..~ صلاه وعناقيد ~.. للشاعر المتالق فهد المساعد

[حلاتي بعباتي]

..~ صلاه وعناقيد ~..


عدّى عمر .. ياليت الأعمار تنعاد
وأرجع بلا شيب وبليا تجاعيد


أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا عنك الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بإيد وتضمني بإيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد

[عبدالإله القبوري]

الله يرحم اموات المسلمين اجمعين


وصح لسان كاتبها وسلمت انامل ناقلها

ولاخلا ولاعدم

[حلاتي بعباتي]

ثـآآآنكسسس

[>>متعبه عسآفهآ<<]

رائعه من روائع المبدع فهد المساعد
لاهنتي ع الانتقاء العذب

[سامي العطاوي]

سلمتي على النقل

[أنـ الذكريات ـين]

حقيقة ( العمر ينقص و احتياجي لكـ يزيد ) مؤلمة جداً..


صح لسانه
و سلمتـ ع الإنتقاء..


تحيتيـ

[حلاتي بعباتي]

من ذوقكم حبايبي