الجرح أرحم إذا يرجع من أغليته ,

[حواء غرابيل]

http://www4.0zz0.com/2012/06/26/08/223848917.jpg




اللي بقى لي مع الأيام وفيته = والضيق لو ينهمر تشربه ودياني
ما هي كبيرة علي والحزن غنيته = ولا هي غريبة إذا وقتي تحداني
الخوف لا من نبشت القلب وأدمتيه = لا عشت زهرة شبابك وأنت وحداني
كم جرح أخذتة من الأحباب ضميته = جروح قلبي زكاة الحب خلاني
مطعون عادي جفاء الأقراب داويته = تعبان مبطي رداء الحظ خاواني
صدمة بسيطة هو أنا لحالي مريته = مقرود أدري وإذا حرمان عداني
ما فاح هم ( ن ) لك الله ما تقهويته = ما مر حزن ( ن ) بغيري ما تبلاني
ياما و ياما من الخذلان عديته = اللى يصاحب بعد عشره وينساني
أزريت ما أنسى غيابة لين ناديته = والموت لمن تجاهلنى و جافاني
وينه يجيني وكل عتاب كنيته = يا ليت يدري بعد فرقاه وش جاني
من كنت طفل وأنا أرجوة في بيته = شيبت وأثره على هالحال خلاني
حتى جناح العتب لرضاه ذليته = ما طرت بعده فرح من ذل جنحاني
لو بي قوة بالهجران خليته = لو بي ذرة من النكران يفداني
الجرح أرحم إذا يرجع من أغليته = مجروح فدوة ولكن صعب وحداني


مما راق لي ,




http://www9.0zz0.com/2012/06/26/08/538723973.jpg