يم يم
20-06-2003, 04:28 PM
السلام عليكم ,,
هذي قصتي مع بنت جارنا ( خلود ) يوم تقدموا لي يخطبوني من امي....!!
مره من المرارير... جتنا جارتنا ام خلود تبغاني زوج لبنتها الكبيره خلود
وهي ( ضمير عائد للأم خلود ) من كثر ماتشوفني هادي ومحترم وأليف << ضب
ولاأحرك ساكن في البيت ومن البيت الى المدرسه ولا أختلط في أحد
ولا نيب حق أستراحات ولا حق أسواق ولا مشاغل ( جمع مشغل )
قالت بينها وبين نفسها هذا هو الزوج اللي ابحث عنه لبنيتي خلود
, عاد انا سوقي ماشي وكل بنات عمي وبنات جماعتي ميتين علي
يبغون يخطبوني من امي لأني ماشاءالله علي أصلح لكل بنت وكل
ماتقدمت لي وحده أرفض سبحان الله ماأدري ليه ( الزواج قسمه ونصيب)
المهم , وتطيح عين هالعجوز علي وأشوفها كل ماجلست عند امي
وانا جالس معهن أصبلهن القهوه تسألني وتحاول تحتك فيني وأنا عاد
أستحي ولا أحب اتكلم كثير , شكيت في الموضوع ورجعت بذاكرتي الى الوراء
( حلوه رجعت بذاكرتي الى الوراء) ويوم تذكرت اني كل ما نزلت من الباص
حق المدرسه ولا وانا راكب فيه الا بنتهم خلود جالسه تنتظرني عند بابهم
وتبغى تشوفني كويس ( حاطه العين عليه البنت بس هو دلخ) وانا أذا
شفتها أصد منها وأدق اللطمه وأدخل البيت بسرررررعه ولاحظتها كذا
مره وهي تبغى تتحرش فيني وانا مع السواق وتذب علي كلمات يعني
تميلح البنت بس انا ماأعطيها وجه وفي نفس الوقت ماأبغى أعلم امي
أو اختي الكبيره لأني بصراحه ماأبغى مشاكل بيني وبينكم , المهم
بعد ماتقدمت ام خلود لأمي قالت امي انا بالنسبه لي ماعندي مانع
موافقه ولاهوب جاينا أبرك منكم ياهالربع وبنتكم خلود كلن يتمناها
لكن انا لازم أشاور الولد لأنه هو صاحب الشان ولازم ناخذ رايه, جاتني
امي وقالت ياولدي عندي خلود وامها في المجلس ومتقدمين يبغونك
زوج لخلود على سنة الله ورسوله,انا استحيت وعرقت جبهتي وأجلس
أعضض في اصابعي ( اذا استحى يسويها )وانا ساكت وقالت امي
السكوت علامة الرضى وانا أمك يعني موافق قلت والله يمه الراي رايك
واللي تشوفينه انتي وخواتي والشغاله بعد, قالت اجل توكلنا على الله
راحت لهم امي وانا الحقها وانا مستانس بس مسوي فيها قدامهم
وانا أنخش ورا الباب واقعد اقز البنت وهي جنب امها الا وش حليلها
تنوكل قولو ماشاءالله, قالت لهم الوالده خلاص انا خذيت راي الولد
وموافقين بس بشرط وهي تنقز خلود ماصدقت على الله قالت وشو
الشرط واعتبروا ان شرطكم منفذ من اللحين ( خاقه معي البنت )
قالت انكم تخلون الولد يسكن في بيت لحاله وانه يكمل دراسته
قالت خلود ماعندي مانع وانا بعد عندي شرط قالت امي وش هو
قالت اني أشوف ولدكم قبل ماأدخل عليه قالت امي من حقك
يابنيتي , حددوا يوم معين وقالت لي امي ترى البنت وامها ياولدي
بيجون لنا اليوم بعد المغرب عشان يشوفونك وأطلع ذاك اليوم والله
لايوريكم من الصبح حتى المدرسه طنشتها واروح لحلاق هوليوود
موو هوليوود اللي في Los angelos اللي هينا في الرياض واطلع
منه على حلويات الذواق واخذ لي شوية شكولاته مع حلوى وعلى
البيت على طوووووول ,جاء المغرب وجت البنت ومعها امها وانا جالسن
عند المرايه وأرزز خشتي من الصبح وبعد ماجلسوا جتني امي وقالت
يالله وانا أمك البنت هناك هي وامها وهاليحن رح للمطبخ ورح هات
اللي فيه وانا اروح للمطبخ والقى الوالد مجهز القهوه والشاهي
والحلويات والعصيرات بعد واخذها منه واحب خشمه واقول يد مانعدمهاش
يايبه واجيك امشي رايح لهم وانا مرتبك طبعا ً ويوم اني دخلت
والقى البنت منفصه عيونها فيني وانا ماسك العصير في يدي
( طبعا ً كاسين بس ) ومن الربشه بغيت أخثع وينكب العصير
لكن ستر الله , حطيت العصير عند البنت وانا جلست قبالها
وهي تقول لي ماشاءالله وش هالزين ووش هالحلاوه وتقعد
تمدح فيني وانا مستحي ومنزل راسي ولا أناظر فيها اممممم
وتقول انا من اول ( مره أندق الباب عرفتك انت من الدقه)مره
شفتك فيها وانا حابتك وأسمع فيك انك عاقل ومنتب راعي
مقاهي ولا أستراحات وهذا اللي رغبني فيك الصراحه ولا عيال
الناس واجد ( أفااا ماكناااا حلوين )بعدها مشت البنت هي وامها
وانا مبسوط ويوم طلعت الا أختي الكبيره توها داخله البيت وحاطه
الطرحه على كتفها<<عربجيه ومقفله معها والزقاره في فمها
وعلى دخلتها الا وهي تسمع زغرطت الوالد في المطبخ وقالت
وش السالفه قال لها ابوي باركي لخوك اخطبته بنت جيراننا خلود
هي سمعت ولاماسمعت وهي تطلع زعلانه تبغى تطرد خلود
وانا على اعصابي واقول يووووو ياربي وش اسوي وهي تقابلها امي
وتصفقها ذاك الكف اللي يمشي مليون وقالت انثبري لاتفضحينا
وهي تزعل وتصك الباب بقوه في وجه امي وهي تركب الكامري
وتفحط وتروح للأستراحه ,, وابشركم تم زفافي من خلود وباركوا
لي جميع الاهل والاقارب وقالو لي منها المال ومنك العيال انت ووجهك
يالرخمه , ولأن نعيش في عش الزوجيه ومبسوطين الله لايغير علينا
وعقبال انشاءالله جميع من في منتدى غرابيل عاشق قولو أمين .
مجنون خلود / يم يم
هذي قصتي مع بنت جارنا ( خلود ) يوم تقدموا لي يخطبوني من امي....!!
مره من المرارير... جتنا جارتنا ام خلود تبغاني زوج لبنتها الكبيره خلود
وهي ( ضمير عائد للأم خلود ) من كثر ماتشوفني هادي ومحترم وأليف << ضب
ولاأحرك ساكن في البيت ومن البيت الى المدرسه ولا أختلط في أحد
ولا نيب حق أستراحات ولا حق أسواق ولا مشاغل ( جمع مشغل )
قالت بينها وبين نفسها هذا هو الزوج اللي ابحث عنه لبنيتي خلود
, عاد انا سوقي ماشي وكل بنات عمي وبنات جماعتي ميتين علي
يبغون يخطبوني من امي لأني ماشاءالله علي أصلح لكل بنت وكل
ماتقدمت لي وحده أرفض سبحان الله ماأدري ليه ( الزواج قسمه ونصيب)
المهم , وتطيح عين هالعجوز علي وأشوفها كل ماجلست عند امي
وانا جالس معهن أصبلهن القهوه تسألني وتحاول تحتك فيني وأنا عاد
أستحي ولا أحب اتكلم كثير , شكيت في الموضوع ورجعت بذاكرتي الى الوراء
( حلوه رجعت بذاكرتي الى الوراء) ويوم تذكرت اني كل ما نزلت من الباص
حق المدرسه ولا وانا راكب فيه الا بنتهم خلود جالسه تنتظرني عند بابهم
وتبغى تشوفني كويس ( حاطه العين عليه البنت بس هو دلخ) وانا أذا
شفتها أصد منها وأدق اللطمه وأدخل البيت بسرررررعه ولاحظتها كذا
مره وهي تبغى تتحرش فيني وانا مع السواق وتذب علي كلمات يعني
تميلح البنت بس انا ماأعطيها وجه وفي نفس الوقت ماأبغى أعلم امي
أو اختي الكبيره لأني بصراحه ماأبغى مشاكل بيني وبينكم , المهم
بعد ماتقدمت ام خلود لأمي قالت امي انا بالنسبه لي ماعندي مانع
موافقه ولاهوب جاينا أبرك منكم ياهالربع وبنتكم خلود كلن يتمناها
لكن انا لازم أشاور الولد لأنه هو صاحب الشان ولازم ناخذ رايه, جاتني
امي وقالت ياولدي عندي خلود وامها في المجلس ومتقدمين يبغونك
زوج لخلود على سنة الله ورسوله,انا استحيت وعرقت جبهتي وأجلس
أعضض في اصابعي ( اذا استحى يسويها )وانا ساكت وقالت امي
السكوت علامة الرضى وانا أمك يعني موافق قلت والله يمه الراي رايك
واللي تشوفينه انتي وخواتي والشغاله بعد, قالت اجل توكلنا على الله
راحت لهم امي وانا الحقها وانا مستانس بس مسوي فيها قدامهم
وانا أنخش ورا الباب واقعد اقز البنت وهي جنب امها الا وش حليلها
تنوكل قولو ماشاءالله, قالت لهم الوالده خلاص انا خذيت راي الولد
وموافقين بس بشرط وهي تنقز خلود ماصدقت على الله قالت وشو
الشرط واعتبروا ان شرطكم منفذ من اللحين ( خاقه معي البنت )
قالت انكم تخلون الولد يسكن في بيت لحاله وانه يكمل دراسته
قالت خلود ماعندي مانع وانا بعد عندي شرط قالت امي وش هو
قالت اني أشوف ولدكم قبل ماأدخل عليه قالت امي من حقك
يابنيتي , حددوا يوم معين وقالت لي امي ترى البنت وامها ياولدي
بيجون لنا اليوم بعد المغرب عشان يشوفونك وأطلع ذاك اليوم والله
لايوريكم من الصبح حتى المدرسه طنشتها واروح لحلاق هوليوود
موو هوليوود اللي في Los angelos اللي هينا في الرياض واطلع
منه على حلويات الذواق واخذ لي شوية شكولاته مع حلوى وعلى
البيت على طوووووول ,جاء المغرب وجت البنت ومعها امها وانا جالسن
عند المرايه وأرزز خشتي من الصبح وبعد ماجلسوا جتني امي وقالت
يالله وانا أمك البنت هناك هي وامها وهاليحن رح للمطبخ ورح هات
اللي فيه وانا اروح للمطبخ والقى الوالد مجهز القهوه والشاهي
والحلويات والعصيرات بعد واخذها منه واحب خشمه واقول يد مانعدمهاش
يايبه واجيك امشي رايح لهم وانا مرتبك طبعا ً ويوم اني دخلت
والقى البنت منفصه عيونها فيني وانا ماسك العصير في يدي
( طبعا ً كاسين بس ) ومن الربشه بغيت أخثع وينكب العصير
لكن ستر الله , حطيت العصير عند البنت وانا جلست قبالها
وهي تقول لي ماشاءالله وش هالزين ووش هالحلاوه وتقعد
تمدح فيني وانا مستحي ومنزل راسي ولا أناظر فيها اممممم
وتقول انا من اول ( مره أندق الباب عرفتك انت من الدقه)مره
شفتك فيها وانا حابتك وأسمع فيك انك عاقل ومنتب راعي
مقاهي ولا أستراحات وهذا اللي رغبني فيك الصراحه ولا عيال
الناس واجد ( أفااا ماكناااا حلوين )بعدها مشت البنت هي وامها
وانا مبسوط ويوم طلعت الا أختي الكبيره توها داخله البيت وحاطه
الطرحه على كتفها<<عربجيه ومقفله معها والزقاره في فمها
وعلى دخلتها الا وهي تسمع زغرطت الوالد في المطبخ وقالت
وش السالفه قال لها ابوي باركي لخوك اخطبته بنت جيراننا خلود
هي سمعت ولاماسمعت وهي تطلع زعلانه تبغى تطرد خلود
وانا على اعصابي واقول يووووو ياربي وش اسوي وهي تقابلها امي
وتصفقها ذاك الكف اللي يمشي مليون وقالت انثبري لاتفضحينا
وهي تزعل وتصك الباب بقوه في وجه امي وهي تركب الكامري
وتفحط وتروح للأستراحه ,, وابشركم تم زفافي من خلود وباركوا
لي جميع الاهل والاقارب وقالو لي منها المال ومنك العيال انت ووجهك
يالرخمه , ولأن نعيش في عش الزوجيه ومبسوطين الله لايغير علينا
وعقبال انشاءالله جميع من في منتدى غرابيل عاشق قولو أمين .
مجنون خلود / يم يم