سؤال الاجابه ؟؟؟ والتمني

[هذال شري]

الاخوان مشرفوا و اعضاء منتدى غرابيل


السلام عليكم ورحمة الله و بركاته وبعد ......... وبعد


اسمحوا لي على هذا الغياب اللذي لم يكن بيدي و انما بيد الظروف

ويسرني ان اعود لهذا المنتدى الرائع واطرح بين ايديكم هذه المواضعه

ارجوا ان تنال شي من استحسانكم



















التمني وش يفيد القلب مغشوش التمني =
كنه اللي ما تمنى من زمانه غير مابه
والتعني مع خيال(ن) ساقني يمه تعني =
لا جزاه الله خير ولارحم حضرت جنابه
صرت مسلوب الأراده في زماني بس كني =
الفطين اللي جهل كل الكلام وجاب جابه
يوم يطري في خيالي شي مدري ليش اوني =
كيف مدري بس مدري ضاعت اطراف الاجابه
يعتريني صمت موحش يرتسم في شكل جني =
ينــتقــذني ليل تايـــه فــي متــــاهـــات انســــكابه
واندفع له رجل ضايع في ذهول(ن) صار مني =
وارتشــف هـــجس الظـــنون ويمـــتحـــني بالكتــابه
ويوم يطري ما مضى لي في زماني صرت اعني =
صرت اعن ويضحك القلب المغرب للاغترابه
عن زمان الامس تنشدني حروفي ويش ظني =
ويش ظني ؟ والقــــــــلم ما عاد يترك لي مهابه
حب صادق من خفوقي وانكتب من صغر سني =
عاقل(ن) حــب الجنــون وسلـــمه حتــى شـــبابه
لا ذكرته في خفوقي ضاع كل الدرس مني =
اكتب اسمـــه فالسؤال ورســم عيــــنه فــ الاجابه
واغتربت ولابقالي في حياتي غير فني =
والامل صبر القوافي واســــرجت فيهــــــا ركـــابه
والتمني وش يفيد القلب مغشوش التمني =
دامــــه اللي ما تمـــنى مــن زمــانه غـــير مـــــابه

[نواف الحربي]

حياك و بياك أخوي هذال

ألف صح لسانك و الله لا يهينك

قصيدة غاية في الجمال


غير أنه لايكفي أن تكون القصيدة خالية من كل مايمكن أن يختزل شيئا من جمالها من ناحية الوزن و القافية فـ التركيز في المعنى من مقومات كمال القصيدة وهذا ما تفتقر إليه بعض أبيات القصيدة أعلاه ,يجب أن تكون أبيات القصيدة منسجمة في مابينها وزنا و قافية ومعنى

كلي أمل أن يتسع صدرك الرحب لقبول هذه الملاحظة التي لا أرجو إللا أن تجد فيها كل مامن شأنه أن يصنع من الرقي ماهو أرقى

التوفيق و النجاح هو كل ما أتمناه لك من القلب يا شاعر

دمت بهذا الرقي


تحياتي لك



,,,

[بدر سهران]

اخي العزيز
** هذال **
ِِِِِِِِِِِِِ~~~~~~~ِِ

صح لسانك على ها القصيدة الجيدة
ونتوق الى جديدك