ارفع بصوتي يرجع الصوت مخنوق

[تاجر مواشي]

اغنام - ابل - دواجن - طيور

مادامها صارت مشاريـه وحقـوق
باحاسبك يا وقـت باللـي فعلتـه

اطارد الدنيا على مركـب الشـوق
حلمٍ عثـر فينـي وحلـمٍ وصلتـه

ارفع بصوتي يرجع الصوت مخنوق
ماخفت من بعض الحكي لين قلتـه

يوم المعاتب بين عاشق ومعشـوق
ما مرني عـذر الحبيـب وخذلتـه

والهاجس اللي صار لي سبه وعوق
جاني جوابـه ليتنـي مـا سألتـه

كان القصايد طايحه مالهـا سـوق
مارحت افتش عـن كـلامٍ جهلتـه

اما يجي شعري بالاحساس مسبوق
والا هذاك البـاب قمـت وقفلتـه

المسأله قبل الشعـر مسألـة ذوق
واللي عزلني عن طريقـه عزلتـه

الطير يغريه الفضا لاشلـع فـوق
وانا عزاي الـوادي اللـي نزلتـه