الشاعر و المشرف / بعيد المراميس .. و الحصاه!

[برج المملكه]

السلام عليكم

استلم يابعيد المراميس مع خالص التحيّه


ياسلام الله سلامٍ يشدّ الانتباه=يضرب ابعيد المراميس و يشقّ الصفوف
ليش حطيتوا على باب مجلسكم حصاه=وانتم اللي تعْزمون و تضيفون الضيوف

[أمل عبدالعزيز]

.
.
.

ياسـلام الله سـلامٍ يـشـدّ الانتـبـاه
يضرب ابعيد المراميس و يشقّ الصفوف
ليش حطيتوا على باب مجلسكم حصـاه
وانتم اللي تعْزمون و تضيفون الضيوف


الله الله يابرج
بداية قوووووووية
وننتظر بعيد المراميس
وأنا بصفك يابرج ولايهووون بعيد...

[محمد السليس]

انااااااااااااااااااااااا اااااا في صف ابوووووووووووووووجساااار


وامل وقوفك مع برج المملكه مردود عليه


لان الشغله علينا وعلى مجلسنااا وقسمنااااااااااااا وهذا شق لعصا الطاعه الغرابيليه لذلك ارجوك المراجعه



ولاهنت ياابرج

[غربول مغربل]

صح لسااانك يابرج ....


وجاك الموت ياتارك الصلاه .. كلها ساعات ويجيك بعيد المراميس يرد لك الضربه ضربتين .. وبالنسبه للحصاة هذي علشان اللي يعبي بنزين ولايدفع نكسر قزاز سيارته ههههههههههههههههه



وبيض الله وجهك يا ابو علي .. فعلا كلامك عين العقل راجعي حساباتك يا أمل عبدالعزيز

وهذا انا في جنب ابو علي في صف ابو جســـــــــار

:11ap: :11ap:

[أمل عبدالعزيز]

ههههههههههههههههههههههههه هههههههههه

أفا بس

من يقوووووووله

لا معليش خلاص
قلت

ولايمكن ارجع بكلااامي

أنا مع برج

لو يطب في النار ( تورية وليس حقيقة)

وبرج بيعرف شلون يزينها مافيها كلاااااااام

ههههههههههههههههههههههههه هههههه

الله يرجك يابوعلي روعتني منك لله بس:هاها:

[أبوعبدالرحمن]

صح لسااانك

وانا بصف ابو جسار ليننزحزح هالحصاة

[الرويحـــي]

صح السانك يابرج المملكه
صح السانك
صح السانك
صح السانك

وفي انتظار بعيد

تحياااتي لكم

[بعيد المراميس]

لاهنتي ياأمل عبدالعزيز وصفي وصف برج واحد يابنت الرجال

مرحبآ يابو علي تراحيب المطر وخلك قريب العالم يكرهوني مع اني ضعيفون ماقول شي :biggrin:

ياهلا ومسهلا ياغربول مغربل وحياك يالقرم ابك ايه رفعت معنوياتي الله يرفع قدرك ويجعلك تسمن قل آمين :biggrin:

ابو عبد الرحمن حي الصف اللي انت فيه اي والله ...... ولاعدمتك ياجنتل


الرويحي حظورك زي العسل على قلبي يالامير

[بعيد المراميس]

استلم يابرج المملكه الله يكفيني شرك :



مرحبآ ياشاعرٍ ودنا نبحث خفاه= شاعرٍ في ساحة الشعر مهوب معروف
انت يابرج الك نكرمك في حيد الصفاه= من بطون الحيل والا من فطحة الخروف

[برج المملكه]

استلم :)


لاتعزم الضيف عندك و تاكل من عشاه=و انت لك قلب ٍ بصير و لك عيون ٍ تشوف
ياهل مكّه و انتم اللي تصلون الصلاه=ليه ماتدعون حجّاج بيت الله تطوف؟

[برج المملكه]

امل عبدالعزيز

يكفيني حضورك الاول في متصفحي فما بالك في وقوفك في صفي!!

وكفو يالرهيبه خليك عند كلمتك :)

سلامي

[برج المملكه]

محمد السليس

حاول تزيح هالحصاه و اكون ممتن لك و لمجلسكم :huglove:

ولاهنت يامعاديني :)

[برج المملكه]

عسا المحطه و السياره وقزازتها تفداك ياغربول

و بعيد امره هيّن مير اغد لي في الحصاه ؟؟

شكراً لحضورك الكريم

برج

[برج المملكه]

امل عبدالعزيز ..

هلابك مره اخرى و الله يجيرني و ياك من النار و الباقي في و فيهم شوفة الله :biggrin:

ولا عليك من كلام محمد .. محمد من المرجفون في المدينه :mf_popean

برج

[برج المملكه]

ابو عبدالرحمن ياهلا و غلا

وانا معك انت و ابو جسار لازاحة هذه الحصاه :)

يهمّني مرورك على هالمحاوره بالذات

سلمت و دمت

برج

[برج المملكه]

يامرحبا يالرويحي

هلا و غلا و صح بدنك كثرهن و دبلهن :)

لاعدمتك و شكراً لمرورك

برج

[فيصل بن بدر العتيبي]

صح لسانك والله يابو جسار

وصح لسانك يابرج المملكة

بصراحة احترت امسك صف من

لكن اخيرا قررت امسك الصفين :11umbup:

[أمل عبدالعزيز]

.
.
.
صح لساانك يابوجساار
وصح لسااااانك يابرج
وأنا بصفك لو وش يصير
وعمره مايندم من وقف معك
يالله عاد شد حيلك
والميلة عليك يابوجسار وينك بس؟:احم:

وتحية تليق بالهرمين الكبيرين ... وشكل المحاورة بتكون من أروع ماقرأت .. بس أنتبهووو:واو:

[غربول مغربل]

يابعد راسي والله يابعيد المراميس ... إيه حيلك فيهم ههههههههههههههه



وانا ابي اشغل بـــــــرج عنك شوي بروح اجيب له لبن وانت احلف عليه يشرب لأنه ضيف وفي حكمة المعزب يمكن ليا شرب اللبن يجيه النوم هههههههههههههههههههههه



صح لسانك يابرج ... وصح لسانك يا ابو جســــار ... واصلوو ونحن متابعووووون

[بعيد المراميس]

مرحبآ يابو بدر وحظورك يكفي طال عمرك اهم شي اشوف هالطسمه اللي جعلها ماتنقطع من المنتدى :biggrin:


أمل عبد العزيز مرحبآ مره ثانيه وصح بدنك يابنت الرجال..والميل يعدله ولي الخلق.. وعليكم معونةٍ بالله


يامرحبآ تراحيب المطر ياغربول اي والله خلك قريّب ياسنايدي برج معه الحكومه وانا فيّ راعه ومزكوم بعد وعلومي مصلّحه ههههههه

[بعيد المراميس]

برج استلم وعليك مراعاة الاحوال الجويه والزكمه اللي هلصتني من البارح وانا بالاموكسال والليمون والفاين معاد ينفع حاطن جنبي منشفه :biggrin:


استلم استلم


من يدسم شاربك لاتكلم في قفاه=علمٍ بليا براهين مايقضي شفوف
ما بلغ حد النصاب اوجبت فيه الزكاه=والليال الفايته لاتلحّـقها حسوف

:rolleyes:

[فيصل بن بدر العتيبي]

من يدسم شاربك لاتكلم فـي قفـاه
علمٍ بليا براهين مايقضـي شفـوف
ما بلغ حد النصاب اوجبت فيه الزكاه
والليال الفايته لاتلحّقهـا حسـوف


ياعيني عليك يابو جسار :11umbup:

صح لسانك يالغالي

ولاهان برج المملكة

[غربول مغربل]

من يدسم شاربك لاتكلم فـي قفـاه
علمٍ بليا براهين مايقضـي شفـوف
ما بلغ حد النصاب اوجبت فيه الزكاه
والليال الفايته لاتلحّقهـا حسـوف



من يدسم شاربك لاتكلم فـي قفـاه
علمٍ بليا براهين مايقضـي شفـوف
ما بلغ حد النصاب اوجبت فيه الزكاه
والليال الفايته لاتلحّقهـا حسـوف



من يدسم شاربك لاتكلم فـي قفـاه
علمٍ بليا براهين مايقضـي شفـوف
ما بلغ حد النصاب اوجبت فيه الزكاه
والليال الفايته لاتلحّقهـا حسـوف








الليل الليل ...

[بعيد المراميس]

مرحبآ يابو بدر مره ثانيه وثالثه ورابعه وجعلني ماخلا والله

غربول مرحبآ الف بعد وايه ارتك عليهم

ياجعلكم سالمين يالثنين ابوكم ارتفعت معنوياتي والزكمه كنها خفّت هههه

[برج المملكه]

هههههههههههه استلم و الظاهر انك اعديتني :(


خابر ٍ شاربك دسم و يدسّم من لفاه=مير برّق في كلامي و لا يلحقك خوف
ليه غيّر صاحب المنتدى في منتداه=وحال مابيني و مابين كاملة الوصوف

[برج المملكه]

فيصل بن بدر العتيبي

مرحبا و مسهلا .. يابن بدر حضورك يسعدنا و يشرفنا وصفي و صف المزكوم واحد :)

برج المملكه

[برج المملكه]

امل عبدالعزيز

مرورك و تسجيل حضورك يعني لي الشي الكثير و ترى مامعي في الصف غير الله ثم انتي لاتخليني :11ying:

لاهنتي و دمتي جميله كما انتي :)

برج المملكه

[برج المملكه]

غربول

الله عليك يعين انت و المزكوم

شكراً لممارسة الضغط النفسي على اخوك :)

برج المملكه

[فيصل بن بدر العتيبي]

خابر ٍ شاربك دسم و يدسّم من لفـاه
مير برّق في كلامي و لا يلحقك خوف
ليه غيّر صاحب المنتدى في منتـداه
وحال مابيني و مابين كاملة الوصوف


صح لسانك يابرج المملكة

وشي اكيد ان صفك وصف ابو جسار واحد

وهذا انا ماسك الصفين يالغالي :11umbup:

[أمل عبدالعزيز]

.
.
.
الله عليكم وبس
محاورة راائعة

ولاتخاف يابرج

أنا معك على الحلوة والحلوة بعد( مانعرف المر أبد)

وصحت قلووووووووبكم يارب

[هادي الهاجري]

سلام عليكم ورحمة الله وبركاته

اسمحولي على الانقطاع وحبيت اسلم على الجميع

وأنا في صف برج المملكه ولا يهون اخوي بعيد المراميس

واصل واصل واصل

[بعيد المراميس]

مرحبآ ياهادي وحظورك مكسب الله لايهينك


امل عبدالعزيز جعلتس للزكمه قولي آمين ..... :biggrin:

برج استلم طال عمرك وانت ماخليت شي :biggrin:



كل سقمٍ يابيض الوجه معروف دواه= احمد الله دام راسك قعد فوق الكتوف
حذفةٍ من دون راسك وحذفه من وراه= وانت تشكيلي غرامك ووجدك والظروف

[برج المملكه]

ياسلام سلّم عليييييك

استلم


انت لك كلمه و حكمه و راي ٍ و اتجاه=ملّن و كلّن الاقدام من طول الوقوف
كل رجال ٍ ليا قال له قول يحماه=سنّعونا ياسلايل محنّية السيوف

[برج المملكه]

يامرحبا يافيصل ووجودك نوماس في الصف

لاعدمتك ولاعدمت حضورك

صح بدنك

[برج المملكه]

أمل عبدالعزيز

الرهيبه لاخليت منك و من حضورك دامك معي ماللمر معنا مجال :)

سلمتي و دمتي

برج

[برج المملكه]

وعليكم السلام

هلا و مرحبا ياهادي .. ومسموح طال عمرك

وسلمت و دمت على وقوفك في الصف

شرفتني لاعدمتك

برج

[فيصل بن بدر العتيبي]

ياعيني ياعيني

:11umbup: :mf_popean واحد يسجل

المحاورة في ورقة :biggrin:

صح بدنك يابو جسار وصح بدنك يابرج

متابع :11umbup:

[أمل عبدالعزيز]

واااااااو صحت قلوبكم
ويابعيد جعلك للي ماودي أقوووووووووووووله بس
برج
ترى صفك كبير حيل وفيه القوة كلهاااااا
ومحاورة من أروع مايكون..

[بعيد المراميس]

لاهنت يابو بدر على المتابعه الجميله وحظورك له وقعه الخاص


امل عبدالعزيز اللي ماودك تقولينه وش <<<<<<<< اشك انه انفلونزا الطيور هههههه

ربي حسيب الاداره كلهم ههه

<<<<< متحطم نفسيآ ومعنويآ من الزكمه والمديره اللي شانه عليه حمله :=(

[بعيد المراميس]

الله الله الله يابرج

استلم استلم طال عمرك



من جهل وصف النداوي بمسباقه شواه = والقمر وجهه عن الناس غطاه الخسوف
كني اللي قلت تبشر على خشمي هذاه ؟!= رح لعمّـك واعرض اله الاسامي والكشوف :biggrin:

[فيصل بن بدر العتيبي]

من جهل وصف النداوي بمسباقه شـواه
والقمر وجهه عن الناس غطاه الخسوف
كني اللي قلت تبشر على خشمي هذاه ؟!
رح لعمّك واعرض اله الاسامي والكشوف

:biggrin: :biggrin:

:mf_popean :11umbup: :11umbup:

صح لسانك يابو جسار

تسلم والله على الابداع اخي الكريم

متابع :11ight_li

[برج المملكه]

انت كشفت عن اسمك ؟؟

لا جا دون الحصاه حصاه :11ughboun

عموماً صح لسانك و سلم راسك ياولد غنّام :)

اللعب معك نوماس و تشريف يعلم الله و سلّم لي عليك و على الاداره :11ying:

لجميع من مرّ من هنا

الله يعطيكم العافيه ولاهنتم على حضوركم اللي زاد المحاوره جمالاً و بهاءً بتفاعلكم

و اقول للرهيبه امل عبدالعزيز

الصف كبير بوجودك لاعدمتك .. شكراً من القلب :)

برج المملكه

[بعيد المراميس]

صح بدنك وصح لسانك يابرج

وعلى فكره الظاهر اني ابي ابدي عليك انا والاداره ههههههه يازين اسمك فوق برج المملكه.. متعلق