المساعد الشخصي الرقمي

مشاهدة النسخة كاملة : إنكســـار الدمــــوع


منصور مسعود اليامي
30-11-2005, 03:26 AM
<¤[[ إنكسار الدموع ]]¤>
واعيني اللي براها الشوق واتعبها ..
ماعاد للنوم في ساحاتها خانة ..
أشباح ليل السهاد البيض ترعبها ..
وترد عن نومها مزلاج بيبانه ..
طعنة رماح المساء تغتال مطلبها ..
باحلام رجوى المنام لعين سهرانة ..
تسهر وكن الظلام امسى يخاطبها ..
ويقول: مافيه نوم بعظمة لسانه ..
فاضت عيون السهر من فوق حاجبها ..
تروي ضما ليلها بدموع ضميانة ..
هذا بعض ماجرالي من سبايبها ..
والخافي اعظم والاعظم منه كتمانه ..
من يوم غابت عن الساحل مراكبها ..
وامواج بحر الهوى تغرق بطوفانه ..
شدت مظاعينها ،،، واقفت ركايبها ..
مع صوتها والخريف اهتزت اغصانه ..
وزمت حمول الليالي فوق غاربها ..
وابعاد حزني ، مداها ضاقت اركانه ..
صبح <انكسار الدموع> الزرق واكبها ..
يقطف زهور الربيع ، ويطفي الوانه ..
قولوا: لها اني بعدها صرت مخربها ..
مافيه شي يستحق احيا على شانه ..
غابت وشابت رموش عيون غايبها ..
والنفس مستسلمة للجوع والهانة ..
حديت نفسي على اللي مايناسبها ..
وصبري تعدى الحدود ومال ميزانه ..
واذني نست صوتها اللي كان يطربها ..
لا والله الا عليها صعب نسيانه ..
عشرين يوم ارقب الميعاد وارقبها ..
من مطلع الليل لآخر شمس ولهانة ..
وآعد من بعدها الايام واحسبها ..
والمنتظر طال صبره ما انقضى شانه ..
ياكبر منزالها في قلب صاحبها ..
تسري مع الدم وسط عروق شريانه ..
الروح تحتاجها ،، والنفس ترغبها ..
والقلب يعزف لها قيثارة الحانه ..
فيها كتبت القصيد وفيه ابكتبها ..
باحساس شاعر ملت بالعشق وجدانه ..
قولوا: لها مشرق الدنيا ومغربها ..
خالف ضلوع الزمان وضاقت اركانه ..
شفت بحياة الشقا ثامن عجايبها ..
وعودي نحل وانتحل شخصية احزانه ..
غربة شمال الوطن هبت هبايبها ..
على الغريب الحزين وضاع عنوانه ..
رح ،، ياقصيدي لها تكفا وعاتبها ..
باسمي وباسم الشمال وباسم بدوانه ..
وقل: عيني اللي براها الشوق واتعبها ..
ماعاد للنوم في ساحاتها خانة .. !؟
وسلامتكم ،،،
الشاعر/ معــدي المرقـاب ,,
الرياض[/size]
سلطان بن فيحان
30-11-2005, 03:57 AM
يامعدي المرقاب والله انها الماسه وصح لسانك وقلبك وكلك على بعضك مبدع حياك الله وتشرفت باني اول من رد عليها لاهنت وبنتظار الاجمل يامعدي المرقاااااااااااااااااااا اب تقبل تحيتي واعجابي بقصيتك

شـــــاعر الصمت ,,,,,,,,,,,,سلطــــان بن فيحـــــــــان
فيصل بن بدر العتيبي
30-11-2005, 04:16 AM
صح لساااااااااااااانك وسلم بنانك

اخوي معدي المرقاب

حضور قوي منذ البداية

يجبرني على انتظار القادم بلهفة
عبدالرحمن بن صباح الفاضل
30-11-2005, 04:19 AM
سطان الشعر
يامعدي المرقاب

















صح لسانك


























جميل بما تعني وتحمل هذه الكلمه من معنى




































تقبل تحايا اخوك عبدالرحمن
محمد السليس
30-11-2005, 05:17 AM
يامعدي المرقاب والله انها الماسه وصح لسانك يالقرم

ولكن النشر في غرابيل بالاسم الصريح

وهذا طلب منك ياطويل العمر وان شاء الله ماتردنا فيه
أبوعبدالرحمن
07-12-2005, 10:25 PM
منصور بن مسعود


حياللك الله اخوي في غرابيل

وصح لسانك يالغالي

مصافحة أولى من شاعر سيمتعنا بقلمه بكل تاكيد


ننتظر جديدك

تحيتي لك
سلطان بن غتران
07-12-2005, 11:21 PM
منصور بن مسعود اليامي ابو حمد :mf_popean شعرجميل لايصدر الا من شاعر كبير اتمنى لك التوفيق











اذكرك بالمساجله التي دارت بيننا والتي بداتها بالبيت التالي

يابو حمد قلبي من الغيد تعبان + ياما نصحته من طرد الهوا ويعصاني
يابوحمد ياما حلف بعهود وايمان +وينقض عهوده لشاف زولن معشراني

الخ0000الخ
فواز الغنامي
07-12-2005, 11:30 PM
الله الله الله عليك
يابوي هذا القصيد والا بلاااااش
انعشتنا الله ينعشك
ايوالله جزل ياليامي
وكل بيت يدحم الثاني صح لسانك يالجزل
سجل اعجابي بقوه

هذا بعض ماجرالي من سبايبها ..
،،،،،،،،،،،،،،،،،،والخافي اعظم والاعظم منه كتمانه

رح الله يستر عليك والا انا ابي اقعد امخمخ عليهااااا

تحياتي لك
خــــالـــــد
08-12-2005, 01:51 AM
منصور اليامي
.
.

صــح لـســــــانك وقلبك ..

راائعة من رووائعك

تسلم يالغالي

ولا تحرمنا من جديدك




أخوكـ/خالد
مشعل ابن سعود
08-12-2005, 02:01 AM
**

الرائع منصور

صح السانك ،، وسلم بنانك

اهلاً حتى الرضى

ننتظر جديدك

دمت بخير ،،



مشعل بن سعود
.
.
محمد السليس
08-12-2005, 02:05 AM
ابوو مسعوود لله درك

صح لسانك ملياااااااااااار

ويسلم راسك يالذيب

دمت ودام ابداعك يابعدي

تقبل مني خالص التقدير والاحترام
منصور مسعود اليامي
08-12-2005, 04:23 AM
محمد السليس
صح الله بدنك مليار مثني
راسك السالم
وجعلك ذخر

منصور اليامي / معدي المرقاب
منصور مسعود اليامي
08-12-2005, 04:31 AM
أخي العزيز / مشعل ابن سعود
شكراً لك على كل كلمة قمت بإدراجها معلقاً على قصيدتي
فأنت المبدع وأنت الأقوى على كل حال
ولا خلا ولا عدم


منصـــــــــــــــــــــو ر اليامــــــــــــــــــــ ي
معـــــــــــــــــــــــ ـدي المرقــــــــــــــــــــ ـــــــاب
راحلة بسكـ ـ ـ ـ ـ ـات
08-12-2005, 05:12 AM
والنفس مستسلمة للجوع والهانة ..
حديت نفسي على اللي مايناسبها ..


المبدع الشاعر /منصور اليامي ،،،

ٍِ

ٍِ


مايكتب بصدق .... يصل للقلب ...برفق


سلم قلمك على ماأبدعتنااااا به

ودمتَ ضيااااااااء الشعــــــــر

أختــــــــــــــــــــك

الراحلة بسكــــــــــاااات
حمد الشدادي
08-12-2005, 06:17 AM
معدي المرقاااب

ياخي مدري ايش اكتب عشان تعرف اني انهبلت عليها


ياخي درة ثمينه تستحق الاحتفاء



يا عسى الله لا يحرمنا هطولكـ العذب



دام نقاؤكـ .
GaLaXi
08-12-2005, 07:42 AM
والله رااااااااااااااااااااائع




من جد رااااااااااااااااااائع
عبدالله محمد
08-12-2005, 12:50 PM
أخوي الغالي والعزيز / منصور مسعود اليامي
صـــــــح لســـــانــــك
ولا هنــــــــــت
وأهلا وسهلا فيك بين أخوانك الشعراء وأخواتك الشاعرات ونوررررررررررررررت المنتدى
قلوبنا رحبت بك قبل أن ترحب بك السنتنا
سعدنا كثيرا وكثيرا بإنظمامك معنا
وسعدنا بمشاركتك يالغالي
والله يعطيك الف عافيه على هالقصيده الرائعه وإلي أستمتعنا معها كثيرا وكثيرا
وبكل شوق ننتظر إبداعك القادم
تقبل خالص تحياتي ،،،،،،،،،،
أخوك: عبدالله محمد
مشاعر حالمه
08-12-2005, 01:51 PM
منصور اليامي ..


صح لسانك مليووون ولايسدووون ...لاهنت والله ..



تحيتي لك / مشاعر حالمه ...