$$ مسابقة غرابيل الأدبية للشعر الشعبي $$

[سعد المسعودي]

بسم الله الرحمن الرحيم
@@@@


مســــابقة غرابيل

الشعرية الكبرى

@@@@

شعراء وشاعرات منتديات غرابيل

السلام عليكم ورحمة الله وبركاته !!!

أهلا وسهلاً بكم أمرار وتكرار ،،

وبأسم أخوكم أبوعبدالرحمن

والذي حملني أمانة شكركم

وبكم نبشركم بإن صرحكم

من شموخ لشموخ !!

وبهذه المشاركة الأدبية الخفيفة

نتقدم لكم بشديد الأعتذار !!!

ولانخفيكم بما نعلمه عن بسيطنا

وحجمه بقلوبكم !!

لذا

تواجدنا هنا

لطرح هذه المسابقة الخفيفة

لشعراء وشاعرات

غرابيل

فياهلا فيكم




ـــــــــــــــــــــــــ ـــــــــــــــــــــــــ ـــــــــــــــــــــــــ ــــ





@@ أهداف المسابقة @@





1:زرع التنافس الشريف بين شعراء وشاعرات المنتدى .

2:لتكثيف تواجدنا وأستمرارية عطآتنا ..

3: تكريماً لكل شاعروشاعرة بالمنتديات الأدبية .



ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ




@@ فترةوجوائز المسابقة @@





سوف تبدأ المسابقة من تاريح هذا الأعلان ،،

حتى تاريخ 2/10/1426هـ





$$ الجوائز$$





الأول : يحصل على مبلغ مالي وقدره ســــ{{ 700 }}ـــمائة ريال

+ مائة نقطة تضاف لعدد مشاركاته

+ تثبيت قصيدته لمدة شهر !!!


،،،،،،،،،،،،،،،،،،،،،،،،، ،،



الثاني : يحصل على مبلغ مالي وقدره خمـســـ{{500 }}ـــائة ريال

+ خمسة وسبعون نقطة تضاف لعدد مشاركاته

+ تثبيت قصيدتة لمدة شهر !!!



،،،،،،،،،،،،،،،،،،،،،،،،، ،،،،،



الثالث: يحصل على مبلغ مالي وقدره ثلاثـــمـ{{300 }}ـــا ئة ريال

+ خمسون نقطة تضاف لعدد مشاركاته

+ تثبيت قصيدته لمدة شهر !!!



ـــــــــــــــــــــــــ ـــــــــــــــــــــــــ ـــــــــــــــــــــــ




@@@
شروط المسابقة
@@@






1: سوف يطرح بيتان ((قافية ووزن ومعنى وترتيب ))

والمطلوب إكمال البيتان بستة أبيات على نفس القافية والوزن وتنسيقاً مع

تماشي المعنى !!! وإكمالاً لخطوات الرساله المتواجدة بروح البيتان !!!!

ليصبح عدد بيوت القصيدة ثمانية أبيات !!!

مكتملة !!!


،،،،،،،،،،،،،،،،،،،،،،،،، ،،،،،،،،،،،،،،،

2: كل مشاركة تطرح ،، تمنع لمابعدها من

تكراروقفات القافية ...

لذا على كل مشترك محاولة الطرح لقصيدته ضمن الأوائل

للأبتعاد عن متاهات الأحرام من منع تكرار الوقفات ،،

والتميز بحضورة وأحرام من بعده من تكراروقفاته !!!




ـــــــــــــــــــــــــ ـــــــــــــــــــــــــ ــــــــــــــــــــــ



@@
بيتان المسابقة
@@




المشكلة لوأنها روحت السبت

قلنا بدال السبت سبت ٍ محله

المشكلة فكرت فيها وحسبت

لقيتها أكبر من العمركله




ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ




مع تمنياتي لكل شاعر وشاعرة

بمنتديات غرابيل الأدبية التوفيق

وكل عام وأنتم بخير !!!

ولكم فائق تقديري وأحترامي



بسم الله الرحمن الرحيم

أسماء أعضاء لجنة المسابقة الشعرية بمنتديات غرابيل بعد طرحها في موضوع مستقل

مع شكري وتقديري لهم لأنضمامهم باللجنة وموقفهم النبيل لوقوفهم معنا !!

وهم كالأتي :

1:الشاعر / رشيد الكسر

2: الشاعر / عويد العطاوي

3: الشاعر / عبد الله محمد

4: الشاعرة / نايفة شمر

5: الشاعرة / أحلاهن

بالأضافة لأخوكم / سعد المسعودي

متمنين أن الله يوفقنا لوجه العدالة !!

وللجميع تحياتي






أخوكم الشاعر / الحرالأشقر

[أمل عبدالعزيز]

,
,
,
راائع ياعزيزي


وبداية مشوِّقة

نتوق لأن نرى القلوب والأقلام هنا حاضرة بصدق....


تحيتي لك ياعزيزي ...

[مهدي بن مسفر الحبابي]

تسلم على هــذه الــفــكــره الرايـعـه


بيض الله وجـهـك


تسـلم أخوي وبالتوفيق انشاء الله للجميع


لك خالص تحياتي وتقديري

[سلطان الحمدان]

فكرة ممتازه وبارك الله فيك


بالتوفيق للجميع

تحياتي لك ياسعدالمسعودي
اخوك سلطان

[عـويد العطاوي]

بارك الله فيك يالمسعودي


بالتوفيق للجميع

تحياتي

[نياف العتيبي]

هلا ياسعد

سلمت يالغاالي وإن شاء الله نشوف

ابدااع شعراء غرابيل

وهذي مشاركه متواضعه .. للمشاركه



المشكلة لوأنها روحت السبت = قلنا بدال السبت سبت ٍ محله
المشكلة فكرت فيها وحسبت = لقيتها أكبر مـن العمركلـه
المشكله روحه بلا رجعة ٍ ثبت=وهذا الذي بين المعاليق غله
من هول ماعانيت ياصاحبي شبت=لاح البياض بعارضي قبل حله
ذابت معاليقي وانا مثلها ذبت=كم لي وانا اقاسي واشوف المذله
أتعبت روحي يارفيقي من الكبت=واليوم ابعلنها على كل مله
ماني بقايلك بعد غيبتك طبت=بالعكس زاد القلب عله وعله
مات الامل من يوم عن ناظري غبت=شيّعت جثمانه وسلّم هل ٍ له

:
:
النااااااايف

[ليــن القســا]

الأخ : سعد المسعودي
فكرة سديدة ...ورغبة سامية
بارك الله فيك ووفق الله الجميع
وإلى مزيد من العطاءات أخي

[علي عبدالرحمن الأسمري]

لاهنت ياالمسعودي
وتمنياتنا للجميع بالتوفيق
تحياتي

[مشاعر حالمه]

بالتوفيق للجميع ...



تحيتي لك يالمسعودي وللـــ أبو عبدالرحمن ...


أختكم /مشاعر حالمه ...

[أبوعبدالرحمن]

بالتوفيق للجميع

والله يعطيك العافية أخوي سعد

وننتظر ابداعات شعراء غرابيل

[سود العيون]

الله يوفق الجميع


وننتظر جميعاً / ما ستنثره أقلامكم العبقة ... على صفحات غرابيل الإبداع



والف شكر للأخ الشاعر سعد ( الــحر الأشقر )



خالص مودتي

مع أمنياتي لكم بكل توفيق



سود

[عبدالله محمد]

الحقيقه أنا أشكر كل من كان وراء نجاح هذا المنتدى من إدارة أو مراقبين أو مشرفين أو أعضاء
وبالنسبة للمسابقات التشجيعيه للشاعر فهذا التشجيع والدعم ليس بمستغربه أبدا على هذا المنتدى الرائع والحقيقه هذا الجهد يضاف للجهود الكبيره التي تقوم بها غرابيل

تقبلو خالص تحياتي ،،،،،،،،،،
أخوكم : عبدالله محمد

[محمد العجمي]

السلام عليكم والرحمة الله وبركاته

ليس الهدف الا المشاركه فقط

إليكم القصيده




المشكلة لوأنهـا روحـت السبـت =قلنا بـدال السبـت سبـت ٍ محلـه

المشكلـة فكـرت فيهـا وحسبـت= لقيتهـا أكبـر مــن العمركـلـه

يا حظ ما ترحم خفوق به انجبت=هم يهودي ظالمه ومستحله

لو في يدي حيله زعلت وتسببت=واشوف باكر ينفعه كيف دله

لكن حليم وطبعي اتحمل الكبت=واقول ما يبغي الغلا فدوة له

العيب ما هو في عيون بها ذبت=العيب بظروف لها ألف مله

ان غبت يا منور سما العاصمه غبت=في معركة لمس النجوم المطله

ما كل ما يغريك لا رحت له صبت=وش هو اظلال من دون بله

وان كان ما وفقت في رحلتك خبت=ترى حياة العز عكس المذله


اجمل التحاياااا

محمد العجمي

[ترف]

حقول من الحروووووووووووووف
مساحات شاسعه من السنابل الذهبيه
كلمات تقطر شهدا
حديث لايمل ........
قطرات من ندى الشعر
جمال متناهي ......
حضور ولا اروع..........
مكان التقاء ملوك الكلمه
وسلطنة الشعر ....................


المسعودي

موضوع راااااااااائع

يدل على روعة قلمك

ونحن نتلهف شوقا لما سوف نراه على هذه الصفحات
دمت ودام لنا تميزك
0
0
0

~~$$ تــ دمت بود ــرف $$~~

[بعيد المراميس]

واستلموا مشاركتي وهي كيبورديه يعلم الله لاكن للمشاركه

علمآ الشرط اللي يتكلم عن القافيه صعب لاكن كل شي على الله

بسم الله



المشكلة لوأنها روحت السبت =قلنا بدال السبت سبت ٍ محله
المشكلة فكرت فيها وحسبت =لقيتها أكبر مـن العمركلـه
شرّقت بالافكار ساعه وغرّبت=واسترسل الهاجوس عن كل زله
ما فالليالي خير من عقب جربت= تعاقبت دون النجوم الاهله
(لين انصرم حالي مثل صارم النبت)= كلمة كريمٍ زادت الطين بله
ان طاب جرح الود يامنيف ماطبت= الوقت جاير كل سيفٍ يسله
تركت دربٍ للمواليف وانبت= للخالق اللي دبر الكون كله
وعن خوةٍ ماهي بخوه تجنبت=خاويتهم واللي صفى اليوم قله

[أبوعبدالرحمن]

وهنا مشاركتي معكم :


المشكلة لوأنهـا روحـت السبـت=قلنا بـدال السبـت سبـت ٍ محلـه
المشكلـة فكـرت فيهـا وحسبـت=لقيتهـا أكبـر مــن العمركـلـه

حسبّتها منّا ومنّاك وارتبت=حزّنت وأضحكت القلوب المغلّه
اللي تبسّم كل ما أنا تعذّبت=وحجاجها لا ضقت دايم تفلّه
هي روحّت وأنا عن الناس جنّبت =واخترت لي من ( حيّ الأحزان ) شلّه
عن شوفة الأصحاب حرّمت وأضرّبت= وقنّدت لي من همّ الأيام دلّه
ألين من حزني عليها تشرّبت= اقرأ مجله واتصفّح مجله
كتبّت فيها الشعر واليوم رتبّت=بالله من يعطي لها الشعر بالله ؟!!

[هادي الهاجري]

المشكلة لوأنها روحت السبت *** قلنا بدال السبت سبت ٍ محله


المشكلة فكرت فيها وحسبت *** لقيتهــا أكبر مـن العمـركلـه


اللعبت هاجوسي على شانك الللعبت *** حــذرى تزيد الطين يازين بله


وأشملت بالهاجوس يازين وأجنبت *** ( وفليت فكري مثل فل السجله )


وانا من العشاق والصد مارتبت *** مأنيب من يرضى بعيشة مذله


ياما على شانك هل العذل حاربت *** بالسيف ابوحدين دونك نسله


من عادتي تطلب وأنا ماتهربت *** واللحين تجعل خافقي فوق مله


اقرى قصيدي وادعي إنك تانبت *** حـــــبك بقلبي ماتزعزع محــله

[فرج حمد الشمري]

اخوي سعد لفته رائعه ومميزه ..

تمنياتي للجميع بالتوفيق ...

تقبل صادق تحاياي ...

[سعد المسعودي]

اشكركم جميعا من دون تخصيص


أخوكم/ الحرالأشقر

[محمد فراج الدوسري]

:11unce:
المشكلة لوأنها راحت السبت

=قلنا بدال السبت سبت ٍ محله

المشكلة فكرت فيها وحسبت

=لقيتها أكبر مـن العمركلـه

لقيتها اكبر من العمر جنبت

=ماهيب في شامٍ ولا بالمكله

يا وين انا 0ذبح القوافي تعزبت

=عشقتنا النجمات والليل فله

ياليت بلقى غيرها لو تغربت

=ياليتها ماكانت00 وكان خله

ابحرت في لال السراب وتسربت

=ظامي00 وببقى ظاميٍ ولا اعله

كل الطرق ودت لروما وتشعبت

=اسكن بها روحٍ جسدها تمله

العمر كله والاحد يلحق السبت

=وش خانتي من دونها يا حلله

[سعد المطلق]

الله لايغفر خطا ذنبٍ اذنبت=حبلٍ عقدتها يالغلا لا تحله
ياالجادل اللي عن سما دنيتي غبت=اسالك بالله نبض قلبي تدله
اتلا العهد غرب معك يوم غربت=عاف الظلوع وعاف صدري وظله
يا وجد حالي كل ماقفيت واطلبت=ارقى على روس الجبال المطله
رقيت راس طويق وارقبت وارقبت=مااغير اعد شهورها والا هله
لا ما تعبت.الا تعبت وتعذبت=انشد ضلوعي عن خفوقي وخله
المشكلة لوأنها روحت السبت =قلنا بدال السبت سبت ٍ محله
المشكلة فكرت فيها وحسبت =لقيتها أكبر مـن العمركلـه

[مهدي بن مسفر الحبابي]

الله يوفق الجميع لما يحبه ويرضـاه


[b]المشـكـلة لـوأنـها روحـت الـسبت
- - - -قـلـنا بـدال الـسبـت سـبت ٍ مـحــله
المشكــلة فـكـرت فـيـها وحـسـبت
- - - - لـقيتـهـا أكـبر مـن العـمـــر كــلـه

والمشلكة جـمـلـة جـميـله لـها أعـربـت
- - - - قـلـبي مـعـى الطـاري عـروقه تـتـله
والمشكلة صارت هواجـيـس وأنشـبت
- - - - والـدرب لـو يصـعـب عـلـيـنا هـلـلـه
والمشـكلـة فكرت فيـها عـلى أبـت
- - - -وحـصلـتـهـا حـلـه وحـلــه وحــلــه
والمشكلة في قـصة الـحـب رغبـت
- - - -انا الـذي لـو يـعقـد الحـبـل أحــلـه
والمشـكلة ماهو بعيبِِ ان تكسبت
- - - - المـشكلـة فـأهـل الـكبود المـغـلـه
والمشكلة فـالعـلـم هـذا تـعـجبـت
- - - - عـلـمِِ حـقـيقـي صـدق دقـــه وجـلـه

[محمد سالم الهاجري]

السلام عليكم والتحيه تقبلووووومروري اخوكم برق الشمـــــــــــال

وناا اعجبتني قصائد كل المشاركيين

بس شدة انتباهي قصيدة الشاعر هادي الهاجري بدون قصور فييييكم تقبلوووووووووووووتحيااتي

اخوكم الصغير برق الشمــــــــــال

[بنت الشيوووووخ]

السلاااااااااااام عليكم

اعضااااااااء غرابيل الكراااام

واللجنه الموقره

حبيت يكون لي مجال بينكم

كتب لكم هذه الابياااااااااااااات




استلمووووووووووووووووو

المشـكـلة لـوأنـها روحـت الـسبت=قـلـنا بـدال الـسبـت سـبت ٍ مـحــله
المشكــلة فـكـرت فـيـها وحـسـبت= لـقيتـهـا أكـبر مـن العـمـــر كــلـه
امووووووووت مابعت بغلااااك وتكسبت=احب عزالحب مااحب ذله
يكفيني اني في غرااامك تنسبت=انتي نسب حبي بدقه وجله
محبتك نجحت فيهاااا ورسبت=رسبت منهو لك على الكبد عله
مع درب حبك ياهوى البال عسبت=مالي بظل غير فيه وظله
ياللي بسوط الحب والشوق لسبت=قلبن حديثك بالهوى مايمله
ابن سبيل بالهوى وابن قسبت=شكو فراقن ماوصل حد حله
وانا على جور المحبين غسبت=تغسيبت المجروح دور دون له


علمااا بانها ليست من كلمااااااااااتي
فهي للشاعر الكبير والمعروف عبدالله المعيذر
ولكن ادرجتها انا هنا بااسمي
لكونه غير عضو من الاعضاء
يعني الجائزه لي
ههههههههههههههههههههههههه هههههه


تقبلوووووتحيااااااااااااا اااااااتي

[ياسر الزهراني]

المسابقة رائعه



والابيات الي دخلت المسابقة ممتازه




اشكر القائمين على هذه المسابقة






واتمنى التوفيق للجميع



وبكل صراحه ابدعت اخي الناااااااااااااااااااااا يف فأنت اول من كتب




وتقبلوا خالص تحياتي













.........................................
اخوكم/صقر الجنوب

[عبدالعزيز الخالدي]

المشكلة لوأنها روحت السبت = قلنا بدال السبت سبت ٍ محله
المشكلة فكرت فيها وحسبت = لقيتها أكبر مـن العمركلـه
كني ابي اصغر بعَد ما انا شبت = قلبن خضر بس الخفا فيه علّه
اضحك على دقن الحقيقه ولا تبت = واحلم واساير مبتغى ما ادله
هذي حياتي عشتها لو تعذبت = بني هموم وحزن والحظ دله
دربي وجار وخطوتي تشبه النبت = تيبس يجي ظرفن ويشعل محله
فنجالي الدله واذا يوم به غبت = تلقوني اتقهوى والايام شله
وان ما لقيتولي اثر او تغربت = شوفوا فراشي يمكن الحلم فله

[خالد النفيعي]

مشكور ياسعد المسعودي على هذه الفكره واتمنى للجميع الفوز


لدي ملاحضه وانا متاكد انها غلطه مطبعيه البيت الاول فيه كسر


المشكله لو انها روحت السبت *** قلنا بدال السبت سبتٍ محله



الصحيح



المشكله لو انها راحت السبت = قلنا بدال السبت سبتٍ محله


تحياتي للجميع


ولي عوده

[نياف العتيبي]

مشكور ياسعد المسعودي على هذه الفكره واتمنى للجميع الفوز


لدي ملاحضه وانا متاكد انها غلطه مطبعيه البيت الاول فيه كسر


المشكله لو انها روحت السبت *** قلنا بدال السبت سبتٍ محله



الصحيح



المشكله لو انها راحت السبت = قلنا بدال السبت سبتٍ محله


تحياتي للجميع


ولي عوده


هلا باخوي خالد

اخوي الله يسلمك

عندي ملاحظه على توضيحك

لايوجد خطأ مطبعي

في روحت

ولكن انت قراتها روّحت بمعنى ذهبت

بفتح الراء وتشديد الواو وفتح الحاء وتسكين التاء رَوّحَتْ

وفعلاً كلامك هنا يكون مكسور

وروحت بمنعى سفرهابذاك السبت

وروحت هنا فتح الراء وضم الواو وفتح الحاء وتسكين التاء

رَ وَ حَتْ

والواو والف كلها حرووووف عله

وتقوم مقام بعضها البعض


هذا رايي وان اصبت فمن الله وان اخطأت فمن نفسي والشيطان


النااااااااايف

[ليــن القســا]

وروحت بمنعى سفرهابذاك السبت

وروحت هنا فتح الراء وضم الواو وفتح الحاء وتسكين التاء

رَ وَ حَتْ

والواو والف كلها حرووووف عله

وتقوم مقام بعضها البعض


هذا رايي وان اصبت فمن الله وان اخطأت فمن نفسي والشيطان


النااااااااايف
أخي النايف ...شكرا لجهودك ..
ولكن ...(. روحت )فيها خطأ إملائي
فهي تكتب بالتاء المربوطة هكذا ( روحة ) لأنها تحتمل اللفظ بالهاء عند الوقف ..
والتاء المربوطة عند الوصل ...

[ياسر الزهراني]

صحيح اخي النايف البيت مافيه اي كسر



لكن خطأ في القرأه

[نياف العتيبي]

أخي النايف ...شكرا لجهودك ..
ولكن ...(. روحت )فيها خطأ إملائي
فهي تكتب بالتاء المربوطة هكذا ( روحة ) لأنها تحتمل اللفظ بالهاء عند الوقف ..
والتاء المربوطة عند الوصل ...


هلا اخت لين


كلامك عين الصواب

تاء مربووطه

شكرا على تعقيبك


النااااااايف

[*أهداب*]

هذه متواضعه بين أيديكم ..لمجرد المشاركة ...


المشكلة لوأنهـا راحـت السبـت=
قلنا بـدال السبـت سبـت ٍ محلـه
**
المشكلـة فكـرت فيهـا وحسبـت=
لقيتهـا أكبـر مــن العمركـلـه
**

احسب حساب العمر كم مرة(ن) اذنبت=
يارب تغفرلي على كل زلة
**
ياتركي ابا اوصيك على ماتعلمت=
لا تتبع المقفي. ولو ..راح خله
**
هذي حياه ان كان فيها مافكرت=
تصبح حياتك ياغناتي مذلة
**
الوقت علمني على كثر ما شفت=
شفت الكثير وكل علم(ن) ادله
**
وجده عليها يوم راحت ولا جت=
يصفق بكفينه ودمعه يهله
**
والعذر ماودي بــ الأبيات حددت=
والعذر لأهل المنتدى هم أهل(ن) له

[ليــن القســا]

المشكلة لو إنها روحة السبت
..............قلنا بدال السبت ...سبت محله
المشكلة فكرت فيها وحسبت
..............لقيتها أكبر من العمر كله

عزاه يا همّ بجوفي ترسبت
......... من بعد مابعثر سنين مظله
ما غيرها شرهة ضميري آليا تبت
.............وشعلة ودادٍ ما تساهلت حمله
هي الحصيلة ...حين شرقت غربت
.............عودت لأقصى التفاصيل المملة
ياحسرةًً من فوق جمره تقلبت
............و بيحت سر ّالجوف دقه وجله
أقفا يمثّل ...لي إشارة تغيبت
............وينثر غبار الهمّ بوجه المطلة
أجوب فكري وافتكر ويش سببت
............لذاك العديم اللي غمرني بنذله

[سالم محمد اليامي]

مساائكم شعر وعاافيه


لاهنت ياصااحب الفكره الرااااااائع


توني

اشوفهاااا




اجل انتظروني سأكون احد المشاركين




اخوكم

الراوي

[سعد المسعودي]

مشكور ياسعد المسعودي على هذه الفكره واتمنى للجميع الفوز


لدي ملاحضه وانا متاكد انها غلطه مطبعيه البيت الاول فيه كسر


المشكله لو انها روحت السبت *** قلنا بدال السبت سبتٍ محله



الصحيح



المشكله لو انها راحت السبت = قلنا بدال السبت سبتٍ محله


تحياتي للجميع


ولي عوده


هلابك :

أخوي: خالد


وملاحظاتك على العين والراس


وللإيضاح أكتفي برد أحوي نياف الله لايهينه !!


ولك تحياتي


أخوك : الحرالأشقر

[محمد فراج الدوسري]

السلام عليكم

لخوي مسعود لو لاحظت اني كتبتها من اول يوم راحت السبت ارجو ان تحطها نقطه

اشكرك على اذكاء روح التنافس الشريف


وللجميع الود والورد

[ياسر الزهراني]

السلام عليكم



هذي ابياتي اكتبها



وصفا لمن تركتني ورحلت الى بارئها


حبي الاول والاخير (مها)



واعذروني والله تأخرت في الكتابه لاني كنت غارق بظروفٍ صعيبه وويلات



اليكم الابيات





المشكلة لو انها روحة السبت
قلنا بدال السبت سبتٌ محلّه
=
المشكله فكرت فيها وحسّبت
لقيتها اكبر من العمر كلّه
=
ماتت مها واعطتني الغم والكبت
من عقبها درب الفرح ما ادلّه
=
ماتت وانا في موتها ما تسببت
ماتت وقلبي مالقى من يشلّه
=
لعيونها عن كل ناسي تغرّبت
أبحر بذكراها ودمعي اهلّه
=
عَزّ الله اني في هواها تعذّبت
جيش الألم زار الحشى واستحلّه
=
( وقبرها) لى جيت يمّه وقربت
ألبس من الاوجاع والحزن حُلّه
=
عن حبها لو تابت الروح ما تبت
عشقتها والعشق ياناس علّه






ولكم خالص تحياتي

















:::::::::::::::::::::::::::::::::::::::::::::::::: :
اخوكم / صقــــــــــر الجنوب

[هلالي^الشرقية]

كالعاده اخي ياسر متميز

[نواف الحربي]

مسابقة شعرية كبيرة


في منتدى شعري كبير


وشعراء لا نستطيع أن نصفهم بالكبار



لأنهم تجاوزو حدود هذا الوصف بمراحل



ولست بصدد سرد ما يثبت لمن يتهمني بالمبالغة أنني من الواقع أقرب

لأن في هذه المسابقة مايفي بالغرض

في أبيات المسابقة مايجبر أنصاف الشعراء على التنحي جانبا

مستمتعين بمشاركات من يستحقون أن يطلق عليهم بأنهم شعراء

مـــــن الـــــعـــــيــــار الـــــثـــــقـــــيـــــ ل


ولنا في ماسبق من مشاركات ما يعكس ثراء منتدى غرابيل بهكذا شعراء






دعواتي للجميع بالتوفيق و النجاح


,,,

[رشيد الكسر]

السلام عليكم ورحمة الله وبركاته .
،
،
،
،
أود ان اشكر الاعضاء الذين قامو بالمشاركه لهم جزيل الشكر والتقدير .
،
،
،
لااااهنتووووووو جميعا
،
،
لكم اجمل تحياتي واحترامي

[عبدالعزيزالكسر]

تحية طيبة للاخوان والاخوات جميعا

واليكم هذه الابيات التي اتمنى ان تدخل في دائرة النافسة الطيبة

وان لم تفز

فالجائزة ليست هدفي بقدر ماهي المنافسة الطيبة مع اخواني الشعراء

المشكلة لوأنها روحةالسبت = قلنا بدال السبت سبت ٍ محله
المشكلة فكرت فيها وحسبت = لقيتها أكبر مـن العمركلـه
شفت اليقين بواقعي بعد مارتبت = عرفت طبع الزين وادركت دله
ياليتني عن حبه اليوم جنبت = ماصرت بيدين الغضي لعبت(ن) له
ا نا اشهد اني ضايعن فالهوى ثبت = غويت دق الحب واهملت جله
ياما وياما في حياتي تعذبت = واللي تمنى خافقي ماحصله
انا غريب الذات لو ماتغربت = و قلبي غرابيل الزمن مدهل(ن) له
ومما حصلي فالهوى ماتعجبت = وانا ادري ان الحب درب المذلة

[سعد المسعودي]

بسم الله الرحمن الرحيم

مع التقدير للشعراء الأفاضل


السلام عليكم ورحمة الله وبركاته


لأملك ومن مبدأ مأريد الحديث عنه

أولأ وأخيراً هو الشكر لله سبحانه وتعالى ثم لكل شاعر تواجد وشارك في المسابقة

وتمييز بمشاركته !!!!!

نعم كتبتم فابدعتم !!!


وكما لأخفيكم أن هناك وضمن شروط المسابقة بند

توقفت ضمائر اللجنة بأمانتها أمامه ،، وأبت ألاّ أن تطبق شروط المسابقة بالأمانة !!!


ألا وهو عدم تكرار وقفات جميع من أستبقك بالمشاركة !!!


لذا فقد تم أبعاد مجموعة من المشاركات رغم جزالتها !!!!!!!!!!!!


والبدء في التصويت على المشاركات التي وصلت لمرحلة القبول المبدئي !!!!!!!!


وقريباً سوف تعلن النتائج !!!!!!!!!!!!!!!


دعائكم لنا بإن نوفق وجه الصواب


وتقبلوا فائق أحترام وتقدير اللجنة


اللجنة المشرفة

[بنت الشيوووووخ]

الجمييييييييييييع ابدعتو ومااااااااقصرتو

وكما قال المسعوووودي

الكثير من القصايد استبعدت فقط لانهااا فقدت شرط من شروووط الماااااااسبقه

تقبلوووووووووو تحياااااااااااااتي جميعاااا

ولكم كل الشكر

اختكم

أاااااااااااااااحلاهن

[محمد فراج الدوسري]

بالتوفيق

[خالد النايف]

أسعد الله أوقات الجميع بكل خير وهذي مشاركتي يمكن الله يجيب خير





المشكله لو إنها روحت السبت = قلنا بدال السبت سبت ٍ محلـّـه

المشكله فكرت فيها وحسبـت = لقيتها أكبر من العمر كلـــــــّـه

المشكله علم ٍ كبت خافقي كبت = فرقا حسين الوصف بلوا وعلّه

المشكله من عقبها إني تعذبت = وإني بعد درب الغظي ما أدلّه

المشكله عن كل ربعي تغيبت = والكل ينشد ياعرب وش حصل له

المشكله إني تجرحت وإنصبت = من فارق أحبابه يذوق المذلــّــــه

المشكله مهما ومهما تهربـــت = يطري علي الزين زين الجبـــــلــّه

المشكله فكرت فيها وجنبــت = ولجيت للي كل كرب ٍ يحلــــّـــه


عندي طلب يابعيد المراميس لاتنسى أخوك .