ترفيه و نكت و العاب نصائح لاخواتي المتزوجات

[الاسهم السعودية]

‏​‏​عزيزتي المتزوجه 

بمناسبة حلول شهر رمضان المبارك
حبيت أعطيك بعض النصائح اللي لو
طبقتيها بتتجنبين تصومين شهرين
متتابعين غير قضاك والست وعاشوراء
وإلا تقعدين يابعدي تدورين بالشوارع تدورين ستين مسكين توكليهم
وإلا يأكافي تروحين افريقا تعتقين رقبة فاهمتني أنتي لا تستهبلين
نبدأ بسم الله أصحي واسمعيني زين
1- الابتعاد التام عن التزين والتعطر
والتبودر والتكحل والاكتفاء بصابونة لوكس الأزرق الحجم الكبير أوفر
2- تجنبي الترزز كل شوي قدام
المراية تناظرين خشتك وضرووسك.والأفضل ترك البقدونس فيهابعدالسمبوسه. 3- تجنبي الكركرة والتميلح وخفة
الدم.الزايدة مع أبو الشباب عشان
ماتصيحين بعدين
4- استبدلي كلمات الذرابة ويعني اني
رومنسية بالفاظ حاده مثل/ خير / أووووف وش تبي
يا خي / وغيرها من الكلمات اللي
تخليه يطير عيونه ويحس انه قاعد
مع خويه وإذا أنتي مرة خاقة قولي
نعم / جزاك الله خير ولا تكثرين
نصيحة
5- أيااااك ثم أياك من اللمس والتلزق
بجميع أنواعة تراهم بدايات لنهايات
وخيمة عشان كذا جمعي كل
كريماتك وعطوراتك وسكري عليهم
بدرج وأبلعي المفتاح وصيري ضبة
وتقدرين تكتفين بفازلين أو نيفيا لين
يعدي رمضان على خير
6- ابتعدي عما يشف ويهف ويلف
ويخلي رجلك يستخف وأستبدليه
بقميص الروز البرتقالي أبو ورود
خضر ولو تخلين أبو خيط عنك
في ذا الشهر ألفضيل وتجربين
سروال خط البلدة بتدعين
لي والله يخلي لك الوالدة
ايه يا يالحبيبة عشان ما تستأثمين فيه
الضعيف ترى بعضكم مويعني اني
مثيرااا مرررراااا حتااا وأناااا
سايمااا
7- حثي زوجك على التراويح وبعدها
يروح يدوووج بالشوارع أقصد رياضة
وإلا هدي حيله بالسوقة والسوبرماركت
عشان يخمد وينام بالنهار

8- لو زوجك كان مداوم وجاء لا تسوين
فيها سعاد حسني وتطيحين فيه
تخمخم وتبوس تقل جاي من الجبهة
أركدي واكتفي بالسلام بالأشاره.
9- عدم الاستجابة لدعوات زوجك
التمدد بجنبه بحجة أخذ قسط من
الراحة لأنك احتمال كبير ما عاد تقومين
10-لأيضيق صدرك يا بعدي ترى ذا
كله تلتزمين فيه من الفجر إلى
المغرب وبعدين فليها...... ههههههههههههههههه