خالد الفيصل

[عبدالعزيز عبيد العدواني]

المعالي في سماها جايعه ما اشبعها

غير من تزهى المعالي وقفته وعلومه

والعلوم الطيبه تاتيك من منبعها

والزمان ابخص بعرف ذيابته ورخومه

والمدايح تتبع الرجال ما يتبعها

والفضا واسع ولا ضيق عليه نجومه

ما تهاب من السباع الا الذي يسبعها

ولا يحب الواقع الا من جفته حلومه

الثياب اللي تعدى للكعب نجبعها

والدروع مجهزه للي يهز سهومه

والمواقف ما نخليها كذا نطبعها

ما تروح وكل شخص يشوف من مفهومه

حقكم بارقابنا يا قبعت نقبعها

لين يبقى المعتدي متلولسن بهدومه

وحقنا ياخالد الفيصل عليك اربعها

(مد) (صد) و(قرب جد) و(ساعدن بكمومه)

الحوادث بالصميم وعودت مربعها

والبعير ان ضاع ضاع ولو عليه وسومه

الحمول ثقال وظهور العرب تزبعها

دام سابع جار يلحقنا التعب بهمومه

ذيك معها ذيك لا من العدو قربعها

قبل لا ياكل يفكر في وجع بلعومه

الرساله جايعه والجايعه ما اشبعها

غير نظرة من زهت يمناه طيب علومه

[>>متعبه عسآفهآ<<]

الكلام طلاسم عندي شكله من المتصفح
ع العموم صح لسانك شاعرنا ~ لاهنت

[لذيــــــــــذ]

صح لسانك يا عبدالعزيز ...
جزل لاهنت ...

تحيتي ...

[أنـ الذكريات ـين]

صح لسانكـ يا عبدالعزيز


سلمتـ


تحيتيـ

[سامي العطاوي]

عبدالعزيز العدواني

صح لسانك ملايين

لاهنت

[أبوعبدالرحمن]

صح قلبك وكلك

وسلمت اناملك

وكل عام وانت بخير


تحيتي لك

[سلطانة غرام]

صح لسانك