كايناد+سوزا + المولد + شعب الإتحاد

[عميد اتحادي]

سلام الله عليكم ياشعب الإتحاد مبروكين الفوز العظيم والعيدية الجميلة

مباراة البارحة ذكرتني بماضينا الجميل ذكرتني بأيامنا الحلوة
وحتبقى المباراة هادي في بالي وماحتتنسي مباراة الفايز ومجموعة المستقبل

ما ادري احكيكم عن الجمهور الخيالي اللي حضر امس
ولا تكتيك كانيدا الخيالي اللي إنجنيت منه
ولاعن المحترفين اللي ذكروني بحديد وتشيكو وكماتشو
أقول إيه وأسيب إيه والله شوفت الجناان وسويت الهوايل في المدرج

اديكم تعليقي عن ليلة البارحة نآخذها حبة حبة ونبدأ بسم الله

اتكلم لكم عن الأمور الفنية وأبتدي بعريسنا الجديد سوزا أفضل لاعب في نظري طوال اللقاء يعرف كيف يتعامل مع الخصم بسهولة وأريحية ويخلص الهجمة بفكر برازيلي أليم واعتقد لسى عندو شي كتير .

وكمان في نظري أسوأ لاعب في اللقاء أمس هو هتان ما اتعودناه كدا أبدآ مرة ماكان موفق أغلب التمريرات خاطئة ومستجعل جدآ وكان ثغرة في الجهة اليمنى مايتراجع ويساند هزازي لكن إن شاء الله في المباريات الجاية يرجع زي أول وأحسن.

طيب ايش باقي اتكلم عنه الداهية كانيدا هذا الأدامي حجز له مكان في قلب كل إتحادي
تشكيلته اللي إبتدى بيها امس جيدة إلى حد كبير لكن إذا لعب بفهد المولد
أساسي بدل هتان كانت النتيجة اكبر من كدا والعلم عند الله
التكتيك اللي لعب بيه كانيدا في مباراة الأمس ستة لاعبين في الوسط وبدون مايعتمد على اي مهاجم تكتيك جناان وماقد اتلعب في الدواري العربية الفريق الوحيد اللي يلعب بهذا التكتيك هو برشلونة وهذا الشي يدل على خبثه الكروي والحمد لله ثمار التكتيك ضغط متواصل طوال اللقاء وعيدية من أجمل ماتكون
طيب إيش باقي اتكلم عنه التغيرات التغيرات اللي ساواها امس لها فضل كبير في تغيير النتيجة بعد فضل الله طبعآ
خصوصآ إشراكه لفهد المولد إللي حرك الجهة اليمنى وسجل هدف وكاد يسجل هدف قبل هدفه بدقيقتين
_كانيدا هذا شخص خيالي إنسان من عالم ثاني بإختصار هو مضرب مثل على المدرب الناجح_

وما اهم لأسباب اللي خلتني نطلع بهذا المستوى الجمهور العظيم آآه ياجماعة والله شي يفوق الخيال المنظر في الدرجة التانية يخليك تبكي من جماله ثورة بمعنى الكلمة.

قفلة

عرفنا الإتحاد كدا وبإذن الله يرجع زي ماعرفناه ونغني طول ياليل واسهر ياعين
آآه لو كانيدا معانا من بداية الموسم الماضي لكانت اسيآ من نصيبنا والعلم عند الله