قصه عن وفاء الكلب تكرمون

[تاجر مواشي]

اغنام - ابل - دواجن - طيور

السلام عليكم وكل عام وانتم بخير السالفه الله يسلمكم سنه من السنين شادين بالغنم نبي الربيع رجليه مسافه 3ايام والرعيان مع الغنم ويوم جاء حول العشاء طق على الغنم ذيب وجفلت الغنم وقامت الكلاب تنبح وراح واحد منها الين اختفى صوته وانا والي معي مشغولين بنقل البهم والزهاب ومتواعدين في مكان ويوم جيناهم حول الساعه 11بالليل واليا الراعي يخبرني بالسالفه ويوم تفقدنا الغنم واليا عازبا منها حول 50من المعزاء دوجنا بهالليل ومالقينا شي امرحنا ويوم شق النور وانا اقتص للجره ويوم بديت مع ذاك الضليع وليا الغنم تحت كوم من الحصى والكلب يلف حولها كل ما طلعت وحده لحقها ورجعها مع ولايفها والله يااخوان منظر فعلا يدل على وفاء الكلب ومدى اهميته عند الحلال الي بالبر وما اكل الذيب منها شي والمعذره عن طول السالفه