ودي وياك اتكلم

[تاجر مواشي]

اغنام - ابل - دواجن - طيور


لحظه من فضلك حبيبي ..
ودّي وياك أتكلّم ..
ودي أشرح لك شعوري :
أنا في حبّك متيّم !!
شعاد تبغي منّي أكثر ؟
قول ياعمري بصراحه
من مشى درب المحبه ..
مايعيش بيوم راحه !!


عطني الفرصه الأخيره ..
لا تصير أنتَ أناني !!
ودّي قربك لو دقيقه ..
خلني أفرح ثواني !!
كمّ مرّه ألتقينا ..
وماوصلنا لأي نتيجه !!
صمتي يذبحني وسكوتك ..
مابرح روحي أريجه !!


بس هالمره أبكسر ,,
حاجز الصمت بحياتي ..
وأعترفلك بالمحبه
لي متى قلبي يحاتي ؟!!
حبي لك ماهو طبيعي
وأنا مجنون بغرامك
أحب نظراتك وصمتك
وأموت والله في كلامك !!


بس مدري أنتَ مثلي ..
هو شعورك زيّ شعوري ؟
وألا أنت الحب عندك :
شي عادي مو ضروري ؟!!
ما أبي غير الصراحه ..
وما أبي أي شي ثاني ..
والله ماراح أتضايق
بس : راح أبقى أعاني !! )