قليل الفـــود

[عبدالكريم بن خزيّم]

--(( قليل الفــــود ))--

زمانك تنجم فيه الفضيله=يموت الطيب والفزعه قليله
زمان البعض يمسك للدراهم=وقليل الفود يجلب للفشيله
يحسبه بالزمن هذا مخلّد=يبيع الكذب من نفس ٍ بخيله
يغش الخلق يحلف ماتوارى=بغاها يابشر بأيت وسيله

زمان ٍ تحتضر فيه المراجل=صفا للخبل وانسر الهبيله
إذا الفزعات تدعمها المصالح=ترى الشيمات ياعالم يبي له
زمان المال يقرن بالمراجل =وقليل المال ما احد ٍ بيعني له
وراع الطيب ياعالم به اقفى=تمنّى بعضهم يمكن رحيله
زمان الكود بالدنيا تمادى=يتعّب قوم ورجال ٍ اصيله
زمان الشخص يسرق مايهمه=هدفه فلوس مايبغى بديله
زمان العود والطبله تنادي =زمان الجنز والخل وخليله
واظن العز ياعالم توفى=في بطن الأرض تعلوه النصيله
واهل الطيب ياعالم قلايل=واهال المكر تكثر كل ليله
على الله ربنا وحده تعالى=يعدل الحال رب ٍ نلتجي له
وختم القول باصلي واسلم=على اللي علّم الكون الفضيله
تقديري للجميع ,,,,,,

[سامي العطاوي]

اللهم صل وسلم على محمد وعلى اله وصحبه اجمعين

ياسلام عليك ياعبدالكريم

صح لسانك ملايين ولا يكفون


مبدع دائما لاهنت

[فهيد بن لافي]

زمانك تنجم فيه الفضيله .... يموت الطيب والفزعه قليله

مع الأسف هذا زمان اليوم ... ومع ذلك الطيب يبقى بالرجال اللي مثلك وشرواك .


عبدالكريم بن خزيم

صحــــ لسانك

أبدعتـ

تحيتي .

[سلطانة غرام]

صح لسانك

[أنـ الذكريات ـين]

على الله ربنا وحده تعالى
يعدل الحال رب ٍ نلتجي له

سبحاانه..


اللهم صلّ على محمد..


صح لسانكـ أخوي عبدالكريم..

سلمتـ


تحيتيـ

[فايز بن علي]

الله اكبر

صح لسانك يالخزيمي

جزل ومبدع وصدقت

لله درك تقبل مروري

[أبوعبدالرحمن]

صح قلبك وكلك

وسلمت اناملك

وكل عام وانت بخير


تحيتي لك