الدعــوه كذا وحنـا زعـلنا..سعـود عبدالله) لاهنت [الأرشيف]

ســداح العبدلي

28-10-2005, 04:32 PM

السلام عليكم

شكل الربع مايبونا..والله يجيب الحبيب

مير استلموا

الليـله العبدلي مجهز العــده=وسيوف الهند بيمناي محتـده
الله وكبر عقب ماماعت الزبده=واقول مال الجروح الا مداويها

ياسـلامـي ســلام(ن) لــه مـقـام ومـكـانـه=عـد نبـت السهـال وعــد وبــل الرشـاشـي
كل واحد يعبّـر كلمته في لسانه =فـيـه مـوضـوع هــام ويستـحـق النـقـاشـي

أبوعبدالرحمن

28-10-2005, 10:09 PM

ياسلااام

بداية تبشر بمحاورة متميزة

صح لسانك ياسداح

وننتظر ابوعبدالله

سعودعبدالله

28-10-2005, 10:30 PM

ارحب يا سداح العبدلي

واستلم

الليله العبدلي للحرب متعلم

وانا على ما بغى يالربع متولم

انكان عنده علوم يقوم ويعلم

واقول مال الجروح الا مداويها

مرحبا ريح هيل مخالطه زعفرانه=حسب سلم الرجال مبعدين المعاشي

كل رجل لسانه ياعميلي حصانه=من بغى الهون هان ومن بغى العز عاشي

سعودعبدالله

28-10-2005, 10:32 PM

ارحب يابو عبد الرحمن

حيك وحي مرورك المشرف

لاهنت يالقرم

دمت بخير

حسين الحارثي

28-10-2005, 11:07 PM

كـل رجـل لسانـه ياعميلـي حصانـه=من بغى الهون هان ومن بغى العز عاشي

الشاعر/سعود عبدالله

اشهد بالله ان هذا البيت عن الف قصيده عندي انا وهذا راي الخاص وكلٍ حر في رايه فاسمح لي

بان اخذه توقيع ايام معدودات مع ذكر المصدر؟

ولايهون اخوي سداح العبدلي

فهو شاعر ويوحي بقدوم شاعر كبير

لاهنتو وصالو حنا معكم

ابو بندر

محمد السليس

28-10-2005, 11:59 PM

كـل رجـل لسانـه ياعميلـي حصانـه
من بغى الهون هان ومن بغى العز عاشي

لاتعليق زياده على كلام حسين

لله درك يااسعودد

بعيد المراميس

29-10-2005, 12:12 AM

الله الله

كلااااااااااااااااااااااا م كبير والكبير الله

متابع متابع وفي صف ابو عبدالله ولامهونتن للعبدلي

كـل رجـل لسانـه ياعميلـي حصانـه
من بغى الهون هان ومن بغى العز عاشي

أبوعبدالرحمن

29-10-2005, 12:47 AM

كـل رجـل لسانـه ياعميلـي حصانـه
من بغى الهون هان ومن بغى العز عاشي

ياسلااام

صح لسانك ياسعود

سعودعبدالله

29-10-2005, 04:05 AM

ابو بندر

كلماتك وسام يشرفني وشهادة فخر لي لاهنت ولاهان مرورك المشرف

ابو علي

هلا ومرحبا بك يالذيب لاهنت على مرورك الكريم

ابو جسار

هلا ومرحبا لاهنت يالقرم على موروك الكبير ودامك في صفي معلي

ابو عبد الرحمن

صح بدنك مكسب وراس مال تسلم يالقرم

دمتم بخير

ســداح العبدلي

29-10-2005, 09:42 AM

وقفتـك يامدرس الطلاب خابرها=والسليس مختّم شهادتك ومزّورها
وللعـلم عندي ويـثـقـاتً مصادرها=واقول مال الجروح الا مداويها

البقاء وإعرف ان العرف يعطي ضمانه=عن كلام (ن) بلامعنى وهرج(ن)بلاشي
وآلسنتنـا لهـا بالحـق فــرض وحصـانـه=والله أني من أهل الحق ما ضاق جاشي

ســداح العبدلي

29-10-2005, 09:47 AM

اشكر الجميع على المـرور الكريم

ولاهان الجمــيع وششرف لي انا الاعب اخوي سعــود:11age5:

وشاكر لهم تغيـر الاسـم بــعد بدون الرجوع الى صاحبه:11owoff:

وشاكر الاخوان

ابوعبدالرحمن
السليس
الروقي
بعيد المراميس

تحياتي لكم

أمل عبدالعزيز

29-10-2005, 10:28 AM

,
,
,
,

الله عليك ياسداح

والله عليك ياسعود عبدالله

محاورة راااااااااائعة

صحت قلوبكم وفي صف العبدلي ولايهون سعود بس لازم نكون محايدين...

ســداح العبدلي

29-10-2005, 04:14 PM

حياك الله امل عبدالعزيز ولي الشرف في ذللك

ويسعدني لاني اشوف الربـع

زحفت يم سعـود خخخخخخخ وخلوني الحالي

امل انك تلقين مايسعدك من كمخ وكيمخ

تحياتي

فيصل بن بدر العتيبي

29-10-2005, 06:52 PM

ياسلام على هالمحاورة

عز الله لاتعليق

في صف اخوي ابو عبدالله ولاهان سداح

بس بصراحة اعجبني هالبيت وعلى طول مسكت سيد مع راعيه :biggrin:

كـل رجـل لسانـه ياعميلـي حصانـه
من بغى الهون هان ومن بغى العز عاشي

سعودعبدالله

29-10-2005, 08:49 PM

استلم لاهنت

الشاعر اللي يغني عذب الالحاني

سمعبها قاصي العربان والداني

لكن ذا ليل ميدانه وميداني
واقول مال الجروح الا مداويها

الزناتي تذكر ما مضى من زمانه=وسل سيفه لحاله واعتزى ثم شاشي

احسبنه تكانه واثر ماهو تكانه=والعوض في الخيال اللي من العصر ناشي

سعودعبدالله

29-10-2005, 08:52 PM

ياهلا ومرحبا بالرهيبه مرورك شرف

واهم شي حضورك واطلالتك العطره

لاهنتي ودمتي

سعودعبدالله

29-10-2005, 08:54 PM

فيصل بن بدر

حياك الله وهلا ومسهلا

شرفني مرورك الكريم

لاهنت يالقرم

دمت بخير

فيصل بن بدر العتيبي

29-10-2005, 09:06 PM

الله الله

احسبنـه تكانـه واثـر ماهـو تكـانـه
والعوض في الخيال اللي من العصر ناشي

سرى ليلك بالعبدلي :biggrin:

معك يابو عبدالله في الصف مواصل

مهدي بن مسفر الحبابي

29-10-2005, 09:40 PM

أخوي سداح تسلم وبيض الله وجهـك

اخو سعود تسلم وبيض الله وجـهـك

محاوره في بدايتها ورايعه وانا في صف ابو عبدالله من غير قصور في سداح

كـل رجـل لسانـه ياعميلـي حصانـه
- - - من بغى الهون هان ومن بغى العز عاشي

لا تعليق ولا اضافات على ما ذكروه الأخوان عن هذا البيت فهو من الشوارد

كذلك
احسبنـه تكانـه واثـر ماهـو تكـانـه
- - - والعوض في الخيال اللي من العصر ناشي

للجميع فائق احترامي وتقديري

ســداح العبدلي

29-10-2005, 11:23 PM

طيب طيب ياسعـود الجماعه في صفـك

والشعار واجد

استلم استلم:واو:

من لايعرف الصقر يشويه في ناره=وياكم طيرً كسر اله منقاره
والاانت ذيبً ربا في داخل الحاره=والراس مرفوع والرايات مرفوعه

دام هــذا كـلامـك جــوّد الاسـطـوانـه=كلمـا غـرد القمـري يطـيـر الفـراشـي

امدحوك البشر بس انقـدو فيـك خانـه=قالو انك تسوق الخيل سوق المواشي

ســداح العبدلي

29-10-2005, 11:29 PM

اشكر الجميع

على المـرورو وسعـود انا في صفــه بعــد

وشاكرلكم في الاطرائات الجميـله

والرائعه

والمتابعه المستمـره

أبوعبدالرحمن

29-10-2005, 11:48 PM

صح لسانك ياسداح

ومتابعين لكم

سعودعبدالله

30-10-2005, 12:28 AM

استلم

سداح اخذله مع انجوم السما فرصه

لاكن ضيع على درب العرب فرصّه

واليا قسا عندنا يوم اللقى فرصه

واقول مال الجروح الامداويها

تغلب اعجاف ذودك عن غزايز سمانه=وانت رايش مع اهل السوق ولا انت راشي

يا جناب الخليفه حرر ارض الكنانه=عاث فارض الكنانه يالامير القشاشي

سعودعبدالله

30-10-2005, 12:32 AM

مهدي بن مسفر بن عليان

هلا ومرحباء تراحيب المطر

وجودك مكسب وراس مال

لاهنت ولاهان مرورك الكريم

تحياتي لك

حسين الحارثي

30-10-2005, 12:41 AM

سداح العبدلي

والله انك شاعر كبير

وانه لايستهان بك يالقرم

ونحن في صف ابو عبدالله ليس احتقار فيك حشى وكلا

لكن كنت ابغى الحماس والتشجيع بس اشوف الناس كلهم معه

لذا وجب علي ان اكون في صفك ولو اني من شبابه

لكن واصل وعطهم القاز ياسنايدي واللي يجيك علي ازهلهم

شد حيلك

ومطير وبالحارث مليا المقاهي هذه الليله عسى ماتفوتهم الصلاه يالقرم؟

دام هذا كلامـك جـوّد الاسطوانـه
===========كلما غرد القمري يطيـر الفراشـي

امدحوك البشر بس انقدو فيك خانـه
=============قالو انك تسوق الخيل سوق المواشي

روعه روعه

هذي عن بيوتهم كلها يالعبدلي!

سعود رحت فيها لكن باقي لك بواقي

الليل

الليل

سروها

سروها

أمل عبدالعزيز

30-10-2005, 08:59 AM

.
.
.

محاورة راائعة

ولازلت متااابعة

صحت قلوبكم

وشد حيلك ياسداااح .... ولايهون أخوي العزيز سعود

ســداح العبدلي

03-11-2005, 02:57 AM

ههههههههههههههههههههههه

اعتذر عن التاخير

استلم

انت شاعر تجيب إعلوم منقوصه=ياناقص جيتنا من ناس منقوصه
وافعالناا كامله والا انت منقوصه=والبيت مايثبت الا فوق سيسانه

الجـبـل لوتـسـاوت قمـتـه مــع طمـانـه=كان تلقى الجمل في تالي الوقت حاشي
انـت مثـل البعـيـر الـلـي تغـيـر زمـانـه=قـام يأكـل سنامـه عقـب جـاه المعاشـي