ساعدوني بمصيبتي الله يجزاكم خير شوروا علي

[أسواق]

الموضوع ومافيه اني استرزق الله من تجارتي على النت زي التاجرات الحمد لله ما اكل مال احد ولا ارضى على نفسي الحرام وهذا متجريhttp://lojaain.blogspot.com/
ولي مندوبه بمكه تسلم الناس وتستلم منهم وعندها حساب بالراجحي بس اقامتها انتهت وحسابها توقف لين تجدد وجات واحده من زبوناتي تبغاني اشتريلها من موقع وماعندها حساب الا بالراجحي وماني لاقيه احد يكون حسابه بالراجحي تحول عليه ويرجع يحولي على بنك البلاد لقيت الاخ خلف وهو معقب بالجوازات وعرفناه عن طريق النت وهذا ملفه الشخصي
http://www.aswaqcity.com/member.php?u=155895
قلتله اخوي يمديني احول عليك بالراجحي وتحولي عن طريق بنك البلاد قال ابشري وحولت الحرمه5750 ريال قلتله حول منهم 1500 على حساب زبونه بالراجحي حولت وتراجعت وابغى ارجع لها فلوسها والباقي على حسابي بالبلاد ومر يومين وما حول قال معليش انا بالقريه حاليا ومافي صرافات ورجع ارسلي رساله انه حول ال 1500
وقامت زبونتي ومن دون ما ترجعلي حولت 4000 ريال ثانيه على حسابه تبغى طلبيات زياده صار المبلغ 8250 اللي بحسابه ارسلت له رساله عشان ابلغه بالتحويل الثاني جواله كان مقفل وما وصلت الرساله ومن هذاك الوقت صار لنا 13 يوم وجواله مقفل ولا حولي المبلغ الى الان ما ابغى اظن فيه ظن سيء بس طول الوقت وزبونتي تنتظر طلباتها المفروض انها على وصول لها وانا وربي لو امتلك المبلغ اقسم بالله كنت اشتريت لها والهم ما عاد يفارقني رح اخسر تجارتي وسمعتي ويصير برقبتي دين كبير للحرمه لولا الظروف ماكنت لجأت لهذا الشغل صرت ادور عالرجال بكل مكان يعني اذا عنده ظروف منعته يحولي رح اقدر والله وان شاء الله اقدر اعتذر للحرمه عن التأخير بس لو ايش كان يقدر يتصل يعتذر على الاقل يقدم اي عذر يطمني انه رح يحول ماني عارفه كيف اتصرف ولا كيف اوصله بس ابغى اعرف رح يحولي ولا لا
يا اخواني واخواتي بالله اش الحل في هذه الورطه ؟؟؟؟؟؟؟؟؟؟؟؟؟؟؟؟ شوروا علي ؟؟؟؟ ابلغ الحرمه بالحقيقه ؟؟ البنك يقدر يسحب المبلغ من حسابه مره ثانيه او يسحب اي مبلغ ينزل على حسابه ؟؟؟
اش الحل في هذه الورطه شوروا علي يا اهل الخير

حسبي الله ونعم الوكييييييييييييييييل