حياكم ياللعيبه .....أحلى الليالي ..في غرابيل ... [الأرشيف]

مشاعر حالمه

26-10-2005, 12:54 AM

السلام عليكم ورحمة الله وبركاته ...

مسائكم عطر أو صباحكم عطــر ,,’’’,,

سبق وان وضع الأخ عويد العطاوي موضوع للمحاورات المباشره والتسجيل من خلاله ...

وأنا بنفسي ...قمت بارسال رسائل للراغبين في اللعب ...

منهم من لم يرد لعدم وجوده ومنهم من أجابنا بنعم ...فبارك الله فيكم ...

نبدأ من ليلة الخميس يوم الأربعاء الموافق 23/9/ 1426هـ ...

مع الشاعرين الرائعين ...

مهدي بن مسفر بن عليان ....و .... مرزوق العطاوي ..فمرحبا بكما ...

خيركم من بدأ بالسلام .....وليقف كلاً على حده مع الصف الذي يحب ..أو يرغب في تشجيعه ...

تحيتي لكم / مشاعر حالمه ...

بعيد المراميس

26-10-2005, 01:06 AM

ياسلاااام عليك يامشااعر حالمه

تسلمين على هذا التنويه

وبأذن الله سوف نتواجد بالموعد المحدد

وبارك الله فيك وفي شعارنا وعز الله امسيه ولا احلى

في صف مرزوق من غير مهونةٍ في اخوي مهدي ويعلم الله ان كلهم محل القلب لاكن رد الجميل لمرزوق

وانا وياكم يالاداره والوعد بكره<<<<<<<<<<<<<<< ضد الاداره

<<<<< ترى يمزح

تحياتي

اخوكم

بعيد

مشاعر حالمه

26-10-2005, 01:34 AM

حياك الله يابعيد المراميس ...

وانشالله الربع يستانسون بكره ,,,بتواجد الطيبين ......شرواك ...

تحيتي لك / مشاعر حالمه ..

رشيد الكسر

26-10-2005, 02:24 AM

الف شكر لك يااخت مشااعر حالمه على هذا التنويه .
،
،
،
اماانا في صف مهدي بن سفر بن عليان ولامهونة بخوي مرزوق العطاوي

سنكون هنا ليلة الغد انشاء الله

ومره اخرى نكررللاخت مشاعر حالمه على هذا التنويه والتذكير

bbaa

26-10-2005, 02:32 AM

مساكم الله بالخير جميعآ

وانا في المدرج وتفرج لين اشوف

الفايز وجي في صفه ههههههه

امزح انا في صف مهدي

محمد السليس

26-10-2005, 02:40 AM

اناا في صف مهدى والميل على مرزووووووووووووووووووق وحزبه ان شاء الله

ولاهنتى ياامشااعر حالمه على مااتبذلينه في خدمة الشعر

بيض الله وجهك يالسنافيه

مشاعر حالمه

26-10-2005, 08:57 AM

ياهلا ومرحبا بكم والله ...

رشيد الكسر

:

:

bbaa
:

:

:

محمد السليس ..

:

:

لاهنتم والله وانشالله الليلة تكتمل الجمعه ....

:

:

تحيتي لكم / مشاعر حالمه ...

الله الله في خوياكم لاتقصرون فيهم ...

حسين الحارثي

26-10-2005, 05:12 PM

مشاعر حالمه والله انك كفو وانك مبدعه

وانا بصف مهدي من غير شر

ومرزوق زد فتق عقلي لكن ان شاء الله نوشف الليله فيه ليه ولا اجمل

مهدي؟ بنى الحارث وقحطان مليا القهاوي الليله لكن عجلوها وبدروها عن الصلاه خلوها الساعه 10

ولكم افضل واجمل الود

اخوكم

سهيرالليل

مشاعر حالمه

26-10-2005, 06:59 PM

تسلم والله ياحسين ...

تراني غيرت اسمي الله يصلحك شف وش انت كاتبن لي

مشاعر حامله والله انك كفو وانك مبدعه

تحيتي لك وللجمهور الكريم ..................مشاعر حالمه ...

مهدي بن مسفر الحبابي

26-10-2005, 09:10 PM

أخـتي مشاعر حالمه الله يعطيك العافيه على مجهوداتك

اخي بعيد المراميس حياك الله ووجودك شرف طال عمرك وصفي انا ومرزوق واحد

أخوي رشيد الكسر حياك الله وبيض الله وجهـك وجودك شرف لي طال عمرك

bbaa حيـاك الله والله يعطيك العافيه

أخوي محمد السليلس ارحب يا محمد وجودك يا السليس فالصف يزيد الصف طال عمرك وبيض الله وجهك

حسين الحارثي ارحب يا حسين حضورك شرف للمحاورة وشعارها ووجودك بالصف فخر طال عمرك

للجميع فائق احترامي

مهدي بن مسفر الحبابي

26-10-2005, 10:07 PM

أخوي مرزوق العطاوي يشرفني العب معك طال عمرك وانشاء الله اقدم انا وانت ما يرضي الجميع

استلم

يا سـلامي سـلام والـنـوايـا ســلـيــمـه
- - - - عــد مـا يــرتـفــع لاذان والــجـو صــافـي
وان تأخـرت يا مـرزوق تأخــذ قسيمه
- - - - وكل عـلـمِِ يـبي بـرهــان والجـو صــافي

حسين الحارثي

26-10-2005, 11:05 PM

يا سـلامي سـلامٍ والـنـوايـا ســلـيــمـه =عــد مـا يــرتـفــع لاذان والــجـو صــافـي

وان تأخـرت يا مـرزوق تأخــذ قسيمه= وكل عـلـمِِ يـبي بـرهــان والجـو صــافي

مهدي بن مسفر

الله الله الله الله

بدايه رائعه وسوف نكون معكم على طول

صح لسانك وعلا شانك

نحن في انتظار العطاوي

والله الله في الجلد اللي يشوق؟

مهدي تراني في صفك ولايهون مرزوق

بعيد المراميس

26-10-2005, 11:07 PM

يا سـلامي سـلام والـنـوايـا ســلـيــمـه
- - - - عــد مـا يــرتـفــع لاذان والــجـو صــافـي
وان تأخـرت يا مـرزوق تأخــذ قسيمه
- - - - وكل عـلـمِِ يـبي بـرهــان والجـو صــافي

الله الله

مبدا كايف

يامهدي ياسلاااام عليك

الليل يامرزوق الليل

مشاعر حالمه

26-10-2005, 11:13 PM

الله الله ..وينك يامرزوق ...

انا متابعه لكم يالطيبين ....

أختكم الصغيره / مشاعر حالمه ...

مرزوق العطاوي

26-10-2005, 11:17 PM

ياهلا مرحبا على وقار وحشيمه=عد ماشان وقت وزان عقب العجافي
من حضر ماتوخر والدعاوي مقيمه=وكل علمٍ ببرهانه لزومٍ يشافي

بعيد المراميس

26-10-2005, 11:17 PM

مبطى بالسيل الا كبره مير عطيني مويه يامشاعر انا فحمت ماهو من الصف من السوق توي جاي الحين وبنشرت السياره وبغيت ابنشر انا بعد ههههههه

الليل يامرزوق

بعيد المراميس

26-10-2005, 11:19 PM

ياهلا مرحبا على وقار وحشيمـه
عد من في حرم مكه سعابه وطافي
من حضر ماتوخر والدعاوي مقيمه
وكل علمٍ ببرهانه لـزومٍ يشافـي

ياهلا مرحبا على وقار وحشيمـه
عد من في حرم مكه سعابه وطافي
من حضر ماتوخر والدعاوي مقيمه
وكل علمٍ ببرهانه لـزومٍ يشافـي

ياهلا مرحبا على وقار وحشيمـه
عد من في حرم مكه سعابه وطافي
من حضر ماتوخر والدعاوي مقيمه
وكل علمٍ ببرهانه لـزومٍ يشافـي

ياسلاااام سلم

سرىىىىىىىىىىىىى

حسين الحارثي

26-10-2005, 11:23 PM

ياهلا مرحبا على وقار وحشيمـه
عد من في حرم مكه سعابه وطافي
من حضر ماتوخر والدعاوي مقيمه
وكل علمٍ ببرهانه لـزومٍ يشافـي

اخي مرزوق

صح لسانك وعلا شانك

لكن اعتقد ان القاف الاخير فيه خطا لان له ربطه وله وقفه {ان} والله اعلم

حسين الحارثي

26-10-2005, 11:25 PM

يا سـلامي سـلامٍ والـنـوايـا ســلـيــمـه =عــد مـا يــرتـفــع لاذان؟ والــجـو صــافـي

وان تأخـرت يا مـرزوق تأخــذ قسيمه= وكل عـلـمِِ يـبي بـرهــان؟ والجـو صــافي

مشاعر حالمه

26-10-2005, 11:27 PM

احلى متابعه ........... ماشالله عليكم ..

وينك يا مهدي .....؟؟

مرزوق العطاوي

26-10-2005, 11:27 PM

السلام عليكم ورحمة الله وبركاته

يشرفني العب مع اخي مهدي مسفر
ولعلي اكون عند حسن الظن

مشاعر حالمه

بعيد المراميس-----تسلم يابو جسار

رشيد الكسر

bbaa
ضيف جديد
محمد السليس------مال------فرحه
حسين الحارثي
شكرا لكم جميعا

بعيد المراميس

26-10-2005, 11:37 PM

اي والله الجو صافي ياحسين الحارثي الجو صافي ههههههه

اللييييييييييييييييل

انت مافي كذا جنجان والجو صافي ياحسين وليلكم ليل ارنب هههههههه

الليل

مشاعر حالمه

26-10-2005, 11:41 PM

هههههههههههههههه

وينك يامهدي .............................

حسين الحارثي

26-10-2005, 11:42 PM

يالربع

وين مهدي بن مسفر

ماعاد اشوفه

الليل

الليل

بعيد المراميس

انت مافيه اقل خربان والجو صافي؟

الليل اليل

سروها سروها

مرزوق العطاوي

26-10-2005, 11:46 PM

حسين الحارثي

انت مافيه؟؟؟؟؟؟

لاهنت

مرزوق العطاوي

26-10-2005, 11:48 PM

ياااااااااااااااااااااااا ااااااااااااااااااااااااا اااااااااااااااااااامهددد دددي

حسين الحارثي

26-10-2005, 11:53 PM

هلا اخوي مرزوق

كيفك بشرني عنك

خلينا نسولف لين يجي مهدي الحبابي

الله يقويكم وانتم معروفين شعراء كبار

لكن وين الحبابي

وينه

من يبشرني واعطيه بشاره

مرزوق العطاوي

26-10-2005, 11:57 PM

هلا
حسين طاب فالك

الله يجيبه00النوم على الابواب

مشاعر حالمه

27-10-2005, 12:02 AM

الغايب عذره معه ...

الليلة باذن الله هي سهرة لكم ياطوال العمار..ومتى ماجا مهدي .....حياه الله ...حده الى الساعه 4....

,’,’,’,’,’,’,’,’,’,’,’

تحيتي لكم / مشاعر حالمه...

مهدي بن مسفر الحبابي

27-10-2005, 12:07 AM

المعذره

واستلم طال عمرك

البقـاء يا المرحب حضرين بعزيمه
- - - - نـدخـل البـيت مالبيبان يا ذا السـنافـي

المسلم يسلم والمرحب غريمـه
- - - - ويش صابك حدث عندك بعض لاختـلافي

بعيد المراميس

27-10-2005, 12:10 AM

الله الله ماعاد يبيلها

الليل يامرزووووووووووق الليل

مهدي بن مسفر الحبابي

27-10-2005, 12:22 AM

أخوي حسين الحارثي شرفني مرورك ورايك ومتابعتك وسبق بأنك نوهت بأن الحضور الساعه العاشر حضرت من العاشره إلى تقريب الحادية عشر قلت يمكن الربغ غيروا الموعد

أخوي بعيد المراميس حياك الله ويشرفني مرورك ورايك ومتابعتك طال عمرك

أختي مشاعر حالمه شرفني حضورك ورايـك

للجميع أحترامــي وتقديري

مشاعر حالمه

27-10-2005, 12:31 AM

تسلم والله وعساكم على القوة ...

مرزوق العطاوي

27-10-2005, 12:43 AM

ماعلا الجو غيم ولا على الجو ديمه= سوقها والثقال تبان ماهي خفافي
عقب سلم وغاب وعاد نسمع عليمه=ينطح المقبله ولايعقب المقافي

حسين الحارثي

27-10-2005, 12:47 AM

البقـاء يا المرحب حضرين بعزيمه
- - - - نـدخـل البـيت مالبيبان يا ذا السـنافـي

المسلم يسلم والمرحب غريمـه
- - - - ويش صابك حدث عندك بعض لاختـلافي

طيب طيب

رائع يامهدي رائع

حسين الحارثي

27-10-2005, 12:51 AM

مهدي انا متابع ومشجع وطرحت راي فقط ولم احد يرد علي

واما اهل الشور واهل الشان فهم من يحكم عن موعد المحاوره

والعتب والشرهه على الاخت/مشاعر حالمه لانها لم تحدد الموعد

وانا كنت ابغاكم الساعه10 من اجل الصلاه لانها الان سوف تدركنا والمحاوره بتشغلنا عنها

لكن شدو حيلكم جميع

وانا لازلت مصمم في صفك ياخوي مهدي حتى الساعه 1,10 دقائق مبعدها اعذرني

اخوك

مهدي بن مسفر الحبابي

27-10-2005, 12:57 AM

السماء صافيه والرجـل شيمه وقـيمـه
- - - - بـه مـواجــيـب والــعـراف تـوعــد وتـــافـــي
ان حضرنا وفيـنـا والمواقف قـديمـه
صـاير عـجــل يا مـرزوق يا الله يا كــافـي

مهدي بن مسفر الحبابي

27-10-2005, 01:01 AM

أخوي حسين تسلم على الحضور والتشجيع وابشر بالي يرضيك

أما يا طويل العمر الموعد فالمفروض انه يكون بدري كما اسلفت ولكن أنشاء الله يكون هناك تنسيق في الجايات بين الشاعرين بخصوص الوقت لني يعلم الله انني كنت أحسب الموعد تغير وجاني رجاجيل شروكم ولاقدرت أعتذر منهم

وإذا حدث مني قصور في حق الشاعر أو المتابعين أرجو المعذره وابشرو بالعوض

للجميع فائق أحترامي وتقديري

مرزوق العطاوي

27-10-2005, 01:08 AM

السما صافيه والبينه والوسيمه=مابدتلي ومهدي طيب الساس خافي
الخبر مصدره من بيت والا بخيمه =فصل العلم لوهو رمز والرمز يافي

بعيد المراميس

27-10-2005, 01:10 AM

ماعلا الجو غيم ولا على الجو ديمه
سوقها والثقال تبان ماهي خفافـي
عقب سلم وغاب وعاد نسمع عليمه
ينطح المقبلـه ولايعقـب المقافـي

الله الله يامرزوق

السماء صافيه والرجـل شيمه وقـيمـه
- - - - بـه مـواجــيـب والــعـراف تـوعــد وتـــافـــي
ان حضرنا وفيـنـا والمواقف قـديمـه
صـاير عـجــل يا مـرزوق يا الله يا كــافـي

ياسلااام عليك يامهدي

مرزوق العطاوي

27-10-2005, 01:11 AM

اخي
مهدي
لاهنت بالنسبه للوقت ماحدد في البدايه وانا قلت نبدي من بعد الساعه 11

مهدي بن مسفر الحبابي

27-10-2005, 01:14 AM

صـاير عـجــل يا مـرزوق يا الله يا كــافـي

فــصل الـعـلم لوهـو رمــز والــرمـز كافـي

مهدي بن مسفر الحبابي

27-10-2005, 01:16 AM

استلم

يا العطاوي تـرى لاهـداف في خرج ريمـه
- - - - والهدف سـجـلـه هـوي بعصر أحتـرافـي

انت غـيرت طـقـمـك والمـصيـبـة أليـمـه
- - - - ويـش حدك عـلى التـغـيـير حلمك خرافي

أبوعبدالرحمن

27-10-2005, 01:17 AM

صحت قلوووبكم

والليلة غيرررررر

استمرووو

مرزوق العطاوي

27-10-2005, 01:17 AM

صـاير عـجــل يا مـرزوق يا الله يا كــافـي

فــصل الـعـلم لوهـو رمــز والــرمـز كافـي

فصل العلم لوهو رمز والرمز يافي؟؟؟؟؟؟؟؟؟؟؟؟؟؟ تم التعديل

مهدي بن مسفر الحبابي

27-10-2005, 01:20 AM

أخوي بعيد المراميس بيض الله وجهـك على المتابعة وتسلم

شــرفـنـي حــضورك طــال عـمــرك

للجميـع خــالص تحياتي

مهدي بن مسفر الحبابي

27-10-2005, 01:21 AM

أخوي مرزوق انا لم أعــلــم عــن التحــديــد وعندما اطلعت وجت هناك تنويه من أخوي حسين الحارثي ينوه فيه بأن الوقت في العاشره

مهدي بن مسفر الحبابي

27-10-2005, 01:26 AM

أخوي ابو عبدالرحمن بيض الله وجـهك على الحضور

شـرفـني مـــرورك ورايـــك

لك فـــائــق احــتـرامــي وتـقـديـري

مرزوق العطاوي

27-10-2005, 01:34 AM

ياعميلي ترها في فواد اليتيمه=خلها من عنها تحت طرق الحافي
انت طقمك كذا مجهول يابو غنيمه=سايرن جرتك تذار عليها السوافي

مرزوق العطاوي

27-10-2005, 01:38 AM

شكرا للجميع الاخوان

على الحضور والمتابعه

مهدي بن مسفر الحبابي

27-10-2005, 01:46 AM

خـأيـفيـنِِ فـرح بعـض الكـبـود السقـيـمـه
- - - - وانـت سـبـة زعـل ربـعـك وربع النـصافي

وانـتـبـه لاتـطـيع أهـل الـعيون الكـريمـه
- - - - ثم يصـيـبـك صــرام الـزرع لامـنـه زافــي

مهدي بن مسفر الحبابي

27-10-2005, 01:56 AM

أخوي مرزوق بيض الله وجهـك ولقد تشرفت بأن العب معك طال عمرك

أخواني المتابعين والجمهور بيض الله وجيهكم على المتابعة والتشجيع

المعذره لحلول صـلاة القيام قام حض الجميع

للجميع خالص تحياتي وتقديري

مرزوق العطاوي

27-10-2005, 02:04 AM

جاني العلم تو من الرجال الحكيمه =بان مهدي من الانه بروس الشعافي
ماضا لايام شيخ القوم قفا وظيمه =في فواده يزيد وفيه زود ارتجافي

مرزوق العطاوي

27-10-2005, 02:10 AM

اهلا مهدي

ووجهك ابيض ولاهنت

تقبل تحياتي

مشاعر حالمه

27-10-2005, 02:55 AM

ماشالله عليكم ...

لاهنتم ياطوال العمار ...

صدقتوا والله الشرهه علي (مره اكيد فورقيت ) اللي ماحددت وقت لكم معين ....السموحه منكم يالأجواد....

انشالله بالأيام الجايه أحدد وقت ...والله يوفقكم جميع ...

تحيتي لكم / مشاعر حالمه

حسين الحارثي

27-10-2005, 02:58 AM

مهدي
مرزوق

ماقصرتوا

والله لايهينكم

جميع

شعراء كبار لكن نقص الجمهور والتوقيت

لكن الله يزينها وتزين من عنده

لاهنتو مرررره اخرا

اخوكم

سهيرالليل

مهدي بن مسفر الحبابي

27-10-2005, 03:18 AM

أخوي مرزوق العطاوي ووجهـك ابيض

أختي مشاعر حالمة ما قصرتي والله لايهينك

أخوي حسين الحارثي اشكر لك متابعك وحضورك طال عمرك وبيض الله وجـهك
الجمهور يا حسين؟؟

للجميع احترامي وتقديري

سعودعبدالله

27-10-2005, 03:37 AM

يسعد جميع اوقاتكم بكل خير

وصحت قلوب شعارنا الكبار فعلاً

كنت متابع من البدايه واستمتعت معكم

لاكن ماقدرت امسك صف مرزوق ولاهان مهدي <<<<<<شماغي في المغسله

لاهنتوو

تحياتي

عـويد العطاوي

27-10-2005, 04:51 AM

لاهنتو جميع وشكرآ لكم

صح لسانك يامرزوق وصح لسانك يامهدي

وشكرآ لمشاعر حالمه

على هاذا الجهد

والمجهود الطيب

وأسف على التاخير

اخوكم عويد

مهدي بن مسفر الحبابي

27-10-2005, 05:25 AM

المشرفين الرايعين والمميزين حضوركما شــرف

أخوي سعود عبدالله تسلم على المتابعه وبيض الله وجهـك وصفي وصف مرزوق واحد الله لايهينك ويطول عمـرك

أخوي عويد تسلم طال عمرك مررورك ورياك شرفنا وبيض الله وجهـك وعساك ســالم

للجميع خــالص تحـياتي وتقديري

مرزوق العطاوي

27-10-2005, 06:25 AM

مهدي
يا سلامي سلام والنوايا سليمه
عد ما يرتفع لاذان والجو صافي

وان تأخرت يا مرزوق تأخذ قسيمه
وكل علمِِ يبي برهان والجو صافي

مرزوق
ياهلا مرحبا على وقار وحشيمه
د ماشان وقت وزان عقب العجافي

من حضر ماتوخر والدعاوي مقيمه
وكل علمٍ ببرهانه لزومٍ يشافي

مهدي
البقاء يا المرحب حضرين بعزيمه
ندخل البيت مالبيبان يا ذا السنافي

المسلم يسلم والمرحب غريمه
ويش صابك حدث عندك بعض لاختلافي

مرزوق
ماعلا الجو غيم ولا على الجو ديمه
سوقها والثقال تبان ماهي خفافي

عقب سلم وغاب وعاد نسمع عليمه
ينطح المقبله ولايعقب المقافي

مهدي
السماء صافيه والرجل شيمه وقيمه
به مواجيب والعراف توعد وتافي

ان حضرنا وفينا والمواقف قديمه
صاير عجل يا مرزوق يا الله يا كافي

مرزوق

السما صافيه والبينه والوسيمه
مابدتلي ومهدي طيب الساس خافي

الخبر مصدره من بيت والا بخيمه
فصل العلم لوهو رمز والرمز يافي

مهدي
يا العطاوي ترى لاهداف في خرج ريمه
والهدف سجله هوي بعصر أحترافي

انت غيرت طقمك والمصيبة أليمه
ويش حدك على التغيير حلمك خرافي

مرزوق
ياعميلي ترها في فواد اليتيمه
خلها من عنها تحت طرق الحافي

انت طقمك كذا مجهول يابو غنيمه
سايرن جرتك تذار عليها السوافي

مهدي
خأيفينِِ فرح بعض الكبود السقيمه
وانت سبة زعل ربعك وربع النصافي

وانتبه لاتطيع أهل العيون الكريمه
ثم يصيبك صرام الزرع لامنه زافي

مرزوق
جاني العلم تو من الرجال الحكيمه
بان مهدي من الانه بروس الشعافي

ماضا لايام شيخ القوم قفا وظيمه
في فواده يزيد وفيه زود ارتجافي