اللي يجي يجي

[فواز الغنامي]

السلام عليكم

شاعر صغير يبي يلعب معكم محاورة ممكن


اببتدي باسم الله الرحمن واقفيه السلام = واللي يرده لايرد الا مثل رد الملك
من يوم طبيت الملاعب في سعه ملقى زحام = واليا تصادم معي شاعر ياتكسر ياهلك

[محمد السليس]

عليكم السلام

واتشرف بالرد



في المبتدا يامرحبا والنور جلاي الظلام = والليل سارى والنجوم النيره وسط الفلك
اختر حد الدربين وافرق فالحلال وفالحرام = والله جعل نورالضحا فلاج لليل الحلك

[نايفة شمر]

وانا اتشرف بالمتابعة

[فواز الغنامي]

مرحبااااااااااااااا يالسليس

والله يشرف مقدارك

استلم لاهنت


ابختصر لك وش ابي ماودي اكثر فالكلام=وان كان ماجاوبتني ليتك تروّح لهلك
يافكرتي في منتداكم تعتليه ام الزمام= وانته مع الشعار مدري وش علاك ويش الك

[فواز الغنامي]

نايفة شمر هلابك والله يشرف مقدارك
ومتابعتك شرف لنا

[محمد السليس]

الله لايهينك

واستلم لاهنت



ابشر برد العلم ياللى شلت هم ام الوشام = ياشاعر ٍ والله معرف تاليتــــــك من اولك
بعض العذارى تذبح الريجيل لاثار العسام = والبنت هاذي لازغرك ابليس يمكن تقتلك

[محمد السليس]

نايفة شمر هلابك والله يشرف مقدارك

ولاهان راسك وساسك

[أبوعبدالرحمن]

صحت قلوووبكم

وبدايه قوية وسهرة غيررر معكم الليلة

[فواز الغنامي]

السليس
استلم لاهنت


اثرك كبدك داميه واثرك تبغا الانتقام = لكن قدمك باب يارجال لو يفتح يلك
تلعبك الارياح ويتلتلك قلبك للغرام = معاد تجلس ماتحصل ليلةٍ في منزلك

[محمد السليس]

لاهان راسك وساسك يالقرم

استلم لاهنت


الله واعلم بالكبود المد ميــــات من الحيــام = هاذا الصحيح ولازعلت اضرب براسك فالبلك
الا انت يافواز وش وسمك على ناب السنام = قبيلتك وشهى ..بلا كثر الدوادى والكــــلــك

[أبوعبدالرحمن]

هههههههههههههههههههههه

قلت لكم سهرة غيرر الليلة

بس ارفعوها شوي


صحت القلوب

[عريمان السبيعي]

الله الله
لاهنتوا ياجماعة
وأنا تراني في صف ابن سليس من غير
قصور فيك يافواز

تحاياي

[محمد الجبريني]

الله الله الله وش اهاذي المحاوره ماشاالله

محمد السليس تعجبني وووووووووووواللله


الا انت يافواز وش اسمك على ناب السنام = قبيلتك وشي بل كثر الدوادي والكلك

[فواز الغنامي]

هلابكم ياللي مريتوا ومراحب فيكم

انتم مع السليس وانا معي الله



السليس استلم لاهنت


احذر وحاذر لاتعديها حدود الاحترام = كب التسرع عنك خلك ماشيٍ على مهلك
ماضعت بين ابوين وانت من الندم عض البهام = تمشي على دربين ماضنيت واحد ينسلك

[أبوعبدالرحمن]

صح لساانك يا فواز

ومازلت متابع وفي صفك

[محمد السليس]

الصف واحد ياافوااز

واستلم لاهنت



ياللى على راسك تجيب المشكله والاتهام = ردد معاي الاغنيه ياليل والله مطولك
ترى التخبي للبنات ام الازمه والنعام = معك العتيبي ..وانت قول اصلك لــكان يجملك

[محمد السليس]

ابو عبدالرحمن
هلا والله ومرحباا اينما كنت

عريماان هلاااااااا والله

هههههههههههههههه حلوه سالفة الصفير

ولاخلا ولاعدم

محمد الجبريني

اعجاابك نومااس والله

ولاهان راسك وساسك

[فواز الغنامي]

استلم لاهنت



انت تعرف عيال نوح اثنين والثالث حمام = هذه علمٍ يامحمد ماتوقع يجهلك
العسكري مهما ترقا فــ ستلام من ستلام = وانته وش اللي تخسره لاصار ما شي تمتلك

[أبوعبدالرحمن]

صحت قلووبكم

واجبرتوني اتابعكم

[محمد السليس]

صح لساانك ولاهنت ياافوااز

تشرفت وتنومست بمحااورتك دمت بخير


ولاهاان كل من حضر وتااابع

ودمتو بخير

[بعيد المراميس]

ياسلااام عليك يافواز وياسلااام عليك يابو علي


صراحه محاوره على مستوى الله لايهينكم

[فواز الغنامي]

محمد السليس
شاعر ومتألق لله ردك وتشرفت بالعب معك
وعزالله انك اثلجت صدري يالسليس مبطي مالقيت لي شاعرٍ يسريها على ماتشتهي
واعجبتني ولو انك ماشتهيت اللعب هذا من خاطري والله اعلم والشاعر اللي وراه سده بين

صح لسانك يالذيب