على أي طريقة تفضلوا الزواج؟

[حنين الماضي]

السلااااااام عليكم

أخواني وخواتي حبيت انقل لكم ماقرأته من عادات بعض القبائل الافريقية والهنديه وغيرهما

في كيفية زواجهم...(بصراحة انصدمت من عاداتهم بقوة)

اشوف انتم مثلي لو ..لا..


أولا..

في جزر كوك تسير العروس على بساط من الآدميين..اذ يستلقي الشباب علىو جوههم الى الارض

وتعبر العروس ماشية فوقهم حتى تصل الى مكان الاحتفال...

(((ياربي وش هالاهانه..معليش شباب امسكوا اعصابكم..هههههه)))



ثانيا...

بعض القبائل الافريقية يحتفلون بزفاف العريس محمولا على الاكتاف كما لو كانوا يحملون نعش

ميت يشيعونة ليدفنوه في المقبرة بينما تحمل العروس بالايدي وعلى الرؤوس..

((احم احم))




ثالثا...

في بورما يطرحون العروس ايضا..ثم يقوم رجل مسن بثقب اذنيها لكنها حين تصرخ من الالم

وتتوجع تعزف الموسيقى الصاخبة حتى لايسمع احد استغاثتها...

(((تعزير حشا مو زواج)))




رابعا..

في مقاطعة هونان بالصين اذا اراد احدهم خطبة فتاه ما فانه يرسل لوالدها رسالة بداخلها ابرة

فاذا رجعت اليه الابرة وفيها خيط كان معنى ذلك الموافقة على الزواج واذا ارجعت الابرة

بدون خيط فذلك يعني عدم الموافقة ...


(((ياحراااااااااااام والمسكين جالس ينتظر الخيط...هههههههههه)))


هاااااه


وش رايكم؟




يالله عاد سؤال للجميع


على اي طريقة تحبوا انكم تتزوجوا؟؟

[فيصل بن بدر العتيبي]

افضلها على الطريقة المكسيكية :biggrin: :biggrin:

اولا اشكرك على الموضوع

ثانيا طال عمرك افضلها على طريقتنا المعتادة

لأننا بالسعودية وطريقتنا وحده :11ight_li

كل عام وانت بخير

[مشاعر حالمه]

امحق طريقة والله كلها شينه الله عزنا بدينا وأكرمنا خير إكرام ...


انا والله أفضل اعرس على هودج فوق ناقه خخخخخخخخخخ والعجز يلولشون ياحليلهم


تصدقين اتحدى وحده تعرس الحين كذا فوق ناقه مرة وحده والله آخر موضة في الزفات خخخخخخ


في مقاطعة هونان بالصين اذا اراد احدهم خطبة فتاه ما فانه يرسل لوالدها رسالة بداخلها ابرة

فاذا رجعت اليه الابرة وفيها خيط كان معنى ذلك الموافقة على الزواج واذا ارجعت الابرة

بدون خيط فذلك يعني عدم الموافقة

عاد هذي طريقة محترمه وذربه يمكن تصلح في هالزمن والله مادري الله يخارجنا بس

تحيتي لج يالغلا ومشكورة على الموضوع الحلو ...أختج / مشاعر حالمه ...

[صقـــر غرابيل]

بصراحه ......حلوه طريقة الخيــــــــــــــط


الحمد لله على كل حال .........تزوجنا وخلصنا ....


بس طريقة الخيط للثانيه .....أحم أحم ....لا تدري المره

[حنين الماضي]

اخوي فيصل..

والله صادق مافيه مثل عاداتنا...مدري والله وش هالخرابيط....

ومشكورة على مرورك...

وكل عـــــــــــــــــــــــا م وانت بخير

[حنين الماضي]

مشاعر حالمه....هودج؟؟؟

ههههههههههههههههههههه

والعجز ...ايوالله ياحليلهم....


تسلمي اختي على مرورك...

وكل عـــــــــــــــــام وانت بخير...

[حنين الماضي]

عطا...ممكن رقم زوجتك؟

وحدة نـــــــــــــــــــذله...� �ههههههههههه

مشكوره اخوي على مرورك...

وكل عـــام وانت بخير

[مبـــارك]

ولا طريقة اختارها .. ابيها زي ماتجي تجي

خخخخخخخخخخخخخخخ

مشكورة اختي حنين الماضي على الموضوع الرائع

تحيـــاتي لك

[حنين الماضي]

مشكورة اخوي مبارك على مرورك....


وكل عـــــــــــــام وانت بخير

[ياسر الزهراني]

انا افضل اتزوج بأي طريقة المهم نتزوج



الله يعين المهور عندنا غاليه



اثنين من اولاد عمي تزوجوا السنه اللي راحت مهر كل بنت 150 الف ريال


يعني الثنتين 300 الف ريال




الله يسهلها

[حنين الماضي]

مشكورة اخوي ياسر على مرورك...


هذي المشكلة...الله يعين الشباب...

بس وين البنات من قول الرسول (بالمعنى طبعا)ايسركن مهرا اكثركن بركة...مين يفهم عاد؟

[ياسر الزهراني]

قولي وين ابائهم من هالحديث



الله كريم

[قويــ الأمل ــة]

والله انا افضل عاداتنا ...........

بكثير....مع احترامي لعادات الدول الاخره........

[اغ غ غ وبا]

امحق طريقة والله كلها شينه الله عزنا بدينا وأكرمنا خير إكرام .....



اخوك//

اغ غ غ .... وبا

[حنين الماضي]

قوية الامل

اشكر لك مرورك...

وفقك الله

[حنين الماضي]

اغ غ غ ..وبا

شكرا على مرورك .. والحمد لله على عاداتنا..

[ملكة]

اما بهذي صدقت غلا المهور صار شي غيررررر طبيعي

حشاااااااااا مزااااااااااااااااااااد علني موب زواج

الله ييسر امورنا ويرزقنا الازواج الصالحة هذا اهم شي

تحيااااااااااااااااااااات ي

[حنين الماضي]

والله صاااااااااااااادقة

ولايفوتك...اذا وحده مهرها 100000جت الثانية وش تقوووووووووووول عاد...

مافلانه احسن مني....مايصير مهرها اكثر من مهري...اما تفن زيها والا تزيد...


واللي يروح فيها الشباب المسااااااااااكين...

الله يكون بعونهم..

مشكوره اختي على مرورك

[خــــالـــــد]

حنين الماضي

.
.

طرق غريبة فعلاً

الله يعطيك العافية على سردها لنا

هناك قبيلة في موريتانيا .. طريقة الزواج فيها

يضعون الزوجة فوق شجرة .. ويحيطون أهلها بـ هذه الشجرة

والزوج .. يجب أن يخترق الأهل " المحيطين " بالشجرة ويصعد

للشجرة وينزلها حتى يثبت لهم أنه يضحي .. من أجلها



شكراً لك





أخوكـ/خالد

[حنين الماضي]

هلا اخوي خالد شكرا على مرورك

وشكرا عالاضافة...

تحياتي

[سقراط]

أنا افضلها كلها على عاداتنا والقبيله الكذابه ..

يعني تخيلوا 150 الف مثل ماقال الاخ ياسر الزهراني

متى بيجمعها شاب راتبه مثلا 4000 وماعنده بيت وسياره الخ ...

يبغاله اقل شي 20 سنه عشان يجمع تكاليف الزواج

عادات ماترضي الله

[حنين الماضي]

أول شخص مؤيد....؟؟؟؟

الجنوبي....

بالفعل المغالاة في المهور الجميع يشكي منه...

بس ملاحظة في الاجازات الماضية اكثر وحد تزوجت كان مهرها 80 الف والخمسين هو الغالب في الوقت هذا...

ووحدة اعرفها متزوجه ب(35)الف..

يعني مو كل عادات الناس تجبر ان يكون مهر بنتهم 150 الف...

مشكور اخوي على مرورك

وفقكم الله

[رمسون]

غيرتوا مسار الموضوع وقلبتوا على المهوووووور بس مامعكم غير الاربعين


خخخخخخ

[حنين الماضي]

هههههههههههههههههههههه

هلا رمسون ..

مشكور على مرورك...

مافية مسااار ثاني ند خل فيه؟

خخخخخخخخخخخخ

تحياتي

[شـــــووشـــــه]

وه ياملحنا والله وملح طرق زواجنـا , وش هالتعجيز في زواجاتهم !! مسيكينه ذي اللي اذا صارخت بدوا يعلون الميوزك !! رحمتها وربي ,,



صنكيو مودمزييل


سلام

[حنين الماضي]

شووشة

مشكوره على مرورك

[بغـدادالأمجاد]

ياحرام والله يحزنون الشباب الي تمشي العروس عليهم

والله أهانة

الحمد لله والشكر والحمد لله على نعمة الأسلام

والله اني قرأة بكتاب عادات غريبة شبيهة بهذي وهي أنا العروس يضربها العريس ويهينها أما م الحاضرين ويشد من شعرها

يارب لك الحمد والشكر

شكر يالغالية على الموضوع

تحياتي/

بغدادالأمجاد

[السُّلمي]

حنين الماضي .


اسعد الله وقتك بكل خير ومسرة .


ماأقول إلا الله يعين هؤلاء على الزواج .

واحد ينهان وواحد ينتظر . لله الشكوى .

بصراحه طريقه الزواج الذي نحببها قد تختلف من شخص الى اخر .

ولكن البعض لايحب الانتظار يذهب هو وأبيه وبعضاً من عائلته الى دار
فتاة الاحلام ليوضح له رغبته في يد المذكورة اسمها ؟؟؟ يعني مولازم نذكر اسامي
وبعد دقائق من التفاهم مابين الطرفين يتم إتخاذ القرار الحتمي . هذا بالنسبه لما قبل الزواج .


أما في طريقه الزفه وماشابه ذلك فالأفضل أن لانخرج عن عاداتنا وتقاليدنا
ولو إني افكر في زفه من وسط البحر . هههههههه


لك مني فائق التحايا والاحترام

اخوك.. السُّلمي

[سود العيون]

يا ساتر

:biggrin:




عادات غريبة عجيبة




بالنسبة لي ولا طريقة دخلت دماغي :biggrin:

لأنها كلها عبط :11ughboun

مع إحترامي لكل من يتمسك بعاداته وتقاليده :blushing:




أما بالنسبة لنا الزواج يبدأ بــ زغـــروته :كلوش: من الأم

وينتهي بزغروته من الحماة :110:


هذه ابسط عاداتنا وتقاليدنا :biggrin: الزغاريت :110:

أجمل الأعراس تكون ببساطتها وعدم التكلف بها / وأن تبقى محافظة على تلقائيتها /





حنين الماضي

الف شكر لكِ على ما قدمتيه لنا سطور



سود

[حنين الماضي]

بغداد الامجاد

الحمد لله الدين نعمة...نحمد الله ونشكرة...

مشكورة اختي عالمرور...

[حنين الماضي]

السلمي

حياك الله...

هذي بالفعل العادات اللي نحييها...

أما زفة من وسط البحر...فعلى كذا لازم تخطب حورية...هههه

مشكور اخوي عالمرور

[حنين الماضي]

سود العيووووون

نورتينا بطلتك...

ومشكوررررررررررة عالمرور

[كليوباترا]

في جزر كوك تسير العروس على بساط من الآدميين..اذ يستلقي الشباب علىو جوههم الى الارض

وتعبر العروس ماشية فوقهم حتى تصل الى مكان الاحتفال...


انا ابغى هذي


خخخخخخخخخخخخخخخخخخخخخخخخخ


يعطيك العافيه عالموضوع ..


تحياتي

كيبوو

[مــيــزو]

حنين الماضي

يعطيك العافيه على الموضوع الشيق


واضم صوتي للأغلبيه


طريقتنا الاسلاميه وفقط

*
*
*
*
*

اما الطريقه هذي


بعض القبائل الافريقية يحتفلون بزفاف العريس محمولا على الاكتاف كما لو كانوا يحملون نعش

ميت يشيعونة ليدفنوه في المقبرة بينما تحمل العروس بالايدي وعلى الرؤوس..


ايه لازم يشيلون الرجال على نعش بلاهم عارفين ان المصايب جايته

ههههههههههههههههههههههههه هه



ولكِ فائق احترامي وتقديري







اخوك

مــيــزو

[هلالي^الشرقية]

نبي الزواج على الطريقه الاسلاميه واهم شي التكاليف تكون معقوله ومافيها اسرا وبذخ

[حنين الماضي]

كليوباترا...

وش هالحركااااااااااااااات....

ياعيني على الاختياااااار....

ولايهمك سويها ....وراح تصير بعدييييييييين موضة...(عاد شوفي متى)

ههههههههه

مشكوره عالمرور...

[حنين الماضي]

ميزو..
ههههههههههههه

والله اول ماقريت هالطريقة دار في بالي ماكتبته...

مشكور اخوي

[حنين الماضي]

هلالي الشرقية...

صدقت ...ومافية احلى من الطريقة الاسلامية

نورتنا بحضورك