عاجل :::شوركم لاعدمتكم يفيدني ويفيد غيري بخصوص الددسن والهايلكس ::لاتبخلون علينا

[تاجر مواشي]

اغنام - ابل - دواجن - طيور

السلام عليكم ورحمه الله وبركاته

كلمني رجال بعيد من الرياض وقال ابغاك تدور لي غمارتين هايلكس ومبلغه حدود الـ60

فرحت اليوم المعارض , معارض الشفا وبعد استشارة العارفين :: وقالوا لي لاتاخذ الا هايلكس غمارتين 2005 او 2004

و فريت السوق ولقيت 2005 نظيفه وحليوه وسألت قالوا مسيومه بـ 75 ألف ,, ولقيت 2004 فيها رفارف راحت بـ 58 ألف

ويوم شفت أنها بهالمبالغ والنظافه لك عليها كلمت الرجال وشرت عليه بالددسن وقال أبد توكل على باللي تشوفه

صرفت النظر عن الهايلكس وحولت على الددسن ,,

ولقيت ددسن غمارتين 2011 طاره هوا قزاز تماتيك ماشيه 29 ألف تو باغات وقراطيس الوكاله عليها حادها بـ 58 أخذت رقمه ومشيت

المهم دخلت معرض ولقيت دداسن 2012 اصفار قزاز تماتيك وطاره هوا ويقول راعي المعرض بـ63500 ,, وطلعت من عنده ,,

ناس يقولون الجديد من الدداسن صناعه تايلينديه ولاينصحون فيها ويقولون خذ 2007 ياباني ,, وناس تقول الددسن هي نفسها سوى ياباني ولا تايلندي

المهم الله لايحير أحد

لأني استشرت راعي 2007 قال الجديد مايصلح تايلندي
واستشرت راعي 2012 قال هي نفسها ماعليك من الكلام
وهل فعلا الـ 12 بـ 63 ألف ولا راعي المبلغ غلط في المبلغ

من عنده خلفيه عن الموضوع يتكلم ويفيدنا ويكسب الأجر فيني وفي راعيها