هـل خـسـر الهــلال الـدوخـــي ؟

[بارق الشوق]

شد انتباهي سؤال جـداً مهم وخطير للغاية ورد

في جريدة الرياضية في الصفحة الأخيرة

يقول السؤال :

هـل خـسـر الهــلال الـدوخـــي ؟


من وجهه نظري بأن الكابتن أحمد الدوخي لاعب كبير وصاحب

مهارات عالية وصاحب امكانيات جداً قوية وانا أعتقد بأنه أفضل

لاعب اسيوي في مركزة وأعتقد بأنه خسارة لكل فريق

وبالتالي هو خسارة للهلال ولكن لا أعتقد بأن الهلال يقف

عند لاعب معين مهما كانت فعاليتة في الفريق .

محبتي وتقديري . .

[متعب الهزاع]

والله انه اي نادي عنده امكانية احمد الدوخي وانتقل منه اكيد راح يخسار كثسر
وانا من وجهت نظري انه الهلال خسر لاعبين من اهم العيبه عنده اللي اهم خميس واحمد ولا قدرو يعوضون مكانهم.

[بارق الشوق]

هو صحيح أنه لايوجد في الهلال من هو يسد خانه الدوخي

ولكن لا أعتقد بأن الهلال يقف عند هذا الحد . . فهناك نجوم في خانات ثانية

يستطيعون التقليص من هذا الفراغ

[متعب الهزاع]

لا ماعليش انا اخالفك الراي
لانه الهلال من يوم انتقل منه خميس العويران وهو لين الحين متوهق مالقى محور مثل خميس
انا توقع كذا

[بارق الشوق]

لا ماعليش انا اخالفك الراي
لانه الهلال من يوم انتقل منه خميس العويران وهو لين الحين متوهق مالقى محور مثل خميس

أخوي أنا معك ماراح نختلف في هذه النقطه . . . لايوجد من يسد خانه الدوخي والعويران

ولكن اللي انا اشوفه ان الهلال ماتضرر بانتقال الدوخي والعويران

لانه العام محقق اربع بطولات ان لم تخونني الذاكرة

اتمنى انك فهمت وجهه نظري

[خــــالـــــد]

بارق الشـوق

.
.

أي لاعب يترك ناديه .. فهو قد خسر

وأي نادي يفقد لاعب له فقد خسره

ولكن الهلال .. كسب " العصفور هذا الموسم " و " الياس الموسم الماضي "

وياسر الياس سيبقى لـ الزعيم بإذن الله

وأنا من رأي أن ياسر الياس في الموسم الماضي أنه قدم مستوى

أفضل من مستوى الدوخي في أيامه الأخيرة مع الهلال


شكراً لك




أخوكـ/خالد

[صقـــر غرابيل]

أحسنت أخوي .....خــــــــالد ........ على ها الكلام الجميل .......





الهــــــــــــلالي

><

><

><

><

[هلالي^الشرقية]

خروج اي لاعب مميز يعتبر بكل امانه خساره

[مهاجر الزعيم]

هو خسارة لو كان يبي الهلال
لكن هو مايبي الهلال
وارجع لأخر مباريات لعب فيها مع الهلال
مانغصب احد على البقاء
والحمدلله فيه من يكفون ويوفون
شوف خميس الان وش مسوي مع الاتحاد
والهلال عنده الان احسن من خميس

[بارق الشوق]

خالد . . . . وجهه نظر نحترمها

ولكن لا أعتقد بأن ماقدمه ياسر الياس يضاهي ماقدمه الدوخي في الهلال

والان في الاتحاد

محبتي . .

[بارق الشوق]

عطا . .. . أنظر ماكتب للأخ خالد أعلاه .. شاكر تواجدك

محبتي ..

[بارق الشوق]

هلالي الشرقية

صدقت فيما قلت

محبتي

[بارق الشوق]

مهاجر .. حبيب قلبي

هذا أحتراف لايعرف يبي الهلال ام لا .... الأمور لاتوخذ بهذه الطريقة

الرجل أتى له عرض من فريق منافس أفضل من عرض نادية والأنسان يريد

ضمان مستقبلة

وعلى العموم هذا ليس بحديثنا اليوم

حديثنا هوه هل خسر الهلال بانتقال الدوخي لصفوف الأتحاد ؟

[بومساعد]

لا الهلال خسر الدوخي ولا الدوخي خسر الهلال الأثنين كبار

[مهاجر الزعيم]

هذا أحتراف لايعرف يبي الهلال ام لا
طيب لو كان هو يعرف الاحتراف صح ليش كان يتغيب اخر ايامه ويلعب من دون نفس


حديثنا هوه هل خسر الهلال بانتقال الدوخي لصفوف الأتحاد ؟
لا ابدا
الموسم الماضي الهلال حقق اربع بطولات
اغلبها لم يلعب فيها الدوخي او لم يكن له دور بأستثناء بعض المباريات
والموسم الحالي شفت كيف مستوى الهلال الجهه اليمنى قوية جدا بل احسن من السابق

[بسمة امل]

اخوي
شي طبيعي الهلال خسر
ولكن يكفي ان الدوخي خسر محبة الهلاليين
كم سنه له بالزعيم واخرتها يغيره مبلغ مالي
هذي هي الكورة في نظرهم مصالح
بس انا اعتقد ان الكورةعشق للنادي اللي انت تلعب فيه

وجهة نظر

[صقـــر غرابيل]

أخوي .....بارق الشوق ......هذه وجهة نظري ووجهة نظر الأخ العزيز على قلبي .....خالد ......يجب أن تحترمها ......كما نحن

نحترمك ونحترم وجهة نظرك........تحياتي .....

[خــــالـــــد]

بارق الشوق

.
.

لو ركّزت شوي في ردي بـ تلاقيه كذا


وأنا من رأي أن ياسر الياس في الموسم الماضي أنه قدم مستوى

أفضل من مستوى الدوخي في أيامه الأخيرة مع الهلال

ياليت تدقق بـ ما خطّ باللون الأحمر ....!!! وتعرف معنى كلامي أنت فسّرته خطأ

شكراً لك يالغالي




أخوكـ/خالد

[متعب الهزاع]

أخوي أنا معك ماراح نختلف في هذه النقطه . . . لايوجد من يسد خانه الدوخي والعويران

ولكن اللي انا اشوفه ان الهلال ماتضرر بانتقال الدوخي والعويران

لانه العام محقق اربع بطولات ان لم تخونني الذاكرة

اتمنى انك فهمت وجهه نظري


ماعليش انى نتكلم على العيبه مو على البطولات

ياخي الاتفاق محقق بطوله العام
انا اقصد العيبه
ياخي ريال مدريد عنده افضل لعيبه في العالم بس له ثلاث سنوات والحين السنه الرابعه ولا حقق بطواله

انا اقصد العيبه مو البطوله .

انا اقصد انه لو الهلال لو مافرط في العويران والدوخي كان زادة قوة الهلال

[متعب الهزاع]

هو خسارة لو كان يبي الهلال
لكن هو مايبي الهلال
وارجع لأخر مباريات لعب فيها مع الهلال
مانغصب احد على البقاء
والحمدلله فيه من يكفون ويوفون
شوف خميس الان وش مسوي مع الاتحاد
والهلال عنده الان احسن من خميس


وشلون عندكم احسن من خميس وانت شارين الغنام



وبسألك تقارن عزيز بخميس بعد ولا مين ولا مين اقول ولا لاعب حالياً غط مكان خميس في الهلال

هذي وجهة نظر

[متعب الهزاع]

[quote=
والموسم الحالي شفت كيف مستوى الهلال الجهه اليمنى قوية جدا بل احسن من السابق[/quote]


هذي مشكلة الهلالين انه اي لاعب ينتقل يحطونه فاشل والله لو ان سامي ينتقل من الهلال ويروح لاي نادي قالو لاعب فاشل ماسو شي


لانه كذا الهلالي

يوم انتقل فهد الغشيان للنصر قالو لاعب فاشل ولا يفيد الفريق

والثنيان يوم كان راح ينتقل للنصر واللي كان بينقله صاحب السمو الملكي عبدالعزيز بن فهد بثلاث ملاين ريال قالو لاعب مافاد الهلال ومشاكله كثيرة
وخميس يوم انتقل للاتحاد قالو لاعب اخلاقة فاشله وان الهلال مايبونه ومن هالكلام
والحين يوم انتقل الدوخي قالو انه مستوه فاشل
والهلالين اهم اللي مسمينه الاند كروزر والالقاب ومادري كيف
وين كلامكم عن الدوخي وعن خميس وعن الغشيان وعن يوسف اول



واكبر دليل انه سامي قبل ثلالث سنوات كان فاشل والله مافيه هلالي اجلس معاه الا ويدعي عليه وليه مايعتزل ومن هالكلام والحين بيذبحونى عليه.

وارجو انكم تذكرون سامي يوم في السنه اللي كانت فيه كاس العالم وبعدها يعني قبل ثلاث سنوات كان هذا مستو سامي لا بطبع وارجو من الجميع التكلم بدون الميل لنادي اللي اهو يميل له.



ارجو عند التحاور في الرياضه ان نترك الفريق اللي نميل له ونتكلم للفائده.

[مهاجر الزعيم]

وشلون عندكم احسن من خميس وانت شارين الغنام
طيب انا اقولك هالكلام بوجود الغنام

وبسألك تقارن عزيز بخميس بعد ولا مين ولا مين اقول ولا لاعب حالياً غط مكان خميس في الهلال
والله بالوقت الحالي عزيز افضل بمراحل


يوم انتقل فهد الغشيان للنصر قالو لاعب فاشل ولا يفيد الفريق
طيب وش سوا الغشيان مع النصر
لاعب لديه مهارات لكنه مزااااجي

والحين يوم انتقل الدوخي قالو انه مستوه فاشل
والهلالين اهم اللي مسمينه الاند كروزر والالقاب ومادري كيف
وين كلامكم عن الدوخي وعن خميس وعن الغشيان وعن يوسف اول
والله الدوخي قبل لاينتقل ماكان الدوخي الي كنا نعرفه
كان ماهو ملتزم بالتدريب ومستواه هابط جدا

[متعب الهزاع]

اعلمك ليه مستواه هابط لانه مايبي الهلال
يبي ينتقل للأتحاد والدليل انه الهلال قدم له عرض 3 مليون والاتحاد شراه بسته مليون
يعني الهلال له 70 %من قيمة الصفقه والدوخي له 30% يعني الدزخي جاه جاه تقريباً1800000الف مليون وثمان مية الف
يعني اقل من عرض الاتحاد واهو قاله على الإارتي على الهواء مباشر وفي بعد المباراة مع العين جريدة الرياض او الجزيرة انه الحين راح يكشف السر ليه انتقل للاتحاد علشان يشارك في العالميه.

والحين الدوخي مستواه مع الاتحاد ماشاءالله عليه اوكيه
تقدر تنكر هالشي.

وارجو انه نتكلم بدون تعصب

[بارق الشوق]

حياك بو مساعد وانته كمان كبير ياباشا . . . شاكر تواجدك ياعسل

[بارق الشوق]

أخوي .....بارق الشوق ......هذه وجهة نظري ووجهة نظر الأخ العزيز على قلبي .....خالد ......يجب أن تحترمها ......كما نحن

نحترمك ونحترم وجهة نظرك........تحياتي .....

هذا ردي على الأستاذ خالد :


خالد . . . . وجهه نظر نحترمها

ولكن لا أعتقد بأن ماقدمه ياسر الياس يضاهي ماقدمه الدوخي في الهلال

والان في الاتحاد

محبتي . .

وهذا ردي على الأخ عطا


عطا . .. . أنظر ماكتب للأخ خالد أعلاه .. شاكر تواجدك

محبتي ..

أترك الحكم للأخوان في هذا المنتدى . . .

أعتقد بأني وضحت في ردي على الأخ خالد بأني أحترم وجهه نظره

ولم أقلل من شانه لاهو ولا الأخ عطا

وأعتقد بأن ردي لايسي للأخوان بشي . . . ولاأعتقد بأني تلفضت بكلمات غير لائقة تقلل من أحترامهم

أعتقد بأن الأخ عطا يهوا أثارة المشاكل ويحاول توجيه الموضوع الى منحنيات أخرى

على العموم أذا ردي " الذي لاأعتقد بأنه يقلل من أحترامهم " قد يفهم منه كلا أخر

فا أنا أعتذر لكم . .

[بارق الشوق]

بسمه امل

وجهه نظر نحترمها

بس الكورة ليست كما انتي تريدين

هذه وظيفتهم هذا رزقهم اللي يأكلون منه

من الكورة يكتسون ويلبسون وينفقون ويصرفون

والأنسان بطبيعته يحب الأفضل يريد الدخل العالي

وهذا الشي ليس بحرام

[بارق الشوق]

ياليت تدقق بـ ما خطّ باللون الأحمر ....!!! وتعرف معنى كلامي أنت فسّرته خطأ

شكراً لك يالغالي

دققنا في كلامك وعرفنا المقصود ياباشا

[بارق الشوق]

اللعيبة هم الفريق لا يقوم الفريق الا بهم ياميتو