جابك الله ياصتمان اقرررب

[الرويحـــي]

جابك الله ياصتمان ياهلا ومرحبااا

وانا اسوق علاك البشاير ياذيبان

لكن زبدة الهرج
استلم لاهنت

****************************


مدام ليل المعاني صافي جوه 0000ومرزوق بآخره كوتٍ واوله فروه0000نبا نغني وتوه ليلينا
توه0000ياليل ياليــــل طـــول واســــر ياساري.


يامرحبا حييت ياصتمان = اهلاً هلا يامطول الغيبه

قدامك الميدان ياحميدان= وعلمٍ مضالك لاتماريبه

[صتمان]

هلا ومرحبا يالرويحي وابشر بعزك ولو تبانا نوصلها قندهار....


واستلم يالذيب..




اشوف ليل الرويحي ياعرب صافي *** وبه المعاني رقت من فوق مشرافي
ومرزوق بدل بفروه كوت ولحافي *** ياليل ياليل طول واسر ياساري




الاوله بسم الله الرحمن = اول كلامي قدم ترتيبه

والثانيه يامكرم الضيفان = دام البقا والخير تحريبه

[بعيد المراميس]

الله الله الله

ياسلاااااام عليكم يالثنين الرويحي وصتمااااان


وفعلآ مبدأ شعار كبار لاكن وراكم وراكم لين الزم المعنى هههههه

تحياتي لكم ولبدعك يالرويحي ولردك ياصتماااان


متاااابع


اخوكم

بعيد

[أبوعبدالرحمن]

بداية تدل على وجود شعراء سيمتعونا

صحت قلوبكم

متابع لكم

[نايفة شمر]

لاهنتو





متابعين معكم

[الرويحـــي]

ماجيت اغني معك والعب على الفاضي ** بيني وبينك علوم طوال وعراضي
قضيةٍ طولت ماحلها القاضي **ياليل ياليل طول واسر ياساري



ياعد ماانته مروي الضميان = حلم ٍ حلمته لاتهذريبه

الباخره تبغا لها ربان =والدهر لاتامن عواقيبه

[الرويحـــي]

اخوي الشاعر الكبير بعيد

يزيدنا شرف مرورك الكريم وتواجدك معنا في هذه المحاوره

الله لايهينك
تحياااااتي

[الرويحـــي]

صح بدنك يابو عبدالرحمن

ووجود شخصك الكريم وشاعريتك الفذه

فخر لنا لاهنت

تحيااااتي ألك

[الرويحـــي]

الله لايهينك

يالنايفه

[صتمان]

قضيتك يالرويحي لاتجددها ** وعلومك الماضيه حذرا ترددها
والظاهر انك تبا مني تنجدها ** ياليل ياليل طول واسر ياساري



اثرك مضمي واحسبك رويان= والعد معسرتك مشاريبه

يافارسٍ تسحب وراك حصان = والضلع قدمك عاويٍ ذييه

[الرويحـــي]

ا
اللقمه اللي بحلقك لاتغصبها *** فضيحة ٍ تفلها لكن تغصبها
ماكل من جاء بحور الشعر غاصبها *** ياليل ياليل طول واسر ياساري



عد ٍ هماج ٍ ماتجيه الضان = جنبت عن كثرة دغاليبه

يابو بطين ٍ فاضي ٍ مليان = الحمل تسرحبه وتضويبه

[صتمان]

غصت البحر وانت ميقافك على الجالي***والعلم جالك وانا ياخوك ماجالي
واصبحت مثل الذي عن ديرته جالي *** ياليل ياليل طول واسر ياساري




يافلان ماودي اسر فلان = والبوم تشهر لك مخاليبه
مار احترص ثم رجح الميزان = ان كان تبغالك معي هيبه

[الرويحـــي]

كم واحد ٍ يدخله من علم ويعبره *** وكم واحد ٍ كل علم ٍ يدخله عبره
وكم واحد ٍ عين حاله هلت العبره *** ياليل ياليل طول واسر ياساري



البيت مايرفع بلا عمدان = حتيش لو دقت مناسيبه

وان كان نارك عودت دخان = باقول ياصتمان والخيبه

[بعيد المراميس]

ههههههههههههههههه الله الله

واصلوووووووووووووا وانا متابع متابع الله لايهينكم

[صتمان]

انته من أي الثلاثه قول ياخالي *** ان كان عقلك دليلك فالخلا الخالي
والظاهر انك تبا تلعب على الخالي *** ياليل ياليل طول واسر ياساري


الملعبه تبغا فصيح لسان = ياشاعرٍ كثرت مطاليبه

أعف عن بعض الغلط لابان = والضيف في حكمة معازيبه

[صتمان]

الله لايهينك يابو جسار وبيض الله وجهك
والله اني ماأتحمس لين اعاين فــ أسمك
ولو الله يجيب أبراهيم العريفي كان زانت الجلسه

الله يخارجنا وواحد ٍ منا موات مار مدري منهو
وسلامتكم

[الرويحـــي]

اكرب حزامك وظلع المرجله عده *** واحفظ حصيلك مع الشعار ثم عده
ياشاعر ٍ بين أهل الشعر ماعده *** ياليل ياليل طول واسر ياساري



لا ركبت الحبه على النيشان=ماني بمن تخطي مظاريبه

مدام لاضرس ٍ ولا نيبان=صيد الذيابه كيف تسريبه

[الرويحـــي]

حياك يابو جسار
تزيدنا شرف متابعتك المستمره الله لايهينك

[بعيد المراميس]

الله الله

هذا والله المسرىىىىىىىىىىىىى

قلبت شقر الله يرج بليسكم اي والله

عزالله اني متابع للاستمتاع والفايده


شعار جزلين


والعريفي ياصتمان يجيبه الله شفني احاول اجيبه للمنتدى مير يتغلى ههههه

[صتمان]

العلم واضح ولايبغى مترجمله**وانته تجيب الخبر جمله ورى جمله
وشرواك فالملعبه وقفاتهم جمله**ياليل ياليل طول واسر ياساري



هذا الرويحي شاعر ٍ بطران=والطيب الأول من عذاريبه

واخر كلامي بنشد العربان=من شال راس الداب في جيبه

[الرويحـــي]

صحححححححححححححح السانك ياصتماااااااااان

وبيض الله وجهك ولاهنت
فعلا استمتعت بالمحاوره معك ويزيدني شرف اللعب معك طال عمرك

تحياااااااااتي ولنا لقاااء اخر في محاورات اخرى انشالله

تحيااااااتي لك وللمبدع بعيد المتابع معنا

شكرااااا