خويك زعلان عليك كيف ترضيه ابي حل عاجل. [الأرشيف]

هلالي^الشرقية

17-10-2005, 03:26 PM

ياجماعة الخير نريد حل خويك زعلان عليك من شي وانت ماتدري وشو مايرد على اتصالاتك ولا مسجاتك والمشكله انت بالدمام وهو بجده كيف ترضيه وتخليه يرد عليك ابي حل الله لايهينكم.

خبل بس عاقل

17-10-2005, 03:53 PM

هلا أبـو خـالـد
1- ممكن انك تتصل علية من رقم مايعرفه هو واذا رد عليك تتفاهم معاه .
2- ممكن تخلي شخص وسيط بينك وبينه ( يعني يقوم بعملية الإصلاح ) .

والله يوفق الجميع

أمل عبدالعزيز

17-10-2005, 05:34 PM

,
,
,,

راجع حساباتك وشوف وش المصيبة ألي سويتها :احم:

على العموم الحل هو /

ارسل له ماسج وتسآل وأخبره لماذا لاترد ياعزيزي!!!!

إن أجابك فبها

وإن لم يلقِ بالاً

فلك خيارين/

إما أن تتركه تماماً حتى يعود

أو إن شككت في وضعه أو يكون ( صابه مكروه لاسمح الله) فلك أن تبعث من يأتيك بخبره....

أتمنى أن تكون استفدت ياعزيزي..

هلالي^الشرقية

17-10-2005, 05:44 PM

اشكركم على المرور المشكله حاولنا نكلمه من ارقامه ثانيه بس المشكله هي هي مايرد .

سعد النخيش

17-10-2005, 06:50 PM

طنش تعش

ومصير الحي يتلاقا

بنت نجد

17-10-2005, 10:59 PM

بما أنك دقيت عليه من أرقام ثانيه ولا رد عليك

فأنت تستبعد أنه يكون زعلان منك

إذاً الحل أن تتصل على أحد من أقاربه أو معارفه لتطمئن عليه

أن كان بخير فإجعلهم يوصلون سلامك إليه ليعلم أنك حريص عليه وأنك واثق من نفسك إنك لم تغلط عليه وبكذا سويت إلي عليك وريحت ضميرك

وإن كان غير ذلك (لا سمح الله )فعليك هنا أن تقوم بالواجب (زياره دعاء 0000)

والله ييسرلك درب الخير

دفا المشاعر

18-10-2005, 12:01 AM

كلامي وردي من رد أمل عبد العزيز فالفكرة واحدة ،،

حاسب وراجع نفسك فيما غلطت عليه إذا إنت غلطت فعلا

وقد يكون أصابه ظرف ما لعدم رده عليك

الغايب عذره معاه

ومالك سوى الدعاء له بحفظه من كل مكروه وأن تتواصل معه على محبة وخير

أختك ،، دفا المشاعر

السُّلمي

18-10-2005, 02:20 AM

الاخ هلالي الشرقيه

ارسل عليه رساله من جوالك .. انا فلان حبيت اتطمن عليك لكن للاسف ماترد على الجوال

عسى المانع خير ان شاء الله. ولايكون ضايق علي وانا ماعرف قولي الله يرحم والديك .

هذا إن لم يكون بينكم خلاف .. اما إذا كان بينكم خلاف

ارسل له

اخي الفاضل اعتذر مما حصل مني وارجوا أن تعذرني وانا مستعد ارضيك باللي تبيه.

لو تبيني اجيك بجيك بس اول قدر ظروفي انا زي ماتعرف بعيد وصعب الان اوصل اليك .

.... وإن مارد عليك دعه مع الايام سيكتشف ذلك بنفسه .

لك مني فائق التحايا والاحترام

اخوك.. السُّلمي

لك مني فائق التحايا والاحترام

خــــالـــــد

18-10-2005, 06:05 AM

هلالي الشرقية

.
.

انتظر فترة من الزمن .. ودق عليه من رقم ثاني

إذا ما نجحت

عليك أن تنتظر وتذهب إلى جدة .. وتجعل أحد الأصدقاء يجمعكم دون علم الآخر

ربما هذه طريقة

أخوكـ/خالد

جواهر عبدالله

18-10-2005, 06:30 AM

حاول أن تتصل بأحد معارفه أو أقاربه لتطمئن على صحته

وراجع حساباتكـ وشوف

إذا صدر منكـ شي يمكن يكون هو سبب زعله فحاول ترضيه بالمسجات أو بوسيط بينكم

وإذا ما صدر منكـ شي وتأكدت إنه بصحة وعافية .. أفهم إنه يبي ينهي العلاقة بينكم وبدون سبب

وعلى مثل هؤلاء لا تحزن ؟

مــوادع

18-10-2005, 10:56 AM

والله اخوي هلالي الشرقيه

اعتقد من الافضل ان تتركه في حاله

لانه ربما الان هو محرج منك من عدم رده عليك الفترة الماضيه

دعه فترة من الزمن

واعتقد انه سيغير رائيه ويتصل بك

اخوكم/عبدالله الشمري

هلالي^الشرقية

18-10-2005, 11:17 AM

اشكر الأخوان على المرور وعلى هذا التفاعل الطيب وان شاء الله المياهر تعود لمجاريها.

نايف الأسلمي

18-10-2005, 01:38 PM

الاخ هلالي الشرقيه انا صراحه اشوف نه الرجال زعلان منك عشان كذا مايرد على اي رقم مايعرفه لكن هذا الموضوع يبيله جاهيه خوذ لك من الرجاجيل اصحاب

الجاه اللي تعرف انه يقدرهم وزوره واذا تشوف انه اقل من كذا مثل ماقالك احد الاخوه طنش تعش تنتعش وسلامتك

نايف الاسلمي

هلالي^الشرقية

18-10-2005, 03:22 PM

مشكور اخوي نايف على المرور

ThAmErOnA

18-10-2005, 10:52 PM

ياسر الزهراني

19-10-2005, 12:28 AM

اولا / دعني اصدح فرحا بمشاركتي في موضوع يخص الغالي هلالي الشرقيه

ثانيا/ مافي الا حل وحيد اللي هو ترسل له هالرساله وهو اكيد بيقدر

واعذرني هذا كل اللي قدرت عليه واتمنى تعجبك الرساله اقول فيها:

ابوك ياخالد شكى جور الايام

اعز ناسه ما يرد اتصاله

اعيش من دونه تناهيد واوهام

تايه ولاني عارف اليوم حاله

يمكن زعلت ويمكن اقدار الايام

عتت على قلبك وضيّع وصاله

ارجوك رد وعالج اوهام واسقام

ارحم خويّك (جاوبه عن سؤاله)

..............................................

هذا اللي قدرت عليه واعذرني اخوي الغالي بو خالد

اخوك/صقــــــــــــر الجنوب

هلالي^الشرقية

19-10-2005, 01:30 AM

مشكور اخوي ثامر على المرور والرساله وصلت

هلالي^الشرقية

19-10-2005, 01:31 AM

مشكور اخوي ياسر على ذا الطله والف الف الف شكر على الابيات الي اكثر من رائعه.

وان شاء الله يكون لها صدى جميل .

حنين الماضي

23-10-2005, 11:10 PM

طمنا رد عليك خويك والا لا....

رماد الجرح

25-10-2005, 06:56 AM

اخـــــــــــــــــــــــ ـــــــــــوي هلالي الشرقيه
المفروووض فورا تزوره اذا فشلت في معرفة اخباره
اذاكان غالي عندك روح لجـــــــــــــده مع اقرب خوي لك يوم واحد واذا كان بخير وتطمنت عليه
قله مافيك خير تشوف مكالماتي ولاترد ويحق لك انت تزعل:11xing:لانه اقلقك
اما اذاكنت مخطي فلابد من السؤال عليه الدنيا بلاويه كثيييييير
احجز لك تذكرة ورووووووح وامانه طمنا اذا رجعت الما لمجاريها
اختك رمـــــــــــــــاد الجرح

هلالي^الشرقية

25-10-2005, 09:42 AM

حنين الماضي الأمر لازال على ماهو عليه وان شاء الله تتضح الحققيقه قريب بحول الله.

هلالي^الشرقية

25-10-2005, 09:43 AM

رماد الجرح شكرا على المرور وان شاء الله هذا الي بيصير الايام الجايه

هلالي^الشرقية

06-11-2005, 05:45 PM

كل عام وانت بخير ومن العايدين ومن الفايزين واشكر كل من شارك بهذا الموضوع واخص بالشكر اخوي ياسر على الابيات الجميله التي سطرها

دمعة قهررر

06-11-2005, 06:44 PM

أخوي هلالي الشرقية

أنا أقول لايكون مريض او فيه شيء لا سمح الله عشان كذا مايقدر يرد عليك

إذا كان زعلان ومايرد عليك فيحق لك أنت تزعل لأنه زودها الصديق المفروض إذا زعل من صديقه يصارحه مو يطنشه

أنا أشوف أنك ترسل له مسج
تقول فيه رد علي إذا كان لي في قلبك مكانة

وترسل له هذه الأبيات
أشوف أنا لي صاحبن قاطع الود
قدري بصدره ياهل الجود طاحي
يمكن لقى له صاحبن غيرنا يسد
ونسي المخوه في ديار الفلاحي

بس مثل ماقلت لك أخوي تأكد لايكون لاسمح له حصل له شيء

وياليت أخوي تبلغنا وش صار معاك

وباذن الله في القريب العاجل تبشرنا بعودتكم مثل قبل وأحسن