المساعد الشخصي الرقمي

مشاهدة النسخة كاملة : يا شااااعر يا لااااا


سناء الفجر
06-10-2005, 02:41 AM
إخواني شعراء وشاعرات منتدى غرابيل ، أول مشاركة لي في ميدان المحاورة

وأريد شاعر كبير لاجل أتعلم منه ، وكلكم فيكم خير

[size=4]ذكر الله وحده في المبدا ....واغلى الحكمة مني تهدا....أصفى من نبع الما واندا ... والي يزعل يطلع برا


سلام الله على من ينتقي في اللول والالماس =رشيدٍ لا حما الميدان ياخذها ويعطيها
وين الشاعر وين المعنى ..... فوق القمة يصعد معنا....والحس المرهف يجمعنا .... والي يزعل يطلع برا

يمر العمر باحلام السنين وعقبها لافلاس=ومن لا يحذر الدنيا يوقع في بلاويها
عريمان السبيعي
06-10-2005, 05:42 AM
ذكر الله في المبدا طيب,,, لاتنسى العية يحبيب ,,, يوم بعيد ويوم قريب .... واللي يزعل يطلع برا
هلا يامرحبا من شاعرٍ لاجيت مايحتاس = سبيعي لاحما الموقف يسرحها ويضويها

جيت هنيا والله جابك ,,, ولع فالطرقة مشهابك ,,, مير ازهم ربعك واقرابك ... واللي يزعل يطلع برا
آشوفك ياوسيع العرف حاسبها بلا مقياس = على الدنيا صنوف الناس بايعها وشاريها
*أهداب*
06-10-2005, 08:34 AM
متابعين ....فقط
رشيد الكسر
06-10-2005, 07:45 PM
صح لسانك ياعريمان السبيعي


ومتااابع ....


لكم اجمل تحيه
عريمان السبيعي
06-10-2005, 09:26 PM
أهداب حياك الله

=============

رشيد الكسر هلا ومرحبا

صح بدنك ياذيبان

تحاياي
سناء الفجر
07-10-2005, 02:48 AM
هلا وغللا بعريمان استلم
:مشواري بادي مشواري...يا بايع مدري يا شاري...بعد ايام تجيك اخباري ... والي يزعل يطلع برا
يقولون القمم ما وصلها قبلي سوى قرناس=ومن قصرت حباله يا سبيعي كيف يعليها
الله جابي في محضارك....مير اسمع لا تضوي نارك....خايف تلحق حتى جارك ... والي يزعل يطلع برا

بهونك لا تطير بعيد يا عباس بن فرناس=على الدنيا التحية والتوالي عند واليها
أمل عبدالعزيز
07-10-2005, 08:12 AM
,
,
,
الله الله الله

بصراحة طارووق خطير ومع الفجر أخطر


صحت قلوبكم

وتحيتي لكليكما...
عريمان السبيعي
07-10-2005, 04:05 PM
توك طالع من حفيزك ,,, مالك ذكر ولا ندريبك ,,, وانا عليه تدريبك ,, واللي يزعل يطلع برا
أنا من خلقتي ماشفت زول خليف ابن دواس = لكنّ اميز ابيوتٍ تبيض وجه راعيها


ضوي من طيبي موقودة ,,, والدلة تمشي والعودة ,,, فقر المخبى والا زوده ... واللي يزعل يطلع برا

توحينا علوم جداد مصدرها وكالة واس = يقولون العرب تعرف بحاضرها وماضيها
عريمان السبيعي
07-10-2005, 04:14 PM
أمل عبدالعزيز
الله يكفينا الخطر
اللهم لك الحمد سهود ومهود والله يرحم فهد الفهود
والله يعز الدين وحكم آل سعود ..

تحاياي
سناء الفجر
07-10-2005, 09:30 PM
رشيد الكسر

أهداب

أمل عبد العزيز
أشكركم على المتابعة ، وابد زي ما قال اخوي الشاعر الكبير عريمان ( الدنيا سعه ) والصدور اوسع

متهور بيدك تدريبه.....ما يقنع حتى تدري به .....شرقي وصعيبٍ تغريبه ... والي يزعل يطلع برا
شهادة يا عريمان السبيعي ترتفع بالراس=بيوت المدرح يا ليتك تشاهد وجه قاريها
المخبي في ذهني واضح..... بكره والليلة والبارح....ونعم بالممدوح المادح ..... والي يزعل يطلع برا
توحيت العلوم بخبرتك يا مرهف الاحساس=وساعات الشقا والضيق تعطى القوس باريها
عريمان السبيعي
11-10-2005, 02:58 AM
ربيتك والله ربيتك ,, ولا قصرنا في تربيتك ,, نبي عسى يظهر صيتك ..واللي يزعل يطلع برا
آنا من خلقتي ماورد الكلمة بليا ساس = ولا يلقى علي شرواك مدخل يوم يوحيها

لاتدردمها كذيا ,, ثم تدربيها عليا,, وافطن لاقلنالك هيا ... شور أحسن لك تطلع برا
صحيح الناس ماتلقى الذهيبة عند بعض الناس = نجي منا نبي منا نكحلها ويعميها
سناء الفجر
12-10-2005, 12:57 AM
هلا وغلا

انفوس العالم معذوره .... لو تصبح يومٍ مغروره....طارت من قلنا مشهوره .... والي يزعل يطلع برا

تعدك الذهيبة لين جبناها واخذنا الكاس=عرفتم كيف تنساكم عرفنا كيف نحميها
بنكحلها وبنعميها .... وبنمرضها ونداويها......وقلوب عطشى نرويها ...ماهو مثلي يطلع برا

أنا بانشدك من ياخذ بثار كليب من جساس=وجولات البسوس الجرهدية وش تسميها
نايفة شمر
12-10-2005, 01:19 AM
انا هنا متابعة وبقوووة


اختكم

نايفة
نايف الأسلمي
18-10-2005, 02:42 PM
ياسلام ياسلام هكذا تناخ الابل

انا بنشدك من ياخذ بثار كليب من جساس=وجولات البسوس الجرهديه وش تسميها

نايف الاسلمي
عريمان السبيعي
20-10-2005, 12:21 AM
مبروك الفوز ياهني ... أثارك لاعبٍ فني ... بصفقلك وبا اغني .. واللي يزعل يطلع برا
جباك الكاس لامنك خذيته ياولد محماس = جعل فيه العوافي يامدورها ولاقيها
لاوالله طالت السرقة ... هذا والناس في شرقة ... على الله نطوي الطرقة ... واللي يزعل يطلع برا
ترى هذي وانا عمك سوالف ليل ابو نواس = وانا عيبٍ عليّ ازعل عتيبة يوم أباريها
سناء الفجر
20-10-2005, 01:45 AM
الشهد الحالي في الكالي ........والغالي من حظ الغالي ...... يستاهل مجروح البالي ..... والي يزعل يطلع برا


يروح الفوز بافراحه وطاح الراس تحت الفاس=ومن جاب الرسايل نا دخيلك لا يوديها

علم بالعلم علي بابا ...... لا يوصل بالسرقه طابا ......... بين الشيخ وبين البابا ....... ةالي يزعل يطلع برا


نشدك عن ذهب بغداد كيف تبدله بانحاس=رجع قانص طيور الجو فوق الغصن يخطيها