المساعد الشخصي الرقمي

مشاهدة النسخة كاملة : عويد العطاوى والعيد السعيد


محمد السليس
29-10-2005, 11:01 PM
في مرابع منتدانا الزين من عين عويد = راعى العلم السمين وراعى البشت الحساوى
ياعويد من يعيد قبل ما العالم تعيــــد = يمكن انه ماسمع سمعــــــــة شليويح العطــاوى
فيصل بن بدر العتيبي
29-10-2005, 11:04 PM
في مرابع منتدانا الزين مـن عيـن عويـد
راعى العلم السمين وراعى البشت الحساوى
ياعويد من يعيـد قبـل مـا العالـم تعيـد
يمكن انه ماسمع سمعة شليويـح العطـاوى


لاتعليق بداية قوية يالسليس

في انتظار الرد من عويد :biggrin:
بعيد المراميس
29-10-2005, 11:29 PM
الله الله

شليويح العطاوي ياسلاااام سلم يابو علي

وفي انتظار المبدع عويد وانا مدري وينه عقب اليوم بغى يسبب لنا مضاربه الله وكيلك ههههههه

لاااااكن متابع
أبوعبدالرحمن
29-10-2005, 11:45 PM
في مرابع منتدانا الزين مـن عيـن عويـد
راعى العلم السمين وراعى البشت الحساوى
ياعويد من يعيـد قبـل مـا العالـم تعيـد
يمكن انه ماسمع سمعة شليويـح العطـاوى

ياسلااام


وانا هالمرة في صفك يابوعلي
عـويد العطاوي
30-10-2005, 12:15 AM
مرحبا يابوعلي ومن العايدين

استلم



في مرابع منتدانا يوم نغزي ونتصيد=نوب نلقى طير حر ونوب نلقى طير واوي

وأنت شاعر يالسليس وماخذٍ تقدير جيد=مااااار تكفى يامحمد لاتضيعك الهقاوي
عـويد العطاوي
30-10-2005, 12:17 AM
فيصل بدر

مرحبا ومسهلا وانا أخوك
عـويد العطاوي
30-10-2005, 12:19 AM
مرحبا يابو جسااااار


أحمد الله يوم فكني بغى يجني علي أبو معاذ

ههههههههههههههههههههههههه ه
عـويد العطاوي
30-10-2005, 12:19 AM
ابو عبدالرحمن


ياهلا وغلا أسعد الله مساك
عـويد العطاوي
30-10-2005, 12:21 AM
أبو علي

أسمح لي الصلاة معنا نبي نخليها دفعات

تحياتي
سعودعبدالله
30-10-2005, 12:38 AM
متاااااااااااااااااااابع

وفي الصف المواااااااااااااااالي

صحت قلوبكم
أبوعبدالرحمن
30-10-2005, 01:37 AM
في مرابع منتدانا يوم نغـزي ونتصيـد
نوب نلقى طير حر ونوب نلقى طير واوي

وأنت شاعر يالسليس وماخذٍ تقدير جيـد
مااااار تكفى يامحمد لاتضيعك الهقـاوي


ياسلاام

متااابع وبقوووة

صحت قلووبكم
مرزوق العطاوي
30-10-2005, 01:53 AM
ياسلام

محمد السليس
و
عويد -----وانا في صف عويد يامحيميد
محمد السليس
30-10-2005, 07:24 AM
العذر يااعويد على الغياب الباارح مير اخذت غطه قبل القياام

واستلم لاهنت


دامنى بالمنهج المظبوط ماشي ومتقيد =ما انت شايف غار ذيب ٍ شوحته شوحة نداوى
اصلح النيه وتبنى قصر فالجنه مشيد = لاتوصيلك حريص ولا تهاب ولا تراوى
محمد السليس
30-10-2005, 07:28 AM
ابو بدر
مرحبا ومسهلا وانا أخوك

ولاهنت والله

بعيد المراميس

هههههههههههههههههههههه

اتجه الى الماسنجر في حال اتصالك وارسل الينا مااجرى ليلة امس للاهميه

ابو عبد الرحمن

لى سنه طال عمرك وانا انتظر هاليوم المبروك من رمضان العام مااجيت صفي

لاخلا ولاعدم يااعزيزي

سعود عبدالله

منها وابعد ان شاء الله
فيصل بن بدر العتيبي
30-10-2005, 08:13 AM
في مرابع منتدانا الزين مـن عيـن عويـد
راعى العلم السمين وراعى البشت الحساوى
ياعويد من يعيـد قبـل مـا العالـم تعيـد
يمكن انه ماسمع سمعة شليويـح العطـاوى


في مرابع منتدانا يوم نغـزي ونتصيـد
نوب نلقى طير حر ونوب نلقى طير واوي
وأنت شاعر يالسليس وماخذٍ تقدير جيـد
مااااار تكفى يامحمد لاتضيعك الهقـاوي

دامنى بالمنهـج المظبـوط ماشـي ومتقيـد
ما انت شايف غار ذيب ٍ شوحته شوحة نداوى
اصلح النيه وتبنـى قصـر فالجنـه مشيـد
لاتوصيلك حريـص ولا تهـاب ولا تـراوى


ماسك الصفين :biggrin:

تسلم والله يابو علي في انتظار عويد :11ight_li
أمل عبدالعزيز
30-10-2005, 09:09 AM
.
.
.

.


الله عليكم والله محاااورة خطيرة

وفي صفك ياعوويد ولايهون ابو علي

في مرابع منتدانا يوم نغـزي ونتصيـد
نوب نلقى طير حر ونوب نلقى طير واوي

وأنت شاعر يالسليس وماخذٍ تقدير جيـد
مااااار تكفى يامحمد لاتضيعك الهقـاوي

صح قلبك ياعويد وبصراحة ننتظرك بعد ماقال السليس/

دامنى بالمنهـج المضبـوط ماشـي ومتقيـد
ما انت شايف غار ذيب ٍ شوحته شوحة نداوى
اصلح النيه وتبنـى قصـر فالجنـه مشيـد
لاتوصيلك حريـص ولا تهـاب ولا تـراوى
عـويد العطاوي
31-10-2005, 01:43 AM
أستلم ياوعلي


جعل راع الموتر اللي في أيمن الديرة يسيد=أن عطى له خطٍ أسود وأن عطى جوٍ خلاوي


لن ذبحنا لك قعود ولن ذبحنا لك قعيد=لامسمينك فقير ولا مسمينك غناوي
عـويد العطاوي
31-10-2005, 01:45 AM
سعود عبدالله

ياميت هلا يا أبضااااي
عـويد العطاوي
31-10-2005, 01:46 AM
مرزوق

هلا وغلا

شرفتنا يابوهاني
عـويد العطاوي
31-10-2005, 01:48 AM
أمل عبدالعزيز

هلا ثم هلا ثم هلا لآن مايبقى ولاهلا

شرفتينا بمرورك العاطر
الزعيم الأول
31-10-2005, 08:32 PM
جعل راع الموتر اللي في أيمن الديرة يسيد
أن عطى له خطٍ أسود وأن عطى جوٍ خلاوي
.


لن ذبحنا لك قعود ولن ذبحنـا لـك قعيـد
لامسمينـك فقيـر ولا مسمينـك غنـاوي
.

جعل راع الموتر اللي في أيمن الديرة يسيد
أن عطى له خطٍ أسود وأن عطى جوٍ خلاوي

.

لن ذبحنا لك قعود ولن ذبحنـا لـك قعيـد
لامسمينـك فقيـر ولا مسمينـك غنـاوي
.

اللــــــــــــــه اللــــــــــــــــــــه

الليل الليل يابو علـــــــي
وعاني فالصف الموالي في
جنب ســــــــــعــــود يابو فيصل
محمد السليس
31-10-2005, 11:50 PM
الله الله

استلم


قلتلك سدى منيع ومن يحوصلي يتيد = لو يلف ولو يدور يطيح فالارض متساوى
وانت شفت الموتر اللى حاص فالدرب وتحيد =عقب ماجانا جديد امسا كما وارد عراوى
عـويد العطاوي
01-11-2005, 03:15 AM
أستلم



خابرٍ سدك منيع ولا عليه من حميد=أبك حنا ياحميد ماتروعنا العزاوي

أنت تدري يامحمد والله أني ماتسيد=علمو راع المناوي مايسرنٍ المناوي
فيصل بن بدر العتيبي
01-11-2005, 05:27 AM
خابرٍ سدك منيع ولا عليه من حميد
أبك حنا ياحميد ماتروعنا العـزاوي

أنت تدري يامحمد والله أني ماتسيـد
علمو راع المناوي مايسرنٍ المناوي


صح لسانك ياعويد

وصح لسان ابو علي

متابع :icon_cool
محمد السليس
01-11-2005, 05:35 AM
استلم


قر فوق الارض مالك من عنادك ياعنيد = المطايب لاتدور الا عليها عود جــــــاوى
مع شديد الباس ياذيبان مايصبر شديد = وانتبهلي لايطير الستر عن مبسم مضــــــــاوى
محمد السليس
01-11-2005, 05:37 AM
امل عبدالعزيز

الف هلا وغلااا ياا استااذتناا الكريمه

مرورك تشريف

ابو بدر

عساانى مااخلا هالحضوور ورااعيه يالذيب

لاهنت والله
فيصل بن بدر العتيبي
01-11-2005, 05:45 AM
قر فوق الارض مالك من عنادك ياعنيـد
المطايب لاتدور الا عليها عـود جـاوى
مع شديد الباس ياذيبان مايصبـر شديـد
وانتبهلي لايطير الستر عن مبسم مضاوى

الله يسلمك يابو علي :icon_cool

صح لسانك يالغالي

وماسك الصف لهالحين

والله الظاهر ماهنا روحة للجامعة :biggrin:

بنواصل على هالمحاورة انتظر رد

عويد اخلص علينا ياعويد ورانا جامعة :biggrin:
عـويد العطاوي
01-11-2005, 11:50 PM
هلا بالجميع دون استثنأ
..
واستلم يابو علي وعيدك مبارك

وصح لسانك وشكرآ على هذه الدعوه

,,

الخبل لا قلت له دوبك على الدعوى تزيد=ولا انا عندي خبر وادي السنه دايم سناوي

مشكلة بيروت كبرة من يعارض من يؤيد=حزب ينعون الحريري حزب يرجون الهراوي
محمد السليس
02-11-2005, 02:02 PM
صح بدنك ولاهنت

زكل عاام وانت بخير وعيدك مباارك وتنوومست بهاا الطااروق معك

ولااهاان كل من حضر