المساعد الشخصي الرقمي

مشاهدة النسخة كاملة : @@ الله اكبر يالرويحي@@


محمد السليس
28-11-2005, 08:47 PM
الرويحي صار شاعر فالنبط يحسب حسابه = الله اكبر يالبعير اللى قبل عامين حــــاشي
ذاع صيته واشتهر ذكره بعد ماشق نـــابـــه = كل مايعزم على طاروق قسمه فالعراشي
فيصل بن بدر العتيبي
28-11-2005, 10:42 PM
الرويحي صار شاعر فالنبط يحسب حسابه
الله اكبر يالبعير اللى قبل عامين حاشي
ذاع صيته واشتهر ذكره بعد ماشق نابه
كل مايعزم على طاروق قسمه فالعراشي

صح لسانك يابو علي عز الله بداية حامية :biggrin: :11umbup:
بعيد المراميس
28-11-2005, 11:46 PM
الله الله الله

مبدأ كايف يابو علي

ياسلااام عليك


والرويحي الله يجيبه بالسلامه مسافر وانت خابره راعي مشاوير


لاكن ننتظره والله يجيبه بالسلامه
بدر سهران
29-11-2005, 01:22 AM
طيب يابو علي
صح لسانك
وعلى يمينك كالعادة


بدر سهران
عريمان السبيعي
29-11-2005, 01:27 AM
الله الله

وينك يا الرويحي وينك

مبدا قسم بالله إنه روووووووووعة

محمد شاااااااااااااعر شاااااعر وعفاك
خلوني من الحكى ى ى ى ى ى ى ى ى

تحاياي
خالد الشليخي
29-11-2005, 11:35 AM
صح لسااان يالسليس وبدايه من اولها قويه
وين الرويحي وينه .. ماسك صف ماسك
الله لا يعوق بشر ...
يالرويحي تكفى عندك إياه هههههههههه

الله يعطيكم العافيه وسجلوني من المتابعين
لمحاورة الاخ الغالي مالك الحرف السليس
والمبدع والحبيب الرويحي ..

تقبلوا اعجابي وصادق مودتي
عبدالعزيزالكسر
29-11-2005, 06:11 PM
صح لسانك يابو علي

وينك يالرويحي
سجلوني متابع
الرويحـــي
29-11-2005, 09:42 PM
حياك يابو علي

وااسف على التأخير بس زي ماقالك ابو جسار
الله يطول عمره ومازلت مسافر
لكن اعتذر لك وللأخوه لاني توني اشووف الابيات

تحياااتي لك وللجماعه كلهم


واستلم لاهنت



أحمد الله فالشعر شاعر ولافيها غرابه=دامني من روس قومٍ فالعطا يعطون كاشي

حب راسه يامحمد من معلمك الكتابه=الله انه يرحم الي حطلك بيت ومعاشي
مهدي بن مسفر الحبابي
29-11-2005, 09:58 PM
أخوي محمد السليس صح لسانك وبيض الله وجـهـك

ذاع صيته واشتهر ذكره بعد ماشق نابه
كل مايعزم على طاروق قسمه فالعراشي

أخوي الرويحي صح لسانك وبيض الله وجـهـك

حب راسه يامحمد من معلمـك الكتابـه
الله انه يرحم الي حطلك بيـت ومعاشـي

تـسلمون شـاعرين جـزلين ولهما مكانتهما وانا فالصف

لكما فـااااائــق احـتـرامي وتـقـديري
فيصل بن بدر العتيبي
29-11-2005, 11:06 PM
أحمد الله فالشعر شاعر ولافيهـا غرابـه
دامني من روس قومٍ فالعطا يعطون كاشي

حب راسه يامحمد مـن معلمـك الكتابـه
الله انه يرحم الي حطلك بيـت ومعاشـي

صح لساااااااااااااااانك وسلم بناااااانك

في صفك يالرويحي من هالحين ولاان ابو علي :11umbup:
محمد السليس
30-11-2005, 04:26 AM
هلا وغلا يااذيباان

وما ابطا من جاا يالامير

واستلم لاهنت


مانقول الا ونعم القوم ياربعى عتابه = تلطم العايل وللطرقي مقلطة الكباشي
بس ياللى لا لفحك الشــوق جريت الربابه = احمد اللى قدر الامطار رحمه للمواشي
فيصل بن بدر العتيبي
30-11-2005, 04:29 AM
مانقول الا ونعم القوم ياربعى عتابه
تلطم العايل وللطرقي مقلطة الكباشي
بس ياللى لا لفحك الشوق جريت الربابه
احمد اللى قدر الامطار رحمه للمواشي


صح لسااااانك يابو علي

عرفنا اسم الرجال :biggrin:

اخي الكريم محمد السليس

ابداع متواصل دون انقطاع

سجل اعجابي الكبير بقلمك
الرويحـــي
30-11-2005, 09:37 PM
فكرتي فالصاحب اللي لو نفتش في زهابه=مالقينا غير مرواسٍ وطارٍ وانت ماشي

اللقيطه ياعميل الخير مافيها طلابه=ومايجي ببلاش يامحمد يبا يروّح بلاشي
فيصل بن بدر العتيبي
30-11-2005, 10:02 PM
فكرتي فالصاحب اللي لو نفتش في زهابه
مالقينا غير مرواسٍ وطارٍ وانت ماشـي

اللقيطه ياعميل الخيـر مافيهـا طلابـه
ومايجي ببلاش يامحمد يبا يروّح بلاشي


حلوة مرواس وطيران

صح لسانك يالرويحي (احمد) :biggrin:

ماسك الصف :11umbup:
سعودعبدالله
30-11-2005, 10:11 PM
ياسلااااااااااااااااام

ابو علي

صح كلك يالقرم

الرويحي

صح قلبك ولسانك


محاوره من الوزن الثقيل

وانا في الصف الموالي
محمد السليس
01-12-2005, 12:24 AM
لو تطب البحر الاحمر ما نظفت من الجنابه = وسرها مادام يستر جثتك بعض القماشي
انت لو تلقي الغدا فاليوم ماتلقي العشابــه = تشرب الحيضان والصملان وترم الخشاشى
نايفة شمر
01-12-2005, 12:30 AM
الله واكبر عليكم كلكم

صحت السنتكم


انا هنا وفي مقدمة صف السليس


النايفة
محمد السليس
01-12-2005, 01:02 AM
ابو بدر

عساانى مااخلا يالامير

والنومااس والابدااع يووم يتاابعنى مثلك وشروااك

ابو عبدالله

ياامرحباا ترااحيب المطر

وحيااك اينمااا تكون وفي كل مكاان وزمااان

الزعيمه

ياامرحباا ترااحيب المطر

والله يجبر مصاابكم

والف حمدالله على السلامه

ووجودك في الصف مكسب يالسناافيه


ولاهنتووووووووووووووووو جميعاً
فيصل بن بدر العتيبي
01-12-2005, 01:21 AM
لو تطب البحر الاحمر ما نظفت من الجنابه
وسرها مادام يستر جثتك بعض القماشي
انت لو تلقي الغدا فاليوم ماتلقي العشابه
تشرب الحيضان والصملان وترم الخشاشى

صح لسانك يابو علي

ايه ايه سرى ليلك :biggrin:

متابع :11umbup:
الرويحـــي
03-12-2005, 10:30 PM
معليش على التأخير يابو علي
لكن استلم




القبر ياصاحبي ماودنا ننبش ترابه=الحقايق واظحه والعلم مايبغا نقاشي

أغرتك ريح البخور وطرت معها للسحابه=لين صرت مع العرب من عقب كتم السر واشي
فيصل بن بدر العتيبي
03-12-2005, 10:56 PM
القبـر ياصاحبـي ماودنـا ننبـش تـرابـه
الحقايـق واظحـه والعلـم مايبغـا نقـاشـي

أغرتك ريح البخور وطـرت معهـا للسحابـه
لين صرت مع العرب من عقب كتم السر واشي

صح لساااانك يالرويحي :biggrin:

وينك يابو علي تعال شف الرجال رد عليك :biggrin:

متابع :11umbup:
الرويحـــي
03-12-2005, 10:56 PM
اخوي فيصل حياااك الله
يشرفني وجودك بصفي لاعدمتك بس اركد شوي
مانبي فضايح الله يسلمك

خالد الشليخي
الغالي تسلم ويعطيك العافيه على تواجدك معنا
لااخلا ولا اعدم يالذيب

اخوي الكسر ياربي حيه
يكفيني الشاص اللي واقف هذا لحاله يعطيني دافع قوي
لاعدمتك يالذيب

اخوي مهدي صح بدنك وسلمت
ويكفي حظور شاعر مثلك الله لايهينك

حبيبي سعود يامرحبا مليون
ياحيالله هالاسم وراعيه


النايفه صح بدنك
فيصل بن بدر العتيبي
03-12-2005, 11:01 PM
ابشر بعزك والله يالرويحي في صفك

وافضحك افاااا علاك

بس الرجال اللي فضحك ماهوب انا :biggrin:
الرويحـــي
03-12-2005, 11:06 PM
مافيها فضايح وانا اخوك اسمي مايعيبني

بس اركد لاتسببلي شوشره
تراني شوي واطمر معكم فالصف
صتمان
03-12-2005, 11:31 PM
ايــــــــــــو الله الرويحي

تراني في صفك ابا امسك الصف وابا اريح فيصل

مير لا وصيك اشحط الصوت لين تناقز عيونك

ولا تشيل هم الصف مره مره

ويابو على بيض الله والله لايهينك مير تراني في صف الرويحي
محمد السليس
04-12-2005, 01:02 AM
والله انا مانلد العين في عيش الغلابه = مير اقف فوق العزاز ولاتقف فوق الهلاشي
لاتصدق في ولد عمك وتغريك الصبابه = ثم بكره من يقف معك ان لزمت مع المشاشي
محمد السليس
04-12-2005, 01:03 AM
حياكم الله يالنشااماا كلبووووووووووووكم اينماا تكونو
فيصل بن بدر العتيبي
04-12-2005, 04:24 AM
والله انا مانلد العين في عيش الغلابه
مير اقف فوق العزاز ولاتقف فوق الهلاشي
لاتصدق في ولد عمك وتغريك الصبابه
ثم بكره من يقف معك ان لزمت مع المشاشي


صح لسااااااااااانك يابو علي

ماتقصر ياصتمان تعال وزاني يالذيب نمسك

صف الرويحي سوى :biggrin:
الرويحـــي
04-12-2005, 10:32 PM
انت لو تلقى فقير ٍ فالخلا تنهب ثيابه=هيه ياراع السوابق وانت لك قلب ٍ هشاشي

علم ثابت من لسانك كيف تامن من مشابه=يامحمد ماخبرنا مرتشي من غير راشي
الرويحـــي
04-12-2005, 10:36 PM
حياااك ياصتمان وازهل الصوت واسكت لااقلبها موال على شانك

دامك انت وفيصل فالصف عزالله سرا ليلنا

الله يحييكم
أبوعبدالرحمن
04-12-2005, 11:21 PM
ويني عن هالمحاورة


صحت قلوووبكم


وهالمرة انا بصفك يا لرويحي
بعيد المراميس
05-12-2005, 12:11 AM
الله الله الله الله

سرىىىىىىىىىىىىىىىىىىىىىىى ىىىىىىىىىى

هذا والله العلم صدز

تباني اعلمك يالرويحي في صفك لين اشوف العلم الجديد هذا ويش

واعجبني بيت هنااااا

القبـر ياصاحبـي ماودنـا ننبـش تـرابـه
الحقايـق واظحـه والعلـم مايبغـا نقـاشـي

أغرتك ريح البخور وطـرت معهـا للسحابـه
لين صرت مع العرب من عقب كتم السر واشي


الظاهر نبي نفتح ملف القضيه مررره اخرىىى هههههههههههههه


واصلوااااااااااااااااا
محمد السليس
05-12-2005, 05:09 AM
لاتجرد سيفك الماخوذ رده في جرابه = لو تحط ايداك فوق الجحــــــر تازاه الحناشي
عيشتك فالحرجه او فالميته مثل الذبابه = والذيابه كل ليل توطى ارقـــــاب الكبـــاشي
الرويحـــي
05-12-2005, 09:39 PM
استلم استلم



نارد العد القراح ونرتوي صافي شرابه=وانت ذودك يامحمد فالخلا هيمٍ عطاشي

يامحمد لن برد حيلك تعشتك الذيابه=أحسب حساب القوافي لاتجي خبط وطشاشي
فيصل بن بدر العتيبي
05-12-2005, 09:48 PM
نارد العد القراح ونرتوي صافـي شرابـه
وانت ذودك يامحمد فالخلا هيـمٍ عطاشـي

يامحمد لن بـرد حيلـك تعشتـك الذيابـه
أحسب حساب القوافي لاتجي خبط وطشاشي

:11umbup: :11umbup:

متابع
بدر سهران
05-12-2005, 10:53 PM
صحت السنتكم جميع
ولا زلت في صف ابو علي
واصلوا وحنا معاكم واصلوا
بعيد المراميس
05-12-2005, 11:01 PM
هذا والله الليل

متابع وعيوني تزالم
الرويحـــي
06-12-2005, 12:05 AM
حياك الله يابو عبدالرحمن يزيدني شرف وجودك بصفي
لاعدمتك يالغالي

حياك يابو جسااار انت ومن حظر

تحياااتي لكم
محمد السليس
06-12-2005, 03:28 PM
الرويحي صح لساانك ولاهنت

ويعلم الله انى اتعلم منك

ولاهنت كل من حضر وصح بدنه ودمتم يااغرابيل الشموووخ
الرويحـــي
06-12-2005, 11:16 PM
الله لايهينك يابو علي

وصح السااانك وتسلم على هالمحاوره الطيبه
ويزيدني شرف اللعب معك

واشكر كل من تابع هالمحاوره

تحيااااتي