حواره على خنوفان بعير فهيد الشهراني

[تاجر مواشي]

اغنام - ابل - دواجن - طيور

السلام عليكم ورحمة الله وبركاته

تقبل الله منا ومنكم صالح الاعمال

للبيع حواره (http://www.mzayan.com/vb/showthread.php?t=49175)على فحل كفو مشهور في الشرقيه وبناته من اطيب المقاني واهل البل تسوق عليه الضرايب

الحواره شاريها من فهيد (http://www.mzayan.com/vb/showthread.php?t=49175)نفسه وامها من اطيب ابله غير ان ديسها عطيب

شريتها جلد وعظم وضيرت عليها بكر عندي وارضعتها فوق شهرين وزان حالها وارتزت شعفتها وقام سنامها يبني

والحين عارضها للبيع لأن البكر اللي مضيره عليها غاليه عندي ومع لهج الحواره شان حالها ونزل سنامها ولا ودي انها تردى اكثر من كذا

وللعلم خواتها عند فهيد (http://www.mzayan.com/vb/showthread.php?t=49175)تسام باقيام عاليه وقد بيع من خواتها بالميات ..

راس مالي فيها 11200 ريال لأن حالها كان شين .. وقبل تشري لك الحق تشوف ابوها وامها

وانا بياع لأعلى سومه فوق راس مالي ولاني بايع بخساره فلا احد يسوم بدون راس المال

http://www.youtube.com/watch?v=BPDIs...layer_embedded (http://www.youtube.com/watch?v=BPDIsPzeZPM&feature=player_embedded)