يمه عسى الله يحفظك حافظ البيت والدار

[أسواق]

اهداء



يمّه عسى الله يحفظك حافظ البيـت




... الواحد المعبود علام الاسـرار




اذا طريتي لي من النوم فزيّـــت




...... افز كنّي داخلي واهــج النــّار




ياكم لنومك يا غلا الروح قزيّــت


...... وياكم سهرتي والمخاليق غتـار




يدّك عليّ وتكثرين التناهيــــت




........ ودموع عينك فوق خديّك نثــار


مهما عملت وقلت وأقبلت وأقفيـــت


........ والله لا يمكــــن اوفيك مقــدار


مقدارك انتي مرتفع فوق عليّــــت


........ وعلاه ربي عالمٍ كل الاقـــدار


ورسولنا وصى على الام وأرضيــــت


........ وصى عليها وكرر الاسم تكرار


الواجب ادعي كل ما اصبحت وامسيت


.. وادعي في ظهر الغيب لك سر وجهار


وادعي ليامني للفروض صليــــت


..... يسعد لك ايامك مع الناس الاطهار


انتي هناي ومنوتي اذا تمنيـــت


....... الله يجنبك الحواسد والاشـــرار


الله يخليني اذا اني تخليــــت
عن واجبك ياشمعة البيت والدار
نسيم العود