استعدادات رمضان

[حواء غرابيل]

استعدادت رمضان
لازم نسأل نفسنا يا اخواتى .. استعدينا لرمضان ازآآآآاي ؟؟؟

أنا عارفة ان الاجابة محرجة جدآآآآآا عند معظم الناس الا من رحم الله...
وخاصة لما نقرأ في سير الصحابة و السلف الصالح،
و نشوف كانوا بيجهزوا ازاي للشهر العظيم ده ..
وقد ايه فعلا كانت عزيمتهم و صدقهم مع الله،
فكان ربنا بيقويهم و يباركلهم في شهر رمضان..

الواحدة بيبقى هاين عليها يعمل اي حاجة في نفسه
علشان تبطل الاستهتار و التهاون و الغفلة اللي احنا عايشين فيها..!!
ربنا بيقول: ( وَلَوْ أَرَادُوا الْخُرُوجَ لَأَعَدُّوا لَهُ عُدَّةً ) التوبة 46.

اللي عايزة تفوز برمضان لازم تجهز له من دلوقتي يابنات
لو تأملنا في أحوال الناس اللي عندهم امتحانات.. قد ايه عمالين يذاكروا و يجتهدوا..
و فيه ناس و الله مش بتنام غير ساعتين او تلاتة..!
ده كله علشان امتحان دنيوي لو الواحد رسب فيه ـ لا قدر الله ـ مش هيبقى مشكلة كبيرة..!

إنما لما يكون الواحدة داخلة على شهر رمضان،
يبقى لآآآآآزم تفوووووووووووق..
لازم تصحى من النوم اللي هى فيه طول السنة..
لما تلاقي الدنيا كلها بتستعد لرمضان و انتى نايمة،
يبقى انتى فيكى حاجة غلــــــــــــــط!

الناس العاديين بيستعدوا لرمضان من قبلها بشهور
و يخزنوا التمر و الياميش و ما لذ و طاب من الاكل..
و كذلك التجار، كلهم بيستعدوا و يجهزوا لرمضان

التلفزيون و ما ادراك ما التلفزيون؟؟
الفنانين و الفنانات و اصحاب البرامج،
كله بيستعد لرمضان يمكن من قبلها بسنة كاملة !!
و تلاقي نفسك قدام 100 مسلسل و الف برنامج ترفيهي
و مسابقات و فوازير و الذي من!!

استعداد رهيــــــــــــــــــــــ ـــــــب!!


ده حتى الشياطين بتستعد لرمضان !!
تلاقي الشيطان بيبذل أقصى جهده علشان يوقعك في معصية قبل رمضان
متفوقيش منها غير بعد فوات الشهر المبارك...

و كذلك بيبذلوا اقصى جهد في تجنيد شياطين الانس
علشان يبعدوك باي وسيلة عن طاعة الله في رمضان !!

الدنيا كلها بتستعد... يا ترى استعديـــــــــــــتى ازاي ؟