مطمعه

[حسين الحارثي]

الشاعر/حمد الشدادي
الف شكر لك على هذه الفكره الجميله والرائعه
واتمنى من المشرفين التثبيت لها حيث انها فكره جميله
وتخدم الجميع من الاعضاء والزوار الكرام
بيض الله وجهك بياض الشاش يالقرم
هنا محاوره جرت بينك وبين الشاعر/فواز القذلاني
اعجبتني لو انها لم تكتمل لكن ماجاء فيه الكفايه





ياحمد قرّب وخل اللعـب هـادي=خلها ودّان نوب ونـوب ديمـه
ادري انك شاعرٍ منتـه بعـادي=لو خسرت مرار ماعلنت الهزيمه

حمد الشدادي



سجلوها بالصحافة والروادي=واحضروها يا قويين الشكيمه
جيت ادرجها على قد اجتهادي=والتعالي عند خلق الله ظليمه



فواز القذلاني



من يدقق فالبياض وفالسوادي=يخلف النيه لوالنيـه سليمـه
اقصر الخطوه ترا مانته بغادي=خل عندك صبر وشوية عزيمه


حمد الشدادي


ماني بشمس ٍ على روس العبـادي=وماورى بحث الردى كسب وغنيمه
كـان يـا فـواز تبغاهـا وكـادي=بعض الاريا مثل ماقالـوا عديمـه



فواز القذلاني


مانباها لاحيـاة لمـن تنـادي=خفف السرعه قبل تاخذ قسيمه
الشمال احسن مناطق في بلادي=مذهبٍ معروف وسبالٍ كريمـه



حمد الشدادي


إكتب التشخيص وامضيه اعتمادي=كان ميزت الصحيح من السقيمـه
يوم جا من نجد .. يا ليل الهجادي=الجهات الاربع تصـدر محيمـه



فواز القذلاني


بعض خلق الله تجوز اله الدوادي=كل ليله من عزيمه في عزيمـه

وانت عنه بعيد ومرادك مـرادي=مطرقك ماكسره عرقوب ريمـه




حمد الشدادي




شم ريح الطيب من عنبر وكادي=واستبيح الصبح لاهبت نسيمـه
يوم نادت ليش ما ترقى سنادي=يوم كـل ٍ بيتنقـى لـه نديمَـه

وقد جرت على هذا الرباط
http://www.sfsaleh.com/vb/showthread.php?t=49592&page=3

[حسين الحارثي]

هنا محاوره جميله وقويه جداً جداً

فتل ونقض رهيب مع قوة المفرده والمعنى

احببت ان انقلها لكي يتسنا للجميع المتابعه

وهي بين الشاعران/فواز القذلاني+فايز الشدادي



فواز القذلاني
لاوالله اللي شانت الخطـر ووقفـن النفـوس=ياصحابنا الحرث هذا اللي صار منكم وش وراه
الظاهر انه تاتجي حربٍ مثل حرب البسـوس=وان كان قامت راحو الاصحاب في ساعه عداه

فايز الشدادي
يااصحابنا العتبان ويش اللي جرى غير الهجوس=واليا تلاطـم موجهـا كـل يـدور لـه نجـاه

الحرب ماسرتك عام اول وخـذ منهـا دروس=وانصحك لاتظهر لنا راسك ليا شفت الحصـاه

فواز القذلاني
يافايز انت فالجبل وسلاحـك سهـامٍ وقـوس=مانته بداري لكن اسمع فعـل حمـاة الحمـاه
كم راس قوماني نسف عمهوج لاراحت عبوس=وكم ورخت خيل المحيا فعلهـا عنـد الـرواه

فايز الشدادي
انا سلاحي مايخلي من علـى الامتـان روس=وعجير ابن مهرس تفرق خيل ربعك عن نحاه

خيل المحيا لو يورخ فعلها وسـط الطـروس=فعول جدك ماتفيـدك وانـت تهـدم مابنـاه


فواز القذلاني
ترا الكلام اللي يجيكم من طرفنا حد موس=وعجير ابن مهرس زمانٍ فات بذانا خفاه
جبنالك المقلاع يافايز وقلعنا الضـروس=والضرس لاسوس ترا فالتجربه قلعه دواه


فايز الشدادي
حنا نبيك تعدي المرقاب واذتـك الطعـوس=الحر وكره فالسمـا والقـاع خلـه للقطـاه

غطى على عيب الخفا يااصحابنا زين اللبوس=لو نبحث الخافي ترى مايستره غير العبـاه

فواز القذلاني

كبودكم على صحاري نجد رايحةٍ يبـوس=ياللي حشركم ربي مع القرد بجبال السراه
لاتتهم يالمتهم عند المقـام وفالجلـوس=واللي لقيته فيك كم غيري من العالم لقاه

فايز الشدادي


حنا لنا فـي نجـد قسـم ولاملكنـاه بفلـوس=يوم انت في وقت مضى يلزمك ابن هادي بشاه

الكم بقيه باقيه عنـد التهـم تسـدا الهـروس=ولا انته بمنكر ديرة اجـدادك ولافيهـا زراه


.
المحاوره جرت على هذا الرابط
http://www.sfsaleh.com/vb/showthread.php?t=51046&page=4[/url]

[حسين الحارثي]

حسين الحارثي
تعـال يافـواز مادامـك تـدور للقشـر=لارحم منهو يرحمك وانت السبب فالمشكله

اما تقـدم يابطـل والا توخـر واعتـذر=واترك علومٍ مقفيه واسمع علـومٍ مقبلـه


فواز القذلاني
فواز لامنه زهم بأسمه يابو بندر حظـر=واليا تقابل مع خصيمه فالمعارك جندله

سيفه معه في لازمه والراس مليانٍ ظفر=واللي ينوخ للحمول الكايـدات يحملـه


حسين الحارثي
انته علامك كل يـومٍ ناشـبٍ لـك فـي نحـر=تـرى الرجـل لاخـف عقلـه ماحـدٍ يتحملـه

وان كان شايل سيف خل السيف في وقت الخطر=حنا بميـدان الشعـر والقـاف لاجلـك نفتلـه


فواز القذلاني
يوم انت خابرني كذا ورا ماغضيت النظـر=حتى ماقول ان لك في ماقلت يالشاعر صله

اباك تاخذ لك نفس وتلـد عينـك فالقمـر=يمكن تميز بعدها لونـه وكملـه منزلـه


حسين الحارثي
الاوله والثانيـه والثالثـه راحـة هـدر=والرابعه ماتنتـرك تبـي تجيـك مدبلـه

انته على ظهر البسيطه والسماء فيه البدر=مالك وماله بالنبال العـوج جالس تنبلـه


فواز القذلاني
الرابعه والخامسه تبا تجيك ادها وآمـر=والسادسه والسابعه تصبح يدينك ممحله

من بعدها يالحارثي قلي وش اللي تنتظر=جهازك اليا اطعتني طفه لعـاد تشغلـه


حسين الحارثي
دامك شجيع ولاتخاف امن البحر طب البحر=وشله تسبه وانته موجه عليـه البوصلـه

الفاس تثلم كلما تضربهـا صلـب الحجـر=والصقر صقر ولايفكر في طيور السنبلـه


فواز القذلاني
مافيه صاروخٍ ليا وجه عن اهدافه قصر=ولا فيه مولودٍ ولد جنب عن سلوم اهله

وش فايدتك من العبر لو انشدك يابالعبر=غير الكلام اللي مع العربان شفتك تنقله


حسين الحارثي
تبا الحقيقـه ياطويـل العمر توجيهـك صفـر=الناس تزرع ورد وانته دوم زرعك حنظله

ياللي تطامر كل يوم ولاعرفنا لـك خبـر=اتعبت نفسك والعبـاد مكملـه ومجملـه


فواز القذلاني
يالحارثي دور على غيره هذا مهـب عـذر=وان كان جيت بعذر غيره يابيض الشارب قله

جتك الحميا في ولد عمك ومت مـن القهـر=مقديـت عنـه بجيتـك فالتاليـه والاولـه


حسين الحارثي
ان كان ماتدري وش اقول الك ياوجه الفقر=لا وخسارة بيعي ومشراي مع من يجهلـه

فايز ليامنه حظر مثلك غصب عنّه صـدر=جاتك معاي مفلفله بكـره تجيـك مفلفلـه

[ساره البلوي]

نايفة شمر :

جينا سوى في الليلة الموعودة جينا ندور للقصيد الضافي
يا الأربعة كلٍ يشب زناده مـا دامنـا فـي الليلـة الموعـودة


الشاعر زعم الغنامي :

مثل الخيال اللي تغشّا السوده سلام رديه علـى العرافـي
دوّا على راس الجبل رعاده امن الخيال اللي تغشّا السوده


الشاعر سعود عبد الله :

نبي نحل العقده المعقوده نوفي على سلم الرجال ونافي
قالوا ترى سد الشفا نقاده ياللي عقدت العقده المعقوده


الشاعر فايز الشدادي :


مثل البخور اللي تطابخ عوده يامرحبا ياللي بدعت القافي
اهلا هلا يامرحبا وزياده مثل البخور اللي تطابخ عوده






الشاعر حسين الحارثي :


ياسعود قود العلم بالله قوده.وابشر بمنهو يطرح الاهدافي
كلٍ وعينه واصبعه وازناده.ياسعود قود العلم بالله قـوده




الشاعر زعم الغنامي :


عداد ماهب النسيم ونوده دام البقى يامعمّـر القذافـي
ياقايدٍ منته بضمن القاده هجرس ليا هب النسيم ونوده

الشاعر سعود عبدالله
العلم بيّن مصدره وشهوده والا انت سالم ماعليك خلافي
شعيل يرغي باركن بشداده والعلم بين مصدره وشهوده


الشاعر فايز الشدادي :


عن جيش صدام وفعول جنوده هات الخبر يامحمد الصحافي
هرجه كثير وليت هرجه فاده عن جيش صدام وفعول جنوده



الشاعر حسين الحارثي :


خفف حموله ثم فك اقيوده.يمكن قعود وله حمول اخفافـي
وان كان عجز يشيلها وش عاده. زود حموله ثم رد قيوده



الشاعر زعم الغنامي :

غطى على عج الرمك باروده.مهيب شرهة لحية الحوافي
علم بها حظرة حسين وناده غطى على عج الرمك باروده




الشاعر سعود عبد الله :

شعيل لو نابه يعض بدوده يسقيه من عد الروى الغرافـي
والله ضمن له فالبسيطه زاده حتيش لو عض البعير بدوده




الشاعر فايز الشدادي :

سقنا البعير وحملته مشدوده مع جرهد فيه الهلاك يشافي
بندرَجه حتى يطيح قراده سقنا البعير وحملته مشـدوده





الشاعر حسين الحارثي :

ماهي على لحم البَعض محدوده+سنونه اللي كنها الاسيافي
لكن تراها عندكم معتاده+.لو كان ماهي للبعض محـدوده





الشاعر زعم الغنامي :

الطيب اللي مايبيح سدوده ياللي زرعتوا شجرة الصفصافي
النوم عن بعض الكلام عباده والطيب اللي مايبيح سـدوده


الشاعر سعود عبد الله :

سداح يوم انه بذل مجهوده حطوه في وقت الهدد علّافـي
يا شين حظ اللي يشيل مهاده وش عاد لو انه بذل مجهوده



الشاعر فايز الشدادي :


الطيب اللي مع سلوم جدوده ياللي خذيتوا خيمة المصطافي
ارقد ونومك خابرينه عاده الطيب اللي مع سلـوم جـدوده



الشاعر حسين الحارثي :


سداح حر وهيبته موجوده+حول على صيده وكلٍ شافـي
واليا بغيت الصدق صيده باده+سداح حر وهيبته موجوده




الشاعر زعم الغنامي :

للسيل ياضلع الهدا وقروده ياللي ربوعك مايجيها السافي
فايز نعرفه ماجهلنا امجاده للسيل ياضلع الهدا وقـروده

الشاعر سعود عبد الله :

العقد يوم انك قريت بنوده قدمت في سد السمان عجافي
ياللي تسوا الكيف حط قناده والعقد دقق في جميع بنوده


الشاعر فايز الشدادي :

فايز تعرفه ما وصلت حدوده وان جاء اللقاء عرضته الاكتافي
تاصلك قبل انك تجيه جياده فايز تعرفه ما وصلـت حـدوده



الشاعر حسين الحارثي :

منهو يخبص ياسعود انقوده+لابد مايغلط بها الصرافي
علم بها اللي للذهب عداده+لحدٍ يخبص ياسعود انقوده

[ساره البلوي]

محمد السليس

ياليت ابوتركى يجى بعطيه من حمض العلوم
قدام حد الموس يبـدا فاللحـى واشنابهـا
يالله يا ابوتركى وسل السيف واقلط فاللزوم
هدهد سبا جاب الخبر والنار مـن شبابهـا


محمد السبيعي

لا يختلف سلم العرب ما بين مكة والجموم
يا اهل الأصايل عارفين الخيل من ركابها
والذيب لا من عاش ذيب إنا نحبه ومحشوم
لكن سر القافلة وأسدل عليهـا أسلابهـا


محمد السليس

حنا لفينا سوق ماشالله نبيع ولانسـوم
علم لنا شه بنـدر التجـار لايشقابهـا
اليا زعلنا مارضينا لو يجى حب الخشوم
بلغ بها اللى نيته لااضحا بها ما امسابها


محمد السبيعي

السوق محكومة وشوف الناس حاكـم ومحكـوم
والحية الرقطاء ما تضحك كـان شفـت أنيابهـا
يا راعي الصدر الوسيع اضحك وتنباج الهموم
والعيـن مـا غطـى حدقهـا غيـر ظــل أهدابـهـا


محمد السليس

العام يوم ان الضوارى في حما الديره تحوم
سلط عليها الله ذيب اذيـاب دون اذيابهـا
واليوم يوم الصيت طلعناه لحـدود النجـوم
قامت جمال ماتعى وتحيط عـوج ارقابهـا

[ساره البلوي]

مشعل العتيبي

سلام والمعني على صطح القمـر
يابوفهد قرب وانا عندي علـوم=

بيني وبينك تو شبت نارها واللى عقد روس الحبال يحلها


اكرب حزامك قدمك الموت الحمر
يابوفهد ترى العوافـي ماتـدوم=

الطايره اقلع بها طيارها واللى عقد روس الحبال يحلهـا


مشعان البراق


هلا هلا ياللـي تدرعـت الخطـر
عطني علومك واعرف الدرب اليموم
والحصن يابن الناس في مضمارها
واللي عقـد روس الحبـال يحلهـا



ماباقي الا انت انت!! ياااشين القـدر
اللي رماني مـع محببـة الخشـوم
ياااليت جانـي فالعـرب شعارهـا
واللي عقـد روس الحبـال يحلهـا


مشعل العتيبي
الله يعينك مامعك غير الصبـر
اصبر على ثقل الحموله والهموم

صعبه عليك الر حله ومشوارها
واللى عقد روس الحبال يحلهـا


انا وصلتك جيت اعلمك الشعر
ياهيه ياللى لادفـاع ولاهجـوم

مزنه على راسك تهل امطارها
واللى عقد روس الحبال يحلهـا

مشعان البراق
ارتح وحملـك مالنـا عنـه عـذر
خله على بليهـان وبحملـه يقـوم
انـا جمـل وحمولتـك بوزارهـا
واللي عقـد روس الحبـال يحلهـا
.
.
من يسمعك يقول وش هاذا البحر؟؟
وعزالله انك من عطا الشعر امحروم
انتـه يميـن الرابعـه ويسارهـا
واللي عقـد روس الحبـال يحلهـا


مشعل العتيبي
من حربنا كم واحد" يشكى الضرر
كم واحد" من حربنا راح مهـزوم


ماتبلش اكبار العرب بصغارهـا
واللى عقد روس الحبـال يحلهـا


لونست حر الشمس عود للقصـر
ارتاح وجهك لاتعرضه السمـوم

والطيبه دايـم عليـك اختاراهـا
واللى عقد روس الحبـال يحلهـا


مشعان البراق
حريبـكـم لله ولله مـاخـسـر
قدمه خلا لو العـرب لّمـا لمـوم
تعَرف شواهيق العلا واحرارهـا
واللي عقد روس الحبـال يحلهـا
.
.
.
تبا الحقيقـه والكـلام المختصـر
عان الذرا واقضب مكانك ومخدوم
ثم كل لحيـه خابـرن مقدارهـا
واللي عقد روس الحبـال يحلهـا


مشعل العتيبي
ياللى تعد الزور ماحولك نصـر
شامان فيك اليوم بايلـه وسـوم

بندقـك يارجـال زم اعيارهـا
وللى عقد روس الحبـال يحلهـا


انانويت اعطيك درسـا" معتبـر
حتى تصحصح زين وتخل الحلوم


احضرتوقف بين نار وغارهـا
واللى عقد روس الحبـال يحلهـا


مشعان البراق

الحق يامشعل ماهو وجهة نظـر
كم هية ٍ وانتم لنا ياصحاب قـوم
ناس ٍ تروح ولا يـرّوح عارهـا
واللي عقد روس الحبـال يحلهـا
لو كل من يهرج حذفته بالحجـر
كان الحجر فالسوق اله حدٍ و سوم
والارض هاذي ماتشوف احجارها
واللي عقد روس الحبـال يحلهـا


مشعل العتيبي
تشهد على اللى صار بدوان وحضر
ياجهلـن بالسالفـه مالـك لـزوم

عماك والله كان بحـت اسرارهـا
واللى عقـد روس الحبـال يحلهـا


تبغي الصحيح اقول حيك ياصقـر
ماكرك دايم خابره فوق الر جـوم


ديس المنحيـه مايسـد احوارهـا
واللى عقـد روس الحبـال يحلهـا



مشعان البراق
كانك زعلت اضرب براسك فالصخر
لاعاد ترضـى يالمطمـر فالعقـوم
ماااالون؟؟ والدنيا تـدور ادوارهـا
واللي عقـد روس الحبـال يحلهـا
.
.
.انته وليد بطيـن والا مـن ظهـر
لبست لك مشلح وهـو مالـه كمـوم
خـل العلـوم اطوالهـا واقصارهـا
واللي عقـد روس الحبـال يحلهـا


مشعل العتيبي
وشفيك عنها حصت يامال الكسر
ياشاعرا" في حكمنا عاش محكوم

اخذ الحقايق والعـرب بذكارهـا
واللى عقد روس الحبال يحلهـا


اناولد رجـال بالفعـل اشتهـر
تعرفه نجد وتعرفه كـل البقـوم

يشخ" من شيوخ " تحمي اديارها
واللى عقد روس الحبال يحلهـا


مشعان البارق
تقول لي شاعروانـا مالـي فخـر
في كلمتك..لانك مقيّـد ومخـزوم
ماحصت عنها عـارف ٍ تيارهـا
واللي عقـد روس الحبـال يحلهـا
.
.
.
مداح نفسه! وش يقولون البشـر؟؟
كذااااااب..لاكن يارفيقـي للعمـوم
الارض....والسلعه نعرف اسعارها
واللي عقـد روس الحبـال يحلهـا


مشعل العتيبي
ياعدياللى مامحدكم من صـدر
ماتروى الضميان ياعد الجموم

حجتك ماتنفعك دور غارهـا
واللى عقد روس الحبال يحلها


حنا نعد الصدق لسعيد وعمـر
شين مثبت ياردييـن العـزوم

مانى بمثل اللى قصار اشبارها
واللى عقد روس الحبال يحلها


مشعان البراق
اللي تعرضني وفي راسه سطَـر
فالقايله والله لا اوريـه النجـوم
((اخّيييييه)) ياناسٍ بدت باعذارها
واللي عقد روس الحبـال يحلهـا
.
.
واللي رغا من بعد يامشعل هـدر
ماعاد له مقسوم من بين القسـوم
والنعم كايد .. والرجال ب(كارها)
واللي عقد روس الحبـال يحلهـا


مشعل العتيبي
واللى يعارضني نهاية القبـر
لكن حاضر لاتخبطون الحزوم

تعمي عيونك كان ثار اغبارها
واللى عقد روس الحبال يحلها


لايزعلك ياصاحبي مايقتـدر
عزى لحاله بعد ماطاح محموم

يجهل مواردها جهل مصدرها
واللى عقد روس الحبال يحلها

مشعان البراق
مانته باخو شمّا ليا طال السفـر
البن ريحه معك عوّد ريح ثـوم
ديرتك مايغبط بها من زارهـا
واللي عقد روس الحبال يحلهـا
.
.
.
والله لتبطي ماتعـودّت القشـر
وناسٍ سواتك فوقها طيري يحوم
اقعد لها فالحلق مثل ازرارهـا
واللي عقد روس الحبال يحلهـا

[ساره البلوي]

مشعل العتيبي

يامرحبا بالشاعره مى مليون
اقولها والنور يجلا الظلامي

الليله الليله نباها على الهون
حتى نمشيها على كل رامي


مي العقيلي
يا مرحبا بك عد ما هلّـت مـزون
وعداد ما قصـوّا يديـن الحرامـي
وإن كان ما تدري ترى الناس يدرون
من نوّخت رووسٍ وذكّـت أسامـي



مشعل العتيبي
ماهي على همان تمشي يافرعون
من خان عهد الناس يلحق ملامي

ابشرك قلبي من الخوف مامون
هداج يروى كل من جاه ظامـي


مي العقيلي
وش قولتك في اللي على الناس ملسون
وإليا هـرج خـلا الطريـق النظامـي
لا جاك قولي فاعرف القول مضمـون
شف التجـارب وانـت تفهـم كلامـي


مشعل العتيبي
ملسون واشوفه من الوضع مغبون
مجروب والجربان صابه هيامي

الهرج واجد والفعل شايفـه دون
يامي لايشغلك هـرج التهامـي


مي العقيلي
الهرج يا مشعل إذا صار مـوزون
راعيه يستاهل عظيـم احترامـي

ترى الجمل لا طاح مطعون مطعون
حتيش لو انـه رشيـد الزلامـي

مشعل العتيبي
ماقول لاصاحي ولاقول مجنون
سفيه ماله عند مشعـل مقامـي

حنا نعرف الوضع ياشمعة الكون
والشاوى المبلي غشاه الغمامـي


مي العقيلي
الناس للسبعة تراهـم يغنـون
ياراعي الاربع تراك انهزامي
أحدٍ كلامه لا هرج كله فنـون
وأحدٍ يقول اليوم مدري علامي

[line]

المبدأ من قبل الاداره ممثله في اخونا الشاعر

محمد السبيعي:

على حسب ميعادنا اللـي نوعـده

مايختلف ميعادنـا عـن موعـده

وراعي الوفاء دايم يا طيبه وِسْعده

أقولهـا والمقـبـلات بْفالـهـا

سلام لأهل المنتدى والشعر واللي حاضرين
,,,,,,,,,,تحيةٍ فيها وفـاء والخيـل مـن ركابهـا
ذا الليل نستمتع بفن الشعر يـا متحاوريـن
,,,,,,,,,,الطيب مخبورٍ بكم والنـار مـن شبابهـا



الواثق:

جيـنـا عـلـى حـسـب الطـلـب يـاهـل الـفـلـك

الله يـكـفـيـنـا مــــــن دروب الــهــلــك

احـــد بـهــا مـمـلـوك والـثـانـي مــلــك

اقـولـهــا والـخـيــل مـــــن خـيـالـهــا


ياربعنا ياموصلين العلـم ويـن العلـم ويـن
,,,,,,,,من قبـل لاتاقـع وحنـا ماحسبتـا حسابهـا

احضر وعطني واستمع ياسعود ياذرب اليمين
,,,,,,,,كلمه يموت ابهـا الولـد والثانيـه يحيابهـا



سعود عبدالله :
جينا وجيتوا والمعزه وافيه

وقلوبنا بالطيب دايم صافيه

والبينه تظهر حفيل الخافيه

اقولها والخيل من خيالها


نسمع كلامك يامنادي ياعسى ربـي يعيـن
,,,,,,,,,وام الكبايـر شرعـت للغافليـن ابوابهـا
احزم حزامك وادحم الضلعان بالجنب المتين
,,,,,,,,والحيه ام قرون شطرهـا ونكسـر نابهـا



الواثق:
ان قلت واما قلت ولا وش تقـول

ودي اعرف الناس صاحي ومهبول

الي ليا اذن دقت جنوب الطبـول

اقولهـا والخيـل مـن خيالـهـا

اليا عرفت اللي يحب من البشر منكب حسين
,,,,,,,,اسوقها بالمارقـي واقـص روس اشنابهـا

ياللي تيمم شـرق وتعيـد بوسـط القبلتيـن
,,,,,,,,,,,لاماتت الحيـه فـلا تامـن يجيلـك دابهـا



سعود:
الطيبه تبدي على روس الطوال

لاكن لاتامن من الجرف الهيال

ترى الحقيقه ماتجي مثل الخيال
ا
قولها والمقبلات بفالها


اليا عرفت اللي يحبه حلل الكبش السمين
,,,,,,,,,,,خوصتك في يمناك لاكن لايضيع جرابها
قد قالو اهل المعرفه من عود بخفي حنين
,,,,,,,,,,,يمسي ونفسه مايذوق النوم من هندابها




الواثق:
ياللي تدورها ولانتب يمها

اخذ الحقيقه بالكفوف وضمها

انشد وتعرف خالها من عمها

اقولها والخيل من خيالها

يالله عسانا من سبايبها وهلها سالمين
,,,,,,,,,,,,, مير البلاوي مالها الا واحدٍ يبلابها

ان كان ضيعتوا وراحت لربعه مثل الثنين
,,,,,,,,, امسيلمه عند العرب ياصاحبي غنابها





سعودعبدالله:
رسالتن وصلت ولافوقها بنود

وصلت وجا جزئن من النص مفقود

ترى الليال البيض ماهي كما السود

اقولها والمقبلات بفالها


قلنا مثل ماقلت جعل الله يعين الصابريـن
,,,,,جعل المطايا صوب دارك ماتعوج ارقابها
كانك دليلتهم مع الطرقه يبو قلبن فطيـن
,,,,,,الربعه اللي روحت ضاعوا وضاع غرابها






الواثق:
ان صبت وان اخطيت هذي مشكله

واليا كشفنا الوضع غيرك نزعلـه

يمكـن تجيلـك بالبهـار مفلفلـه

اقولهـا والخيـل مـن خيالـهـا


ان صابك الوسواس ولا غرك ابليس اللعين
,,,,,,,,,,لاتسمعه حتى يجيـك العلـم مـن غيابهـا

ماني وكيل اللي غدى له يوم شان الوقت دين
,,,,,,,,وان روحت روح مراح اللي غزى ماجابها





سعودعبدالله:
ياللي تجاوب راعي الصوت بالصوت

الذل مافك الحباري من الموت

وان كان صدرك داخله شي مكبوت

اقولها والمقبلات بفالها




ان كان في قلبك محبه غن بالطرق الحزين
,,,,,,,,قال المثل ترى اهل مكه خابرين اشعابهـا

انته شماغـك وارد البسـام والا لابليـن
,,,,,,,,,,ياشوق من غطت مفاتنها بزيـن ثيابهـا







الواثق:
ياسعود لايخفاك عامٍ بعد عام

اللي يكون يكون ياباب السلام

ياللي تميز يالحلال من الحرام

اقولعا والخيل مـن خيالهـا


وين الهلالي راح باقي في حزامه طلقتين
,,,,,,,,,,,ياللي تعرف الدار ميز حيدهـا وترابهـا

مابه شماغ ولا ثيابٍ في بلاد الرافديـن
,,,,,,,,,الموت ياراعا الهقاوي ويش هو خلابهـا

[ساره البلوي]

.ناصر السهلي
سلام الله سلامن ينتف اللحيه مع الاشناب
خصوصي للقبيل اللي نعقد الحبل ما حله
نشوف ان القنوات الفضائيه خذت اعجاب
هل الانتر وصاروا يزهبون الببس فالدله


نايفة شمر

ألا يا مرحبا يا شاعرٍ ضايـق بـدون أسبـاب
سلامك من غضب ..؟ بسم الله الرحمن بسم الله

تعودنا على ( الفله ) ولا عشنا تحت ( سرداب )
واشوفك ضقت بالسرداب قصدك تسكـن الفلـه


ناصر
اقول الله يرحم نوت قبل الموت عشق عقاب
خذاها غصب والمغصوب ما تدمح له الزله
ابن شلاح في وسط الاذاعه جاب لحن عتاب
وهاذي من عجايب اخر الموضات والشلـه


نايفة شمر

خلقنا الله على المله نعرف إن التراب تراب
واشوفك ياولد ضايع بلا مذهب ولا ملـه
قصيدي يا العليمي لا كتبته يسلب الالبـاب
وعلة للكبود اللي سليمه مـا بهـا علـه


ناصر السهلي
خلقك الله وزادك عرف في حالتك يأم خضاب
وجهلك فالعرب من كثر ما جاء الهضب والتله
الى يا عشق ليل وعذب لو ناديت لأبن حباب
لقالو عجز قاف البنت مع صدره يبـي شلـه


نايفة شمر

انا اشوف الغراب اللي دخل له وسط عش غراب
أبو جنحان منشلـة يحسـب النـاس منشلـة
علامك يا بن الأجواد إتعدي وتخم راس الـداب
تحطه وسط جيبك .. سالفة ما مثلهـا لِلَّـه !!


ناصر
مدامك شوف للغربان جاس الصقـر بالمعطـاب
نعقد الحبل مـن طولـه علـى غاربـك ونفلـه
حصل لك ما حصل لك من سوالف طلعة المرقاب
وصرتي تحسبين ان الرجل يـا بنـت يحصلـه


نايفة

نعلم في الغراب وما يجي فرخ الغـراب عقـاب
نوريه الدروب البيض ميـر الـدرب مـا دلـه

وانا ما انزل بقدري في الشباب وكان راسي شاب
ولا اتبع نـاس مجنونـه ولا عربـان منحلـه


ناصر
والى يا بنت قلتيها واقول ان المثل ما خـاب
يطير الطير وان وقّع ... على شكله على خله
ترى القلطه على فتل المعاني نقضها بحساب
ومن جنبه ضعّيف جاه جيش القوم واحتلـه

[ساره البلوي]

المقدمة من عشق ليل ( أبو عبدالرحمن)....

ياسلامي والقصايد لها معنـى وذوق,,,,,,,,,, والمعاني الطيبه كنز عنـد ارجالهـا
وما حلا جر القصايد بحلوات الطروق,,,,,, تطرب اللي حاضر وتطرب اللي قالها


مفرح السبيعي ..

مرحبا ترحيبـةٍ كلهـا ذا الليـل شـوق,,,,, والمعارك مالها إلا يـا كـود أبطالهـا
لادخلنا الشعر نرفع مقام الشعر فوق,,,,, مـا نحثلهـا مـع اللـي يحـب احثالهـا

محمد السليس:

عقب ما اخلف ولد زايد تقدم ولد روق,,, والمواقف مالها الا عريـب جمالهـا
يالسبيعي لاتبهلـل تبهـلال البـروق,,,,, تحسبنى مثل خبل ٍ بـرك واشتالهـا


مفرح السبيعي:

لا زبن زابن ترانا نسوق العمر سوق ,,,,يوم بعض الناس دايم تجـر أذيالهـا
ومن يعاف التاج يلبس مع الايام طوق ,,,يشرب العلقم بعد ذاق صافي زلالهـا

محمد السليس :

مايقارن يالسبيعي غروب ٍ مع شروق,,,,, والمهبل من وراهـا يـروح هبالهـا
يوم كولن باول اشًر لهيئات الحقوق,,,,,, قالو ان جونتنامـو تمـاام احوالهـا

مفرح السبيعي:

" مجلس الأمن " الموقّر يعاني من الخـروق,,,,, والرقايـع يـا عميلـي غريـب أشكالهـا
" كونزليزا رايس " تمسح على راس السلوق ,,,,يوم " بطرس " وسط سينـا يبيـع جبالهـا

محمد السليس:

البلا سقف المصالح على سطحه شقوق,,,,,, والسياسه تتبع النفـط لجـل اموالهـا
تاتشر مبطى وريقن كلو عيش السروق ,,,,,,,,خايفن بـوش وبليـره تعشـا فالهـا


مفرح السبيعي:

من شراله " كف بانقو " يدوّر للحوق,,,,, شلةٍ لـو شفتهـا مايسـرك حالهـا
له مع الهفوات دايم قرابات وعروق,,,,, كان ما هو عمّها ما تعـدى خالهـا


محمدالسليس:

انت شف كولمنبيا مالها غادن محوووق ,,,,ارصدتها جمدت من حصيـل اغسالهـا
مجلس الفيتو مدامه على الاعضاء فوق,,,,,, اى دولة تنفش الريش ابـاح اذلالهـاا

مفرح السبيعي:

مشكلة لا صارت الناس عاشق ومعشوق,,,,,,, يبتلش " رئيس الأركـان " يـا حلاّلهـا
كرت بعض الناس كرتٍ يقولون محروق,,,,,, الخبر عندي بعـد شفـت انـا قتّالهـا


محمد السليس:

مجلس شيوخ الولايات سباقن لبـوق ,,,,,اي شخصيـة تنافـي الادب يغتالهـا
متعبين الهجن للعشق مشقين الخفوق ,,,,,,وصلو خضر الروابي لقرب امحالهـا



[line]

ابو عبد الرحمن

ياسهم حالي مامنهااااااش
جيتك أبي حل وتعيـش
بعد الغضي كيف أبعتاش
لا بدل الوصل تطنيـش


مفرح بن مناحي

لا ضقت عوّد على الكاش
واصرف له الحب تطفيش
مانيب خابـرك غشـاش
والحب مافيـه تغشيـش


بو عبد الرحمن

مخباي عقبه غدى ماش
مافيه للزين بخشيـش

الواش عزربي الواش
كني طعام الخفافيـش


مفرح بن مناحي

وش عاد لو ينطق اللاش
تزعل عشانه على ويش

إليا ارتفع راس خفـاش
لزوم تذبحـه بشويـش


بو عبد الرحمن

من هزني يوم مـا عـاش
لو هو على هامة الجيـش
القلـب يحتـاج لانعـاش
ما اقوى على عيشة الطيش


مفرح بن مناحي

يبي لنا اليـوم مغبـاش
ما نسمع اصوات تشويش
ما فيه لا طاش ماطـاش
وما فيه ما ينغص العيش

[ساره البلوي]

.

[ساره البلوي]

سطام بن لطام

يا مرحبا بالهاجس اللي كل ما جانى صحيت
اي والله ان يرحب مدام الشعر من نبه صحا
يا عشق ليل الليل يا اللي في حياتك مهتنيت
دامك تسحر فرمضان الفول في وقت الضحا


ابو عبد الرحمن


دام البقا وأهلين بك من نجد لحدود الكويـت
والحبل فوق السانية والحب في حكم الرحـا
هات العلوم بلا حيا وش هو يفيد إليا استحيت
مانيب اداني العلم لامنّه لفانـي فـي سحـا


سطام بن لطام

انته دخلت ابقوتك والميـد كلـه دانميـت
يعنى رحاكم لو تحرك راحت الدعوة دحـا
العلم جاك ولا خفاك ان كانك طافك كمبليت
ما تفرق النيبان والقاطوع عن شكل الرحـا


ابو عبد الرحمن

راعي الدناميت يتولم جاه صـاروخ صليـت
سكود صاروخٍ عَمَى ، لامن ضرب دارك محا
جحا ينازع في حياته بين حي وبيـن ميْـت
أبك أبك لاتقرب طريقي ما نبي خـوة جحـا

[ساره البلوي]

الشاعر / سعد العتيبي و الشاعر / محمد السبيعي

عشق ليل :

سلام للجمهور من غير تحديد
تحيةٍ عذبة على الكل وتزيد

يطرب لها ذا الليل كل الاجاويد
والصبر زين وكل مطرود ملحوق

الشعر يا عميلي بين برقا وروق = وانتم سبيع ما للشعر معكم ولاااااش

لابغينا القصايد نظمها ما يعوق = كيف عاد العتيبي لارتكا ثم هاش


محمد السبيعي :

سلاام للحضار مني تراحيب
والذيب لا يكثر علينا الهناديب

حنا لجزلات القصايد معازيب
والصبر زين وكل مطرود ملحوق

خابرٍ روق مع برقا ما فيهم سروق = وان نوى منهم سنافي يقولون عااااش

وان لقيت الاسود انشب لها بالحلوق = لين حتى نوسدها يديها فراش


عشق ليل :

ذا الليل لي نية نبي نهزم الروم
عاداتنا بكرة وقبل أمس واليوم

نارد حياض الموت والعالم تسوم
والصبر زين وكل مطرود ملحوق

أنت شمسك بغيبها بليا شروق = لاتحاول معي باسلوب فن النقاش

كلبو العالم الغربي يقول ويبوق = ومن يدور على الهزعة لنا ما لقاااش



محمد السبيعي :

الروم شبت في الخوارج حرايق
مااحلى السوالف يا سعد وانت رااايق

لا تقلب التاريخ عندي وثايق
والصبر زين وكل مطرود ملحوق

ما اسهل الهرج يا بو زيد ليتك تروق = قبل ما يبلش العاقل معاك ابتلاااش

كلبو العالم الغربي تعد الحقوق = والشهود عْدلا والحكم للعظم ناااش

عشق ليل :

يا صاحبي خل الشهادة على جنب
حنا الكرم والجود لا ترتكب ذنب

والهندسة ما قد تساوت مع الطب
والصبر زين وكل مطرود ملحوق

يا محمد أنا في الطيب دايم سبوق = و لحقايق نثبتها لاجاك ارتعاش

تالي الليل بتروّح بقلب محروق = ويمكن يصيبك شوية وجل وارتباش



محمد السبيعي :

حنا كرمنا وَصْل حتى عداانا
نااس ٍ كرام وبخلنا في رداانا

الطيب جانا لين قبل يداانا
والصبر زين وكل مطرود ملحوق

أنت طيب وراسك فيه تسعة فتوق = قم و داو الفتوق وخل عنك الهواااش

ما يموت الشجر حتى تموت العروق = والعروق وْصلت نواة الأرض العتاااش


عشق ليل :

حنا ترى التجار أول وذا لحين
حنا الأسود مرجحين الموازين

الى احتمى الموقف ما نرجع مقفين
والصبر زين وكل مطرود ملحوق

جاك تاجر يقول الشعر باسلوب ذوق = يقطع البحر عرض وطول لو كان طاااش

ما يحب الغشيش ولا يحب الدروق = يشتري كاش في الاسواق ويبيع كااش




محمد السبيعي :

وحنا هل الغلبا للامجاد بانين
نركز بوسط قلوب الأعدا نياشين

عاداتنا ماضي وبكرة وهالحين
والصبر زين وكل مطرود ملحوق

كل تاجر يبي يطلع على طول فوق = هكذا عادة التجار وإلا بلاااااش

وكل تاجر ليا من قال ما جا صدوق ..= العرب كلها بتقول راسه هشاش

[ساره البلوي]

محمد السليس

مرحبا ياهلا بالشاعر المشهور
ردةٍ للحضـور تـروح مثنيـه

قوم يابعيد والليله عليك الدور
جابك الله مابين الداب والحيـه


زعم الغنامي

البقى من هجوسن ما تعرف الـزور
مار حسنتك قدمهـا علـى السيـه
طب وسط البحر واركب على البابور
وانـت مابيـن هاذيـه وهـاذيـه


محمد السليس


لو عطيتك هديه من بنات الحور
رحت ياصاحبي برا السعوديـه

بس خلك مواطن يظبط الدستور
واخذ فنجال كيفـه بـن بريـه


زعم الغنامي

منت مطلق ولا انته فالبلد مستور
عن هجير السموم ارتاح فالفيـه
شرتك بشور وانته ماقبلت الشور
مير ذلحين عنك الصحف مطويه



محمد السليس


ليتك ارتحت ماعديت فوق السور
غرتك لعبتـى ياطـاق طاقيـه

انت شاعر ولكن لويلف ايـدور
راح يضرب من التعليق بوريـه


زعم الغنامي

انت لقمتك ماتمشي مع الحنجور
حت لو تلحـق اللقمـه ببسيـه
سرها وانت شاعر ماعلاك قصور
ماغدالك مع اهل المعرفـه شيـه


محمد السليس



انت علة نحر لكن انـا الدكتـور
واخر الطب عندى واذهن الكيـه
واخذ عبره ترى عنتر قضبله ثور
قام ينفخ وعنتـر قاضـب لحيـه


زعم الغنامي

انتبه يامحمد واحفظ المقهور
لاتجيه الذيابـه والحراميـه
هب ليت الليالي غيبها مخبور
كان نلقى على جبهتك ماريه


محمد السليس


جيتنا مع( ذا وندو) مار رح (مع دور)
طق وافتـح عليـك قفـول عجميـه

انت طير ٍ نداوى واطرحه عصفـور
نابـتٍ مـع جنوبـه ريـش حنديـه


زعم الغنامي


لو تجمع علاك العمي هي والعـور
رح و قد الضرير اللي على الطيـه
واجبروا خاطر اللي فالهوى مكسور
راح عمـر الهـواوي يالهواويـه

[ساره البلوي]

نايفة شمر

يابوفهد بعد ما سج وسرى الساري سج وسرى الساري
قل لي وش اللي لقا الساري بمخباته من بعـد ماسـج

باب القصايد تراه إنهج لافكـاري إنهـج لافكـاري
الشعـر بابـه يداعبنـي بنفحاتـه لا منـه إنـهـج


ابو فهد

الساري اللي عطى فج وسرى داري فج وسرى داري
ماوالله اجامله واطحن حبيباتـه اللـي عطـى فـج


الشعر له ماركه والمنتج اتجاري والمنتـج اتجـاري
لاكنك اطيّب من اللي طوّل سكاتـه ماهـوب منتـج


نايفة شمر

الساري اللي سرى وأدلج ومحتاري وأدلج ومحتاري
لو راح معروف ومحدد ببصماته لو غـاب وأدلـج
والنايفة يوم جات ترج الأوكاري تـرج الأوكـاري
ماهمهافي البلـد فاتـل شنباتـه ولعرشـه تـرج


ابو فهد

يروح وانا صحيح احتج واماري احتج واماري
حادر له شعيب واستبشر بمضماته ايبالله احتـج
.
.
.يالنايفه لجلجي لالج لج الطاري لالج لج الطاري
وطويق ماهمه الغربي ونسماته الطاري ان لـج


نايفة شمر

الـــدرب قِـدمــه ولـكــن دج سـمَّــاري دج سـمــاري
وأظـن مـن بعدهـا بَقْـفِـل ملفـاتـه وش بــه مـعـي دج
ولاجا التحدي ما خَذْت العلج بأسفاري العلج بأسفاري
وطويق باهِد راسه مع أساساتـه ومـا همنـي العلـج !!

[أبوعبدالرحمن]

للذكرى



حسين الحارثي
سلام الله سلامٍ يفرق الحُرمه من الرجـال=عقب ماشفت الاسما المستعاره سكة الخبلي
يابو وديم ما للقرش سوق ولو يسمى مال=مادام ان الريال اعلا تـراه الكـل فالكلـي

فايز الشدادي
هلا يامرحبا بك عد وبـل الماطـر الهمـال=تراحيـب يبـان بهامقـام الجـد والهزلـي
اعرف القرش مايسوى ولا له فالوجود ظلال=مقولـه قلتهـا ياحسيـن كـل قالهـا قبلـي

حسين الحارثي
يدوم الك البقا والعقل نعمه دوم للعقـال=ولولا العقل نتعب روحنا وانتعّب الرجلي
انا ماهمني فارس له اسم وعارفه خيال=بلايه واحدٍ مندس يرمي خلفي وقبلـي

فايز الشدادي
مصيبه كان ابو زيد الهلالي لبسوه الشـال=وصارت نكبة الجمهور بين النصر والاهلي
ترى للمعتدي حـد يحـد وللذلـول عقـال=وتضيع المعرفه عند اختلاط الحبل بالنبلـي

حسين الحارثي
مادام انه رضيبه ماهو معرب بجـد وخـال=انا اشهد مايسوي هالسواه الا قليل اصلـي
ترى الجاهل يقولون العرب معذور مهما قال=لكن لاصار حاميها حراميهـا وش الفعلـي

فايز الشدادي
مادام انه رضيبه عند وجهه ينثر الفنجال=مقامه بين صداح اللحون وقارع الطبلي
ليا من صار حام الديره ومامونها النشال=فمابه شرهة تبدا ياكود لمثلـك ومثلـي

حسين الحارثي
لاعادت معرفت يافايز الدجـال والمحتـال=عليّه بالحرام انه مايقهرني سوى النذلـي
تذكر عيسى يوم انه يقل عن ديرتك رحال=وانا رحال عن هالمنتدى ماعاد يصلح لي


فايز الشدادي
ديار مابها الا حايم الغربان واشهـب لال=تشوم النفس عنها يوم حنا نحكَم العقلـي


تقدم وانشر البيرق يابوبندر وطاب الفـال=ولا باقي بعدها غير قطع الوصل والحبلي

حسين الحارثي
مادام اللي ببالي صـار يافايـز لكـم فالبـال=اجل هذي موازين العدل والحـق والفصلـي

ختام القول ياناقض بيوت الشاعـر الفتـال=عسى الطيب مايرمى بين باب السجن والقفلي

فايز الشدادي
انا اعرف لو نقص شعبان ما زادوه من شوال=ولاتازر وازرة وزر الاخرى ياهل الفضلـي

وحنا عارفين من المحال اصلا دوام الحـال=ونعرف الطيب بين الناس تبلى الروح مايبلي

[محمد السحيل]

مـــحـــمـــد الــعــتــيــبــي
سـلام الله سـلام ٍ فيـه نـوع ونـوع يالشعـار
يلادي للحليـب وياخـذ مـن الوبـل مطعومـه
وألا يا سعود عبـدالله تقـدم مـا نبـى الاعـذار
وكل ٍ قسمتـه مـن عنـد رب الكـون مقسومـه

ســــعـــــود عـــــبـــــدالله

عدد ماحاتم الطائي فـرح مـن شوفـة الخطـار
هـلا يامرحبـآ باللـي نظـم للـدر منظـومـه
انا في وسط سوق المعرفه وانتـه مـع التجـار
تقـدم يامحمـد كـان تاجـر وافـرق السـومـه

مـــحـــمـــد الــعــتــيــبــي

يدوم ألك البقى وانا نشدت وقيـل عنـك اخبـار
فقلت ابنشده وأباقرصه وأباكشـف اعلومـه
يقولون العرب ياكثـر مـا فالسـوق مـن زوار
حقيقـه والحقيقـه حطهـا فالـراس معلـومـه

ســــعـــــود عـــــبـــــدالله

عسى ماقيل عني خيـر ياللـي تبـدع الاشعـار
ترى ماكل مـن فسّـر حلومـه تصـدق حلومـه

ليا جاك التقاطـع خـذ يميـن ولا تـروح يسـار
دروب الغانمين ايمين و الثـوب افهـق كمومـه

مـــحـــمـــد الــعــتــيــبــي
أنا بنشدك عن بنـت ٍ سـرت فالليـل والاخطـار
وتال العلم عنهـا وصلـت الطايـف وماسومـه
تعايـن فالبـروق وتسمـع الامطـار فالاخـبـار
عساها عقب حالت بالضعـون الـدار مرحومـه


ســــعـــــود عـــــبـــــدالله



ترى بنت الزناتـي عـودت مابيـن نـار وغـار
لكنـك علـم الظالـم تـرى هالبنـت مظلـومـه
بعدها غن بالمسحوب (قم ياكليـب شـب النـار )
وجنحـان النـداوي يالنـداوي تكسـر الحومـه

مـــحـــمـــد الــعــتــيــبــي

يبى يصرف لك المشرف زعم ذا اليل صك اعسار
على شانـك تشـوف بعينـك الرمـان وتسومـه
تنشد عنها عويد ترى يشهـد علـى اللـي صـار
ولنكانه جحـد بالفعـل انـا يـا سعـود مالومـه


ســــعـــــود عـــــبـــــدالله

يـاراع البنـدق احـذر لاتثورهـا بـدون عيـار
وتصحي من رقد في تالـي الايـام مـن نومـه
انا اعرف عملة الدرهم وانا اعرف عملة الدينـار
خطـاك السـوّ يانفوسـن مـن الايـام مهمومـه


مـــحـــمـــد الــعــتــيــبــي


بعد ما صعبت البيعه عليكم مـن غلـى الأسعـار
تـرى الدنيـا دروس وكـل رجـال ٍومفهـومـه
نباها تنتهي فـي خيـر و إلا الطايـلات أقصـار
فمـان الله نبيهـا تنتهـي بالمـسـك مختـومـه

[محمد سالم الهاجري]

عزلله يا خطل لعبتو لعبة مالهااا شكل بس وراكم علي مالي ولا محاورة عدله


ولا ناس وناس ياخوي خطل المهم تقبلووو مروري اخوكم برق الشمـــــــــــــــــال

[سعودعبدالله]

السلام عليكم ورحمه الله وبركاته

موضوع شيق وفعال وحبيت اشارك فيه معكم وعسى يكون اختياري موفق

الشاعر زعم الغنامي والشاعر برج المملكه في محاوره من الوزن الثقيل


زعم الغنامي


سلام بادي خير يابرج استلـم نـص الكـلام=جايك وفي صدري علوم ان كان ماعندك علوم
ماضاعت عيال الحلال الا من عيـال الحـرام=ولاسب راعين العلوم الطيبه غيـر الرخـوم

برج

يامرحبا ترحيب ما ازيده على ردّ السلام=على السلام امفصّلينه مثل تفصال الهدوم
المحترم يفرض على كل الرجال الاحترام=ترى ماضاع الا مضيّعت العوايد والسلوم
زعم

دام البقى والحق مثل النور جـلاي الظـلام=والطيبه تبدي مثل مبدا الجدي بين النجـوم
محدن ملحّق راعي الفزعه على الفزعه ملام=واللي تعشى له بصل يفطر على فصّين ثوم
برج

الرجل اذا ماصار له بين العرب قدر و مقام=ما احد ٍ بسامع هرجته لو انّه ايطيح ويقوم
جدّي وجدّك نشّفوا ريق السدارى والامـام=يوم ان جدّ اللاش قاعد عند رادعت الوشوم
زعم

الطيب فعلـه فالرجـال الطيبـه يبقـى دوام=واللاش لو سويت ماسويت من طيب.. معدوم
مافيه شكٍ فالرجال اللي على وسـق السنـام=والله قسم والله عطى والناس معطى ومحروم
برج

حي الله اللي لا ضرب ضربه مثل ضرب الحسام=عسى فدا ماطى قدم رجلـه ردّييـن العـزوم
اللي بنى له ياعريب الجد قصر ٍ مـن رخـام=ماتلعب الفيران في ساسه ولاهـوب مهـدوم
زعم


يابرج مانرجي من العالم شراب ولا طعام=انفوسنا ويديننا دايم عن الهزلـه تشـوم
واللي تعزوا لجل يكسب ود مردوع الوشام=لاثارت الهيجا ..مع الرعيان يقعد ومخدوم
برج

الطيّب اعطه حقّه و خلّه محـط الاهتمـام=والا الردي ماهوب قاضي لازمه عند اللزوم
انا بعد ما شفت في شخصيّة الوقت انفصام=عرفت ليش رخوم خلق الله يضدّون القروم


ودمتووو بخير

[نجاء بن محمد الجبيري]

محمد السحيل


سلام الله سلام ٍ يضهر الصاحي من المجنون=سلام الله وكلن جمرته في راس غليونه

تقدم يا نجا والباب الأقصى فوقه الكيلون=مدام أنك تصلي سنة ٍ ماهيب مسنونه



نجاء بن محمد الجبيري




الا يا مرحبا مليون وتقفاها بعد مليون=بمن نادا لنا بالصوت والعربان يوحونه



انا ادري وانت تدري والعرب يا صاحبي يدرون=بدون الفرض ما تقبل سننكم لو تصلونه



محمد السحيل




يدوم الك البقى ياللي تغني للعباد الحون=وهذيه تراها سلم للطيب ومسنونه


بعد ركبت ضرس العقل يا الصاحب وطقم اسنونت=وقع لا تقص الراس يالطيب عن امتونه




نجاء بن محمد الجبيري


انا احب اتقهوى دلتن محموستن بلهون=ولا احب الدلال اللي تجي من السوق مطحونه

وانا عندي خبر يا صاحبي بعض العرب يصحون=ليا شافوا نذير الموت إلاما لد بعيونه


محمد السحيل


تبى تشرب زلال السم من ضرب القنى المسنون=بعد جاك البرد والصاقعه والغيث مقرونه


انا بنشدك عن حكم والوفاه اللي سبب مبطون=تعين فالبخاري دام كل الناس يطرونه




نجاء ن محمد الجبيري


انا الاعب بنات الفكر مثل ملاعب المزيون=اناديها وتناديني وهي بالحيل مفتونه


انا يا محمد كحل العيون إليا ارمدت لعيون=اداويها بشي يا محمد ما تشوفونه




محمد السحيل



عسى الله يجمع الصاحب بعد فرقه مع المضنون=وحب البر ما ضر الرحاه ابلمح مسحونه


يقال أم الكباير فوق راسك تبرم الحاجون=ولابه من ذكر صاحي يخاوي ركب مجنونه



نجاء بن محمد الجبيري



تبا تدرون وإلا يا محمد ما تبا تدرون=ترا ام الكباير عندنا في القيد مسجونه


انا اضنك تبا ترقد وحالك يا ولد مغبون=علومن يا صحيبي جاتكم بالحيل مضمونه


محمد السحيل



انا با كرتنك يا صاحبي في داخل الكرتون=وفي عرض البحر باطش ابو تركي بكرتونه


انا ضني بعد كثرت حلومك نمت يا مفتون=فمان الله نبيها تنتهي بالطيب مدهونه



نجاء بن محمد الجبيري



حلفت ايمان يا محمد لونه ايكون مهما يكون=ما خلي ياولد ليلي تقافا دونه اضعونه


ترا كم من قتيلن يا محمد في الثرا مدفون=حنوطك مع كفنك مجهزه والقبر يبنونه



محمد السحيل


ليا شدو نجوع البدو خالف للضعون اضعون=ودنيا وقتنا التالي ترى ماهيب مأمونه


انا ما أظلم ولا حب الضليمه واحمد الممنون=ولا أجز الحسنه بسيه وهذا العلم تدرونه



نجاء بن محمد الجبيري


ولايا محمد ابن اسحيل يا راعي الوفا مصيون=من الزلات يا راعي الوفا وابليس ملعونه

تمس الله يمسيكم على خير معه تلفون=على جنات رب البيت والاحباب يمسونه