نصايح للسفر !!

[حواء غرابيل]

السلام عليكم ورحمة الله وبركاته:p

بنات لاحظت اننا دول الخليج عامة وايد نخطي لما نسافر ونخسر فلوسنا ووقتنا بطريقة مو لازمة:bbbiu:

وهذي شوية نصايح يمعتها من العضوات وشوية مني وشوي من الناس الي اعرفهم

1. لما تبون تسافرون للتسوق نصيحة اخذي جنطة وسط حطي فيها هدومج وكل شي وحطيها داخل جنطة اكبر جذي لما توصلين عندج جنطتين كبيرة ووسط بدل جطنة وحدة كبيرة

2. اشترو بطاقات للباصات والاندرجراوند يوفر عليكم التاكسي بوااايد

3. لا تشترون من اي بقالة او مطعم عربي لانهم يرفعون الاسعار بشكل خيالي

4. اذا رايحة لدولة غريبة يمعي كل المعلومات الي تقدرين والاسعار عشان ما يخدعونج باسعار اغلى بوايد

5. اذا انتي عايلتج كبيرة اخذو شقة او شقة فندقية وايد ارخص واحسن لكم

6. لا تسوقين بأول يوم لأن يمكن بثاني يوم رحتي سوق احلى فخلي دايما التسوق اخر يوم اخر يومين

7. سراويل داخلية قديمة وملابس بتقطينها لا تقطينها سافري فيهم واستخدميهم وقطيهم احسن من انج تغسلين كل شوي ويمكن تقدرين تلبسين لبسسج اليديد هناك ^^ خخخ

8. قبل لا تدفعين للفاتورة جيكي تره مرات يزيدون اشياء عشان يخدعون العرب

وراح ازيد نصايح مني مناك بس حتى انتم زيدو مو التعب لي والوناسة لكم :D:D