يا اخوان استفســار لاهنتــم وابي شوركـــم يالربع

[تاجر مواشي]

اغنام - ابل - دواجن - طيور


السلام عليكـــم ورحمــة الله

اخوكـــم انفر راســـه وتقروش قروشــه ماهيب طبيعــيه

انا يالنشامى عندي غنــم معــزا وطقت براسي ابحط نعيــــم وناس كثير نصحونـي بالنعيــم

المهــم ياجمــاعة الخيـــر كلمت واحد من الربع ابي من عنده نعيــم طيبه وقال لي انا والله ماعندي شي للبيـــع

لكــن فيه واحد مثلك وشرواك عنده نعيــم طيبـــه بالحيــل جروم وشي راهـي المهم سيرنا عليـــه

وتقهوينــا عنده تفاجــأت بأن اسعاره غاليـــه بالنسبــة لي وخاصة اني مبتدئ في النعيــــم

يا اخوان قال هاذي الدفيــع ب 4000 الاف وانا الي انقيهن لك ولا 4500 ونق الي تبي فيهم

وقال اما الرخال من 3000 الاف ريــال وعندي رخال ب 2300 ريـــال لكـن انا اشهـد حلاله صنف ما يحتاج

قلت له ياطويل العمر ابي شي ارخص من كذا قال الرخيص مهب طيب ولا يمشي معك في السوق

وش رايكــم في كلامـــه قلت له ابي شي زين وانتاجها ذبح للثلاجـــه وجرومها زينه قال ماعندي طلبك

حاليــا لقيت نعيـــم يالربع جرومها وسط من 1100 وش رايـــكم يا اهل الخبره بهالكلام

وعندي حوش مساحته معليه اقدر اخلطهم مع المعزا في حوش واحد ولا مايصلح ابد لازم افصلهم

وناس قالوا لي اشتر نعيــم عاديـه ودخل عليهم فحل صنـــف ترا بيجي في انتاجك شي طيب

الطيب خله عندك بالحوش لاتبيعـــه والطلي خله فحـــل واعرضــه وش رايكم بحكي صاحبنا معلم زمانـــه

تراني ياخوكم الخبــره ماهب هاذيك الزود في النعيــم خاصــة وش رايـــكم افيدونـــا الله يجزاكم خيـــر ..

اشتري نعيــم من الغاليــة الي لقيتها ولا اشتري عاديه وادخل عليها فحل طيب

وفي السوق النعيــم الي جرومهن عاديـه على كلام صاحبنــا ما تجيب لك سعــر !!!

ورايكم اخلطهم مع المعزا ما يمنـــع ذلك ,,

وجزاكم الله خيـــــــر وبإنتظــــاركم ...

اخـــوكم / فيـــــصل ..