المساعد الشخصي الرقمي

مشاهدة النسخة كاملة : ( ياسلام الله سلامٍ طيبٍ نبدابه << وانتشرف والكلام الزين سعره غالي )


عايد السميري
14-12-2005, 11:03 PM
السلام عليكم ورحمة الله وبركاته
بدايه
ومشاركه اولى
بهذا الصرح الشامخ
واتشرف بمن يلعب معي

ياسلام الله سلامٍ طيبٍ نبدابه =
وانتشرف والكلام الزين سعره غالي
الرعد يرعد وشيخ القوم وسط الغابه =
من معه علم وخبر يرسل على جوالي
محمد السليس
15-12-2005, 12:26 AM
عليكم السلام والرحمه يااعاايد

وابرك الساعات انظماامك

واتشرف بمحاورتك لكى استفيد واتعلم يالقرم

واستلم لاهنت


مرحبا ترحيبة الطيب بأعز اصحــابه = بالسميري طيب المنسب عريب الخالي
اقنب اقنب وانت ذيب وجيت عند ذيابه = ياعساك تصير الاول ماتصير التالي
سعودعبدالله
15-12-2005, 12:31 AM
الله الله

من البدايه جزاله في جزاله

صحت السنتكم

متابع للجزاله
بعيد المراميس
15-12-2005, 12:32 AM
ياسلاااااام على المبدأ الكايف يالسميري كلااام كبير من شاعر كبير لاعدمناك

وصح لسانك يابو على على هذا الرد الكايف الكايف

مرحبا ترحيبة الطيب بأعز اصحابه
بالسميري طيب المنسب عريب الخالي
اقنب اقنب وانت ذيب وجيت عند ذيابه
ياعساك تصير الاول ماتصير التالي


الله الله

متابع وفي صفك يابو علي
محمد السليس
15-12-2005, 12:36 AM
لاهنت يا ابو عبدالله

ومااعليك زود

والف حمدالله على السلامه

سلمت ولاهنت يا ابو جسار

وصح بدنك

والعين ماتعلى على الحاجب طال عمرك

وحياكم الله ولاهنتوو
عايد السميري
15-12-2005, 01:27 AM
الله يبارك بك
ياخوي

وبالنسبه للفائده يعلم الله اني انا المستفيد بالعب معك لكونك
استاذ
وانا تلميذ
واستلم لا هنت يالقرم

البقـــاء ياصاحـــبٍ غالي وربي جــابه =
شــــوفته مكـــسب وعلـــمه مـــــثل راس المالي

يامــحــمد كل حـــرٍ عـــزه ابمــــخلابه =
وانت لا تخـــلط مـــرار الحنـــظله بالحالي
عايد السميري
15-12-2005, 01:34 AM
سعود عبدالله ..
هلا وغلا وحضورك هنا تشريف
ومرورك مكسب طال عمرك

______________
زعم الغنامي
هلا بك تشرفنا بوجودك ومتابعتك
شكراً لكم
وياهلا
محمد السليس
15-12-2005, 01:40 AM
ماعليك زود فيما قلت

والشك زايل يالامير

واستلم لاهنت


بالوفا والطيب تلقا الرد بعد الجابه =مانطفف كيلة الوزنه على المكيــالي
مار ماشفنا على ظهر الذلول جلابه = تنشري بجنيه والا تنشري بريــالي
عايد السميري
15-12-2005, 02:03 AM
دايم العجلان مع درب الغوى يساربه =
والدّلي يقـل ماها لصفـقـت بالجالي

ابو زيد اخــر زمــانه ليه قــص اشنابه =
والمصيبه يامحمد كان عقلك سالي
محمد السليس
15-12-2005, 02:36 AM
من يشب النار لازم ينتبـــه لثيابه = قدم لاياكل طرف ثوبه لهيب الصالي
انت لو زكيت نفسك قلت وش زكابه = مار لاتقعد حبالك تلتوى فحبــــــــالي
عايد السميري
15-12-2005, 03:19 AM
المصاب اليا نصحنا نتعــض من مابه =
وانت من هرجك تبين لي او ايورالي

بالتشهد ترفع الخـنصر او الســبابه =
روح ياعبد المجيد وقل لعبد العالي
محمد السليس
15-12-2005, 03:30 AM
المريض اليا ألتوى لحيــــــــــه تشــد اعصـــابه = وانت قمت تجيبها مسحوب في موالي
قبل ما سلًط كروز يفجــــــــــر الدبـــابـــه = اطلب الله في سمــاه يجمل الاحــــــوالي
عايد السميري
16-12-2005, 05:20 PM
استاذي العزيز

محمد السليس

بيض الله وجهك

وتشرفنا باللعب معك يالذيب

والف شكر لكلمن حضر معنا

والى لقاء اخر انشاء الله

تقبل
احترام وتقدير اخوك

عايد السميري
محمد السليس
17-12-2005, 01:20 AM
اخىواستاذي عاايد

المكسب والله لى وانا اخوك

والشرف لى طال عمرك

صح لساانك وبيض الله وجهك ولاهنت

والف شكر على كل من مر وحضر
نايفة شمر
17-12-2005, 08:29 PM
صحت السنتكم مليوون ولا يكفون ومرحبا بعايد وبقصيده


نايفة