قالو لي اسم النايفة مشهور يالله نطلبه

[الأصـــــيلة]

سلام من راس الأصيلة شاعرة ومعربه= واليا لقيتو شاعرة تطلع وبسمع ردها
قالو لي اسم النايفة مشهور يالله نطلبه= وحدي هنا والنايفه من عندها وش عندها

[محمد السليس]

الاصيله المحاوره للشااعراات


بعد عشر قصاايد على الاقل

وفي انتظاارك

[نايفة شمر]

الاصيله المحاوره للشااعراات


بعد عشر قصاايد على الاقل

وفي انتظاارك


حياك الله اختي والله يشهرنا بخير

واستلمي ردي وبعد عشر قصايد بستمر معك حسب تعليمات المنتدى



دام البقا يا شاعره والكل شاف معزبه = لكن حصاة رزاح من هو اللي اختبى في سدها
جتنا الاصيلة تعتزي ووخيها فل شنبه = والنايفه بلحالها في الملعبة من قدها

نايفة

[عريمان السبيعي]

الله بكل صراحة بيت منتاز بالحيل

جتنا الاصيلة تعتـزي ووخيهـا فـل شنبـه
والنايفه بلحالها فـي الملعبـة مـن قدهـا

كفو كفو كفو

والله شي لامسكت الصف واللي على المقرفون الأصيلة والنايفة من غير قصور
لكن أول مرة تحصل

تحاياي

[محمد الجبريني]

حياك الله اختي والله يشهرنا بخير

واستلمي ردي وبعد عشر قصايد بستمر معك حسب تعليمات المنتدى



دام البقا يا شاعره والكل شاف معزبه = لكن حصاة رزاح من هو اللي اختبى في سدها
جتنا الاصيلة تعتزي ووخيها فل شنبه = والنايفه بلحالها في الملعبة من قدها

نايفة





جتنا الاصيله تعتزي ووخيها فل اشنبه = والنايفه بلحالها فى الملعبه من قدها

[محمد الجبريني]

الاصيله قاف كايف
وراه شاااااعره ماهي بسيطه انتبهن ياااااشاعرات

ماش الله هذي وهي اول مشاركه وشلون معدين

تسلمين يالاصيله وانا من المشجعين وفى صفك دام هذى قافك

[حمد الشدادي]

لكن حصاة رزاح من هو اللي اختبى في سدها

ههههههههههههههههههههههه

قويه قويه قويه

والاقوى شرط العشر قصايد


ههههههههههههههههههههههههه هه


الناااايفه القوة .

[حسن القحطاني]

\
/
\

الله يعطيكم العافية ،

ويسلمون الشاعرتين القديرتين ،

الأصيلة : طاروق رااائع ،
النايفة : مُداخلة رااائعة ،

\
/
\

ولي ملاحظة حول العشر قصائد ،
فياليت يُلغى هالشرط عشان نستمتع بهالمحاورة ،
فمن المؤكد أنها ستكون مُدهشه بشكل ٍ كبير ،

مع تحياتي وتقديري للجميع ،

[أبوعبدالرحمن]

الأصيلة

بداية تدل على شاعرة متمكنة

واتمنى ان نرى لك مشاركات في الشعر النبطي

أو تضعي لنا روابط لمنتديات انتي مشتركه بها بنفس الأسم



**

النايفة

صح لسانك

والحمد لله على السلامة اختي

وماجورين والله يعوض عليكم بخير

[مازن]

جتنا الاصيلة تعتزي ووخيها فل شنبه = والنايفه بلحالها في الملعبة من قدها[/poem]



وااااااااااو

<<<يصفرر


روعه روعه يالنايفة والله صح لساانك

[مهدي بن مسفر الحبابي]

أختي الأصيله

ارحبي وحياك الله بين أخوانك وخواتك في هذا الصرح الشامخ منتديات غرابيل

صح لسانك بداية قويه وبالتوفيق

لك فاااائق احـتـرامي

[مهدي بن مسفر الحبابي]

نايفة شمر

الحمد لله على السلامه


رد جزل ورايع وقوي من شاعره متمكنه


تسلمين على الـرد وانا متابع وفي صفك يا النايفه



لك فاااائق احترامي وتقديري

[خــــالـــــد]

الله الله من زمان عن نايفة شمّر ..

متاابعين لكم ..

بالتوفيق

وشكراً للأصيلة وحياها الله

[بعيد المراميس]

هههههههههههه الله الله


كلااااااام كبير

والشرط كبير ومفحم بعد

وبأنتظار مشاركات الاصيله

[سعودعبدالله]

الله الله

محاوره غير وشاعرات غير

لاهنتن

في صف الزعيمه الى اشعاااا ر اخر

وفي انتضار الاصيله

[فواز الغنامي]

ورا ماخليتوها دامهي حاميه
اليا انلدت ماعد تصلح
وبعدين حطو شروط الله يسلحكم وثبتوهاااا

النايفه ×الاصيله

ننتظر
تحياتي

[ليــن القســا]

الأصيلة ...ثقة متناهية تلك التي دعتك ...لنايفة شمر
نرجو أن نعرف تلك الشخصية عن قرب ...!!

نايفة شمر ...عودا حميدا عزيزتي... ومعوضين خير ...