تسجيل الدخول

مشاهدة النسخة كاملة : ابو فهد 00


محمد فراج الدوسري
18-12-2005, 11:40 AM
ابو فهد عدى بروس المراقيب
=من مبطيٍ ماهوب توّه رقابه
من عصر ابوه وجد جده معاطيب
=فروخٍ نداويه فهودٍ ذيابه
اهل الوفا والطيب وهل المواجيب
=شيوخٍ لهم في هامة المجد لابه
واخص منهم راس عطب المضاريب
=شيخٍ له العليا وقدر ومهابه
سبعٍ ولد سبعٍ وذيبٍ ولد ذيب
=ماحدٍ تهقوابه ولا حدٍ هقابه
بوقت الرخا ابشر بطيب المشاريب
=واما الشدايد ضلعنا والذرا به
ماهو من ابطال الخدج والانابيب
=الي اليا احتكت تجلى سرابه
بطينيٍ يقلب متى شاء ويغيب
=لامن حضر او غاب ماحدٍ درابه
بو فهد لاغاب جتك المناديب
=تسئل عسى ماشر 00مطوّل غيابه
والله لو تسئل يمينه عن الطيب
=تقول ان الطيب حضرة جنابه
تقول نبع الجود يعبا من الشيب
=تقول انه والشهامه نسابه
تقول انه والشجاعه معازيب
=تقول انه سيف كسّر انصابه
تكسرت واسال وانا عنّه اجيب
=الاسئله ماتكترث بالاجابه
زبن بن عمير
18-12-2005, 12:22 PM
كفو كفو صح لسانك
أبوعبدالرحمن
18-12-2005, 12:40 PM
تقول نبع الجود يعبـا مـن الشيـب
تقـول انـه والشهامـه نسابـه



صح لساانك يابوفراج


وسلمت اناملك يالجزل


تحيتي لك
ليــن القســا
18-12-2005, 10:04 PM
سبعٍ ولد سبـعٍ وذيـبٍ ولـد ذيـب
ماحدٍ تهقوابـه ولا حـدٍ هقابـه
بوقت الرخا ابشر بطيب المشاريـب
واما الشدايد ضلعنا والـذرا بـه
ماهو من ابطال الخـدج والانابيـب
الي اليا احتكـت تجلـى سرابـه
رائع منك هذا المدح ...
وهذا التجلي في الصفات النادرة ...
دام لك... ودمت له ..و للحروف العذبة ...
مبارك الكربي
18-12-2005, 10:19 PM
صح لسانك
ولاهنت يانسل لجواد ======ودمت بخير

مبارك الكربي
مهدي بن مسفر الحبابي
18-12-2005, 10:37 PM
أخوي محمد فراج الدوسري



صـح لسااانك وسلم قلبك وفكرك



قصيده جزله من شاااعر جزل



رايـعه بروعـة حضورك يابو فراج



لـك فاااائق احـتـرامي وتـقديري
ديمة الشوق
18-12-2005, 10:46 PM
السلام عليكم


اخى محمد فراج الدوسري


صح لساانك ولاهنت


اختك ديمة الشوق
عبدالله محمد
19-12-2005, 12:56 AM
أخوي الغالي والعزيز / محمد فراج الدوسري
صــــــح لســــــــانــــــــك
ولا هنــــــــــت
أبدعت فأمتعت
قصيده رائعه
والله يعطيك الف عافيه
تقبل خالص تحياتي ،،،،،،،،،
أخوك: عبدالله محمد
ابن الشيووووووخ
19-12-2005, 03:54 AM
أخوي محمد فراج الدوسري



صـح لسااانك وسلم قلبك وفكرك



قصيده جزله من شاااعر جزل



رايـعه بروعـة حضورك يابو فراج



لـك فاااائق احـتـرامي وتـقديري



صح لسانك

تحياتي
سلطـان
19-12-2005, 07:17 AM
الله ,, صح لساااااااا نك
سعدالجميلي
19-12-2005, 12:53 PM
والله وعشرة انعام بكم جميعا

وقصيدة موقف معبره
خــــالـــــد
19-12-2005, 02:22 PM
محمد فراج الدوسري

.
.

صح لساانك وقلبــك يالغــالي

مبدع
جزل
مميز

كما عهدنــاك..

سلمت أنااملك ..

ننتظر جديدك




أخوكـ/خالد