النادي يبغا له تنظيف

[النصرالعالمي]

في مواضيعي السابقه كنت اتحفظ من انتقاد اللعيبه لكن طفح الكيل ، فيه في النادي لعيبه مستواهم وصل لدرجة الانحطاط ، من يوم ما عرفت هاللعيبه الى الآن ما تطورو و هذا مؤشر انهم لن يتطورون .. يعني هذي اماكنياتهم :
خالد الزيلعي : يا جماعه هذا اللاعب مفلس فنياً و فكرياً من يوم ما عرفته ... لاعب امكانياته متواضعه ولا راح يتطور ... لا تقول لي نخليه احتياط .. هذا خارج اسوار النادي
عبدالرحمن القحطاني : لاعب منتهي الصلاحيه ... خارج اسوار النادي
عبده برناوي : سمين ثقيل لا يجيد التمركز و بالعربي شاااارع .. عيب نلوم ماتورانا على ضعف الدفاع وهو عنده مدافع اسمه برناوي
عمر هوساوي : اخطاءه قاتله تدل على سوء تأسيس و انعدام فكر .. اااوت
خالد عزيز و السعران : هالثنين من يوم ما جبناهم ما استفدنا منهم ... يعني جالسين في النادي عالفاضي سلبيين ما منهم اي فائده .
السهلاوي : مكانه الدكه .. السهلاوي هوايته قتل الهجمه و حنا عطيناه اكبر من حجمه ... هو كبيديل اتوقع راح يكون جيد

^
ضف على ذلك قلة المواهب في الفئات السنيه ، اعرف كثير بيجون يقولون عطهم فرصه و يبدعون ، يا حبيبي الموهوب يفرض نفسه .. اعطيكم مثال بسيط ، لو عبد العزيز الدوسري او يحيى الشهري او حمد الحمد او عبدالرحيم الجيزاوي كانت بدايتهم مع النصر و تدرجو من الفئات السنيه للنصر هل بيجلسون في الاولومبي لفتره طويله ؟ لا طبعاً.. لكن انت ما عندك في الفئات السنيه مواهب تعادل الاسماء المذكوره ...

مستوانا تحسن هالموسم لأن كان فيه اسماء جيده في التشكيل الاساسي .. لكن بمجرد اصابة حسني .. وعوض خميس (اللي كان بديل ثابت ) اضطريت انك تعتمد على الزيلعي و القحطاني .. مع عدم وجود مواهب يعتمد عليهم في الاولومبي .. تلخبطت اوراقك ... انهزمت .. وجاي الحين تبي تقيل المدرب .. و بترجع لدوامة البحث عن الاستقرار و بترجع للصفر ... الصفر اللي لك اكثر من 13 سنه و انت قاعد جمبه ...