تعبت........

[تاجر مواشي]

اغنام - ابل - دواجن - طيور

تعبت انا أنثر همـ قلبي علـى النـاس
وتعبت ادور للحقيقـة حقيقـة !

يلعن أبوه .. شعور لابوه إحساس ..
لاجيت أسوي من جراااحـي حديقـه

شف لي طريقة لاغدى دربي .. اليــاس !
تعبت أنا ترديد : شف لي طريقـة !

ماعاد ياسع للحزن أي كرّاس !
وماعاد قلبـي يحتمـل أي ضيقـة !

شفني رشفت من الغرابيل كـم كـاس !
والصبر مابلّت أمانيه ريقـه

أكبر مصيبة طيحة إنسان حسّّـاس !
تسوى بعيني مـوت كـل الخليقـه

أكذب على نفسى إذا قلـت لابـاس !
و"الـبـاس " أصـلاً مـن زهـوري رحـيـقة !

ياما تعبت أشحذ من عيوني نعاس
والنوم ابد مامر عيني دقيقه

صعبه تشوف بعينك الحلم ينـداس ..!
كنّك تطفي .. من دموعـك حريقـة !

الموت ماهو لا إنحنى للتعـب راس ..
الموت نفسك لانحنـت للخليقـة

كل الدروب أشوفها ياس فـي يـاس !
سااايق عليك الله .. وش هي طريقه!