سعد العصيمي
12-11-2005, 09:58 PM
السلاااام عليكم
متواضعه ان شاء الله تعجبكم
سحابـةٍ هلـت مطرهـا همالـيـل=ترعد وتبرق بيـن حيـنٍ وحينـي
معها الأمل والأرض تبكي على السيل=مات الشجر واللـي بقـى وردتينـي
بعد الجفاف احيت سنيـن البهاذيـل=وأن ماسقتني وش بقي فـي يدينـي
يوم اقبلت ذعـذع عبيـر التماثيـل=نفحـة قصيـد وشوقهـا يغتشينـي
ترقص على النسمة وتعزف مواويل=ويطرب لها الخفـا ق قـدام عينـي
بين الفراق وبين عـذب المواصيـل=الله علـى باقـي عذابـي يعيـنـي
من شانها عانيـت ماهـوب تمثيـل=وصبرت والله يـرزق الصابيرينـي
ماقصدي ارجي من وراها محاصيـل=لكـن غلاهـا مـن زمـن مبتلينـي
كان الغموض اكبر من القال والقيـل=وأختصرت الموضوع في ( كلمتيني )
الفجـر ميعـاد القلـوب المغالـيـل=هي يحتريهـا الفجـر أو يحترينـي
صافحتهـا قـدر ومـودة رجاجيـل=وأن كان ماني قدهـا اقطـع يمينـي
وليا عشقـت ام العيـون المضاليـل=الـحـب لتالـيـن والآولـيـنـي
ماهمنـي لـو يزعلـون العواذيـل=من حقي اهواهـا وهـي تهتوينـي
امـوت فيهـا والمنايـا محابـيـل=وآخر سوالفهـا معـي( دمعتينـي )
امـا علـى الفرحـة نولـع قناديـل=ولا يمـوت الحـب منـي وفيـنـي
دمتوووبود
متواضعه ان شاء الله تعجبكم
سحابـةٍ هلـت مطرهـا همالـيـل=ترعد وتبرق بيـن حيـنٍ وحينـي
معها الأمل والأرض تبكي على السيل=مات الشجر واللـي بقـى وردتينـي
بعد الجفاف احيت سنيـن البهاذيـل=وأن ماسقتني وش بقي فـي يدينـي
يوم اقبلت ذعـذع عبيـر التماثيـل=نفحـة قصيـد وشوقهـا يغتشينـي
ترقص على النسمة وتعزف مواويل=ويطرب لها الخفـا ق قـدام عينـي
بين الفراق وبين عـذب المواصيـل=الله علـى باقـي عذابـي يعيـنـي
من شانها عانيـت ماهـوب تمثيـل=وصبرت والله يـرزق الصابيرينـي
ماقصدي ارجي من وراها محاصيـل=لكـن غلاهـا مـن زمـن مبتلينـي
كان الغموض اكبر من القال والقيـل=وأختصرت الموضوع في ( كلمتيني )
الفجـر ميعـاد القلـوب المغالـيـل=هي يحتريهـا الفجـر أو يحترينـي
صافحتهـا قـدر ومـودة رجاجيـل=وأن كان ماني قدهـا اقطـع يمينـي
وليا عشقـت ام العيـون المضاليـل=الـحـب لتالـيـن والآولـيـنـي
ماهمنـي لـو يزعلـون العواذيـل=من حقي اهواهـا وهـي تهتوينـي
امـوت فيهـا والمنايـا محابـيـل=وآخر سوالفهـا معـي( دمعتينـي )
امـا علـى الفرحـة نولـع قناديـل=ولا يمـوت الحـب منـي وفيـنـي
دمتوووبود