أقبلت لي و الحـب .. حـظ و توافيـق

[تاجر مواشي]

اغنام - ابل - دواجن - طيور

بسم الله الرحمن الرحيم

مساء الورد يُعطر أجوائكم النقية . . !


بأذخة تشرفُ بمرور ذوقكم الجهبذ .

صدر الحزين يطاوع الضيق .. و يضيق...من كل صوب .. و تصبح العين ديمـه
ينزل مطر .. و يلوح براق .. و تفيـق...كل الجـروح .. المبطيـات .. القديمــــه
و أنا .. علـى الدنيـا قليـل التوافيـق....ما غيـر أساوقهـا بـراي و عزيمـه
يا فـوح قلبـي مثـل فـوح الاباريـق....عليـك ياللـي لـك عروقـي محيمـه
أقبلت لي و الحـب .. حـظ و توافيـق....و أقفيت عنـي .. و النتايـج وخيمـه
علقـت نفسـك فـي زوايـا المعاليـق....و حطيت لك بيـن الحنايـا .. وسيمـه
و أصبحت عندي فوق كـل المخاليـق...تخطي و لا لك غيـر قـدر و حشيمـه
و انا و ربـي مـا نقضـت المواثيـق....لا زلت أشوفـك راس مـال و غنيمـه
دونك سحاب الدمع و مشـارق الريـق...و عقبك ضياع و جرح قلب و هزيمـه
وان بعتنـي بالسوق بيـع الصناديـق...عـز الله انـك بعتـنـي دون قيـــــــــمـه
ليتك تشـوف ابـواب قلبـي مغاليـق....ما هيـب لا و الله عـادة حليمـه
ما همنـي و النـاس جمـع و تفاريـق....ما دمـت منـبت فيـه روحـي يتيمـه
يا صاحبـي تبكـي عليـك الطواريـق....جزل البيوت .. الفـاردات .. العديمـه
أرحل .. و طيبك فوق روس الشواهيق...لا تلتفـت لـي يـا قـــــوي الشكيـمـه
و أنا علـى خبـرك وريـث المطاليـق....راعي مواجيـب و شجاعـه و شيمـه
مثل الجبل و أقرب مثل عندك .. طويق....شامخ .. لو ان الريح تنحـت صميمـه
يالله عسـى فالـك معـزه و توفـيـق....ياللي جعلت أهـداف عمـري عظيمـه
عقبك لي الله ثـم شمـس المشاريـق....و الشرقـي و هبّـة هـواه و نسيمـه
و الشوق و هموم الجـروح المفاتيـق....و البرد و الحـزن و شـوارع رحيمـه
يالغالـي اللـي كنـك بقلبـي اتـويـق...جرحـك كريـم .. و ذكرياتـك كريمـه
أنت و انا .. نشبه حضارات الأغريـق....القوم راحـوا .. و الحضـاره مقيمـه


أحترمي لكم