حلم الذهب

[حواء غرابيل]

السلام عليكم

كل الشكر لكم على هالقسم الحلو ..

بسم الله ابدا ..

حلمت البارح بغرفتي الواقعية الي ف بيتنا انه كانوا عيال جيراننا الصغار يلعبون بالحوش
الي فبيتهم .. وازعاج الاطفال وصراخهم واصل لي داري ..

عاد قمت طليت من دريشة داري على حوشهم وقلت حبايبي صوتكم عالي ولا اشوف خداماتهم

وقلت سكتوهم واعطيكم كل وحده ساعة كانوا خدامتين

وطلعت صندوق اكسسواراتي وقلت للخدم يالله نقو وفي ساعات واجد
المكسورة والحلوة المهم واجد ساعات

ولا اشوفهم ينقون خواتم ذهب انا قلت لهم لا مو الذهب عطوني نقوا سااعات

وطلعوا كل الذهب الي بالصندوق وقلت لهم وييي انا الذهب هذا خاشته لوقت العازة

تصدقون ناسيته زين طلعتوه لي وكان ذهب كثير

وقعدت اقول اي هذي حق فلانة شريتها نسيت اعطيها وكانوا تراجي بأسمها

وقلت هذي شريتها لامي نسيت اعطيها وكانت قلادة على اسم امي

فجأة اختفوا الخدامات ولا تطلع امي وقالت ترا اخذت من الذهب وبعت انا محتاجة قلت لها :عليج بالعافية

يعدين اكتشفت انها ماخذه اغلبه وزعلت عليها قلت ليش ماخذه كثير انا قلت تاخذين قطعة قطعتين

قالت برجعه لج لاتخافين وسكت وانتهى الحلم





شنو التفسير


للعلم انا عازبة وللحين ادرس