من أجمل قصائدي .. لاتنسوا التعليق عليها

[أسواق]

أترككم مع القصيدة،،،
......................

شوف وش سوا غيابك بس يوم
والله إن اليوم ذا كنه شهر

العيون وحالفه ماهي تنوم
كنها خاوت بغيبتك السهر

وإن غفيت شوي زارتني حلوم
أفتزع وأبوح بإسمك في جهر

وأنا أخاف من العواذل والسلوم
لأنفضح سري وسرك وانشهر

آه ليت القرب يشرى من يلوم
من لهيب البعد صاله وادهر

ناس عندي قربهم ماله لزوم
ومن هويته مبعد ٍ عني قهر

والعرب قالوا ترى طب الهموم
شوفة المزيون والماء والزهر

وفي وجودك جعلني منها امحروم
ما أبي عقبك ربيع ولا نهر

واهني اللي حظوظه به تقوم
يهتني بك يالغلا طول الدهر

لو يسوق المال في قربك رزوم
ماغلت في حق من مثلك مهر

عقبكم زين النسا صار امعدوم
وكل عيب ٍ في حلا زينه ظهر

ومن معاه البدر وش له بالنجوم
لو بريق الوانها يسطع ظهر
.......................

شاعركم / مرهف الإحساس (هـ . ع)
14/10/1433هـ