نقاط مهمة وسريعة للمباراة *‘* عاجل **

[النصرالعالمي]

كل عام وانتوا بخير


اولا مستوى فني يرفع الراس ما قصروا الشباب
ويعطيهم الف عافية ومن افضل لأفضل



ثانيا جمهور يزعل بصراحة ما ادري ليش غايبين
عن المباراة لكن الغايب عذره معه


ثالثا والاهم فريق هجومه نار ووسط ولا اروع
واضهره عالميين ( فصيل بن تركي نفض الفريق)
وخلاه للأحسن بس بالله عبدو برناوي وش باقي يسوي في الفريق

يا اخي لاعب فقير فنيا
لا احد يقول بدو في الانتقاد والتحطيم
اذا نبي دوري نصلح اخطائنا من بدري

نجي نشوف مقومات قلب الدفاع
اولا اللياقه : بصراحه لاعب دورت اللياقه فيه لكن ما حصلت

ثانيا التغطيه الجيده : التغطية معدومه عنده شفنا نايف هزازي
كيف عدا بسهوله منه وياما شفنا اللي يعدون

ثالثا السرعه : لاعب ما عنده لياقه كيف يكون سريع!!

رابعا الكرات العرضية : بصراحه هذي هي اكبر عيوبه

خامسا الجدية في اللعب : بس هو يحب يتفلسف

_______________________


في الاحتياط عندنا جمعان الدوسري عبدالمحسن عسيري عمر هوساوي

اعطوهم فرصة لشوط واحد اقل شيء ندور افضل من عبده

_______________

اخيرا اتمنى تعذروني كتبت الموضوع بعد الهزيمة يعني
الاعصاب مشدوده شوي


واتمنى ان ارى هذا الخبر

عاجل: ادارة النصر تجري مخالصه ماليه مع اللاعب عبده برناوي


وخلنا نشوف اذا احد فكر يتعاقد معه




كل عام وانتوا بخير