يا بعد هالدنيا .. لــــيـــه ؟؟

[حواء غرابيل]

بحياتي ما حسيت إنه عندي ابو يحبني ويعطف علي و يغرقني بحنانه .. كنت قبل كل ما اطلع من المدرسه أشوف البنات مع ابهاتهم ينطرونهم .. وأنا أروح أدور إبوي يمكن ألقاه .. ويخيب ظني وأحبس دموعي بعيني .. أيام التفوق و التخرج كنت أشوف البنات مع امهم وابوهم .. وأنا إبوي مو داري عني .. كل ما أروح مكان وأشوف بنت صغيره ماسكه أبوها وتناديه بابا أتذكر طفولتي لمن كنت أشوف إبوي و انحاش وأخاف منه .. كل ما أشوف ابو بنت خالتي خايف عليها ويحاتيها من قلبه أتذكر إبوي اللي ما يدري عني واقعد بالأيام والشهور ما أشوفه .. كل ما أشوف عيال خالي وعيال خالاتي مع عيالهم وبناتهم ماسكينهم ويلاعبونهم أتذكر إبوي اللي يسبني ويلعني و يقول ياريتني ما عندي بنات .. كل ما أشوف ريال كبير مع مرته الكبيره يكلمها بحنان و عطف أتذكر أمي لمن قالت حق إبوي طلقني جدام عيني وأنا ياهل .. كل ما أشوف ريال شايل بنته ويبوسها بحنان أتذكر إبوي اللي عمره ما شالني .. كل ما أشوف ريال شايب مع بناته يضحك معاهم أقول ياريت أنا بنته .. أيام الضيم لمن كنا عايشين عند خالي قبل لا أمي وابوي يتطلقون كنت أسمع خالي قاعد مع عياله ومرته يسولفون ويدلعونهم و يضحك معاهم كانت العبره تخنقني واتذكر إبوي اللي بيطلق أمي .. كل ما أسمع ولد ولد خالتي الصغير ينادي أبوه بابا بابا وأبوه يروح يركض له أتذكر روحي لمن كل ليله إنادي إبوي ومحد يرد علي .. لمن توفت يدتي إبوي ما كلف على نفسه يمسح دمعتي .. كل ما أشوف ريال قاعد يدعي حق بنته أتذكر إبوي اللي يدعي علي .. كنت كل ما أسمع إبوي طلع من البيت أروح أطل عليه من الدريشه عشان بس أشوفه .. كل ما أمي تسولف عن أبوها اللي توفى قبل 30 سنه وتقول عن ذكرياته أقول حق نفسي شلي ذكريات عن إبوي .. كل ما أسمع خالاتي يمدحون رياييلهم أتذكر أمي اللي تسب وتدعي عليه طول الوقت .. كل ما أشوف إبوي ودي أروح واقط نفسي بحظنه واغرق نفسي بحنانه أنصفع بالواقع واني ما أقدر لو أموت .. كل ماإشوف بنت بحضن أبوها أتذكر أختي لمن قالتلي إنه كان يبي يعتدي عليها وموبعيده أنني أكون أنا التاليه .. كل ما أسمع بنت خالتي تنادي أبوها يبا يبا أتذكر إنه الانسان الوحيد اللي أقدر أقوله هالكلمه راااح راااح راااح ولايمكن يعود .. قلبي تهشم .. أمثل أني قويه ومحد يكسرني .. لاكني من داخل أصيح .. قلبي الصغير تفتت وصرت أجمع حطامه .. راح الغالي وصرت في ديرتي غريب .. أضحك مع الناس ومن داخلي بركان .. صرت أضحك لجل أخفي حزني الدفين .. كل أمثل أن إبوي مو هامني بس أنا أتعذب من داخلي .. يقولونلي أنسيه .. كيف أنسئ انسان اسمه بعد اسمي .. مرت أخوي أبوها متوفي وتسولف لنا عن أبوها وأنا احتار شحكي عن إبوي .. أمي وابوي عمرهم ما اجتمعوا بس أنا ملزقه صورتهم يم بعض وكل يوم احكي لهم عن العذاب اللي عايشته وكاتبه ورا صورتهم [يتيمه] .. قلبي يصرخ لكن محد سامع صرخته .. بس يا قلبي لا عاد تشتاق ولا عاد تنبض .. أبكي كاني طفل صغير فقد أبوه .. أبكي وأنوح وما يسمع صوت دموعي سوى مخدتي .. جروحي تنزف من يداوي هالجروح وكيف راح تبرى .. بليز نصيحه أي وحده أبوها معاها تروح الحين تبوس رإسه وتحمد ربها مليون مره على هالنعمه .. ترا فراق الأبو يذبح محد يقدر يستحمله .. محد يعرف هالغداب سوى اللي فقد أبوه وأبوه لي الحين عايش

أسفه إذا طولت عليكم وأنا مو ناطره منكم حل لأنه ماكو حل أنا بس حبيت اطلع اللي بقلبي .. واللي قلته شئ بسيط عن إحساسي لأن هالأحساس صعب وصعب من إنه يوصف .. وفي قلبي حكي كثير أعجز أني أقوله